શશી થરૂરના ઘરે સોનિયાને લખેલા પત્રની યોજના ઘડાઈ હતી

શશી થરૂરના ઘરે સોનિયાને લખેલા પત્રની યોજના ઘડાઈ હતી

શશી થરૂર

કૉન્ગ્રેસ પાર્ટીમાં બદલાવની માગણીને લઈ પાર્ટી અધ્યક્ષા સોનિયા ગાંધીને લખાયેલી ચિઠ્ઠીને લઈ હોબાળો થઈ ગયો છે. હવે એક મીડિયા રિપોર્ટના હવાલેથી કહેવાય છે કે આ ચિઠ્ઠીની પટકથા પાંચ મહિના પહેલાં કૉન્ગ્રેસ સંસદસભ્ય શશી થરૂર દ્વારા આપવામાં આવેલ ડિનર પાર્ટીમાં લખાઈ હોવી જોઈએ. આપને જણાવી દઈએ કે શશી થરૂરની ડિનર પાર્ટી માર્ચમાં થઈ હતી અને એમાં કૉન્ગ્રેસના કેટલાય વરિષ્ઠ નેતા સામેલ થયા હતા.ઉલ્લેખનીય છે કે શશી થરૂરની ડિનર પાર્ટીમાં સામેલ થનાર કેટલાય

નેતાઓએ આ ચિઠ્ઠી પર હસ્તાક્ષર કર્યા નહોતા. એક મીડિયા રિપોર્ટના મતે શશી થરૂરની આ ડિનર પાર્ટીમાં ભૂતપૂર્વ કેન્દ્રીય પ્રધાન પી. ચિદમ્બરમ, તેમના દીકરા કાર્તિ ચિદમ્બરમ, સચિન પાઇલટ, અભિષેક મનુ સિંધવી અને મણિશંકર ઐય્યર જેવા નેતા સામેલ થયા હતા, પરંતુ તેમણે ચિઠ્ઠી પર હસ્તાક્ષર કર્યા નથી.

ADVERTISEMENT

જોકે શશી થરૂરની ડિનર પાર્ટીમાં સામેલ થનાર કેટલાય નેતાઓએ પાર્ટીના પત્રને લઈ ઔપચારિક વાતચીત થયાની ના પાડી દીધી છે. અભિષેક મનુ સિંધવીએ કહ્યું કે મને શશી થરૂર દ્વારા પાર્ટીમાં આમંત્રિત કરાયા હતા. આ પાર્ટીમાં પાર્ટીની અંદર સુધારને લઈ અનૌપચારિક વાતચીત થઈ હતી. જોકે મને કોઈ પત્ર વિશે કોઈ માહિતી આપવામાં આવી નહોતી.