તત્કાળ પોલીસનો સંપર્ક કરાતાં તેમણે બૅન્કના સીસીટીવી કૅમેરાનું ફુટેજ તપાસી પોલીસની એક ટીમને આરોપીઓની શોધમાં લગાડી દીધી હતી
પ્રતીકાત્મક તસવીર (તસવીર સૌજન્ય : આઇસ્ટૉક)
બિહારમાં દિવસે-દિવસે લૂંટની ઘટનાઓ વધી રહી છે. ગઈ કાલે બિહારના મુઝફ્ફરપુરના ગોબરસહી વિસ્તારમાં સ્થિત આઇસીઆઇસીઆઇ બૅન્કમાં ધોળે દહાડે ત્રણ બદમાશોએ બૅન્કના કર્મચારીઓને બંધક બનાવીને ૧૫ લાખ રૂપિયાની લૂંટ ચલાવી હતી. પોલીસ આરોપીઓને શોધી રહી છે.
બૅન્કના ડેપ્યુટી બ્રાન્ચ મૅનેજરે જણાવ્યું હતું કે મુઝફ્ફરપુરમાં સ્થિત આઇસીઆઇસીઆઇ બૅન્કમાં અમારો સ્ટાફ પહોંચ્યો કે તરત જ ત્રણ બદમાશો હથિયારના જોરે અમને બંધક બનાવી બૅન્કમાં રહેલા ૧૫ લાખ રૂપિયા લઈને પલાયન થઈ ગયા હતા. લૂંટની આ સંપૂર્ણ ઘટના સીસીટીવી કૅમેરામાં ઝિલાઈ ગઈ છે.
ADVERTISEMENT
તત્કાળ પોલીસનો સંપર્ક કરાતાં તેમણે બૅન્કના સીસીટીવી કૅમેરાનું ફુટેજ તપાસી પોલીસની એક ટીમને આરોપીઓની શોધમાં લગાડી દીધી હતી. પોલીસને આશા છે કે ટૂંક સમયમાં આરોપીઓને ઝડપવામાં એ સફળ થશે.