સંરક્ષણ સૂત્રોએ જણાવ્યું હતું કે ભારતીય સેનાના સ્થાનિક કમાન્ડરે અરુણાચલ પ્રદેશમાંથી ગુમ થયેલા છોકરાની સલામત વાપસી માટે હોટલાઇન પર ચીની સેનાનો સંપર્ક કર્યો છે.
અરુણાચલી યુવકના અપહરણ અંગે PMના મૌન પર રાહુલ ગાંધીનો પ્રહાર
અરુણાચલ પ્રદેશમાંથી (Arunachal Pradesh) 17 વર્ષીય કિશોર ગુમ થયાની માહિતી મળ્યા બાદ તેને પરત લાવવાના પ્રયાસો તેજ કરી દીધા છે. સંરક્ષણ સૂત્રોએ જણાવ્યું હતું કે ભારતીય સેનાના સ્થાનિક કમાન્ડરે અરુણાચલ પ્રદેશમાંથી ગુમ થયેલા છોકરાની સલામત વાપસી માટે હોટલાઇન પર ચીની સેનાનો સંપર્ક કર્યો છે. ચીની સેના તરફથી હજુ સુધી કોઈ પ્રતિક્રિયા આપવામાં આવી નથી.
આ મામલો ત્યારે સામે આવ્યો જ્યારે અરુણાચલ પ્રદેશના એક ભાજપાના સાંસદે દાવો કર્યો કે કિશોરનું અપહરણ ચીનની પીપલ્સ લિબરેશન આર્મી (PLA) દ્વારા કરવામાં આવ્યું હતું.
ADVERTISEMENT
સંરક્ષણ સૂત્રોએ અરુણાચલ પ્રદેશમાંથી ગુમ થયેલા કિશોર મીરમ તરુન વિશે માહિતી આપી હતી. સૂત્રોએ જણાવ્યું હતું કે છોકરાના ગુમ થવાની માહિતી મળતાં ભારતીય સેનાએ તરત જ સ્થાપિત હોટલાઇન સિસ્ટમ દ્વારા પીપલ્સ લિબરેશન આર્મી (PLA)નો સંપર્ક કર્યો હતો. તેઓને કહેવામાં આવ્યું કે છોકરો, જે જડીબુટીઓ લેવા ગયો હતો, તે રસ્તો ખોવાઈ ગયો હતો અને તે શોધી શક્યો ન હતો.
गणतंत्र दिवस से कुछ दिन पहले भारत के एक भाग्य विधाता का चीन ने अपहरण किया है- हम मीराम तारौन के परिवार के साथ हैं और उम्मीद नहीं छोड़ेंगे, हार नहीं मानेंगे।
— Rahul Gandhi (@RahulGandhi) January 20, 2022
PM की बुज़दिल चुप्पी ही उनका बयान है- उन्हें फ़र्क़ नहीं पड़ता!
આ પહેલા કોંગ્રેસના પૂર્વ અધ્યક્ષ રાહુલ ગાંધીએ યુવાનોના કથિત અપહરણને લઈને સરકાર પર નિશાન સાધ્યું હતું. રાહુલ ગાંધીએ ટ્વીટ કર્યું, `પ્રજાસત્તાક દિવસના થોડા દિવસો પહેલા, ભારતના એક ભાગ્ય વિધાતાનું ચીન દ્વારા અપહરણ કરવામાં આવ્યું છે - અમે મીરામ તરુનના પરિવાર સાથે છીએ અને આશા છોડીશું નહીં, હાર માનીશું નહીં. પીએમનું મૌન તેમનું નિવેદન છે - તેમને કોઈ પરવા નથી!`
અરુણાચલ પ્રદેશના સાંસદ તાપીર ગાઓએ બુધવારે દાવો કર્યો હતો કે ચીનની પીપલ્સ લિબરેશન આર્મીએ રાજ્યના ભારતીય વિસ્તારના અપર સિયાંગ જિલ્લામાંથી 17 વર્ષીય કિશોરનું અપહરણ કર્યું હતું.
1/2
— Tapir Gao (@TapirGao) January 19, 2022
Chinese #PLA has abducted Sh Miram Taron, 17 years of Zido vill. yesterday 18th Jan 2022 from inside Indian territory, Lungta Jor area (China built 3-4 kms road inside India in 2018) under Siyungla area (Bishing village) of Upper Siang dist, Arunachal Pradesh. pic.twitter.com/ecKzGfgjB7
તેણે ટ્વીટની સાથે અપહરણ કરાયેલા કિશોરની તસવીર શેર કરી અને કહ્યું, "ભારત સરકારની તમામ એજન્સીઓને વિનંતી કરવામાં આવે છે કે તે કિશોરની વહેલી મુક્તિ સુનિશ્ચિત કરે."