બીજેપીના નેતાઓ આ ઘટનાનો વિડિયો સોશ્યલ મીડિયા પર શૅર કરીને એને ભ્રષ્ટાચારનો પુરાવો ગણાવી રહ્યા છે
આમ આદમી પાર્ટીનું ચિન્હ (તસવીર સૌજન્ય : ગુજરાતી મિડ-ડે)
નવી દિલ્હી : આમ આદમી પાર્ટી (એએપી-આપ)ના એક વિધાનસભ્યને તેમની જ પાર્ટીના કાર્યકરોએ માર માર્યો હતો. જેનું કારણ દિલ્હીની મ્યુનિસિપલ કૉર્પોરેશનની ચૂંટણીમાં ઉમેદવારોની પસંદગી હોવાનું જણાવાયું છે. બીજેપીના અનેક નેતાઓ આ ઘટનાના વિડિયોને સોશ્યલ મીડિયા પર શૅર કરી રહ્યા છે.
આપના દિલ્હીના મટિયાલાથી વિધાનસભ્ય ગુલાબ સિંહ યાદવને માર મારવાનો આ વિડિયો સોશ્યલ મીડિયા પર ઝડપથી વાઇરલ થઈ રહ્યો છે. સૂત્રોએ જણાવ્યું હતું કે ગુલાબ સિંહ સોમવારે રાતે લગભગ આઠ વાગ્યે પાર્ટીના કાર્યકરો સાથે મીટિંગ કરી રહ્યા હતા ત્યારે સમસ્યા થઈ હતી. બીજેપી જણાવે છે કે આ વિડિયો એ વાતનો પુરાવો છે કે આમ આદમી પાર્ટી મ્યુનિસિપલ કૉર્પોરેશનની ચૂંટણીમાં રૂપિયા લઈને ટિકિટ વેચી રહી છે.
ADVERTISEMENT
રોષે ભરાયેલા કાર્યકર્તાઓ આ વિધાનસભ્યની સાથે મારામારી કરવા લાગ્યા. યાદવે ત્યાંથી ભાગવાની કોશિશ કરી હતી. કાર્યકર્તાઓ તેમનો પીછો કરવા લાગ્યા. આખરે આ વિધાનસભ્ય ભાગી જતા જોવા મળ્યા હતા.