° °

આજનું ઇ-પેપર
Friday, 24 September, 2021


11 વર્ષની દીકરી પિતા સામે ફરિયાદ નોંધાવવા 10 કિલોમિટર ચાલી

18 November, 2020 08:39 PM IST | Kendrapara | Gujarati Mid-day Online Correspondent

11 વર્ષની દીકરી પિતા સામે ફરિયાદ નોંધાવવા 10 કિલોમિટર ચાલી

પ્રતીકાત્મક તસવીર

પ્રતીકાત્મક તસવીર

અનોખી રીતે વિરોધ નોંધાવવાના આશયથી ઓરિસ્સાના ડુકુકા ગામની છઠ્ઠા ધોરણની છોકરી દસ કિલોમિટર ચાલીને કેન્દ્રાપાડા કલેક્ટર ઑફિસ પહોંચી. દીકરીનો વિરોધ તેના પિતા સામે હતો કે તેમણે તેના મિડ-ડે મિલના એટલે કે મધ્યાહન ભોજનના પૈસા અને ચોખા લઇ લીધા.

સોમવારે બનેલી આ ઘટના અંગે ધી ન્યૂ ઇન્ડિયન એક્સપ્રેસમાં આવેલા રિપોર્ટ અનુસાર સુશ્રી સંગીથા સેઠી (11 વર્ષ) દુકુકા વિદ્યાપીઠમાં ભણે છે અને તેણે કલેક્ટર સમર્થ વર્મા પાસે પોતાના પિતા રમેશ ચંદ્ર સેઠી સામે ફરિયાદ નોંધાવી કે તેઓએ સુશ્રીના મધ્યાહન ભોજનના પૈસા અને તેને મળેલા ચોખા લઇ લીધા છે.

ફરિયાદ અનુસાર તેની માતાનાં મૃત્યુનાં બે વર્ષ બાદ તેના પિતાએ ગયા વર્ષે ફરી લગ્ન કર્યા અને ત્યારેથી સુશ્રી તેના કાકાને ઘરે રહે છે કારણકે પિતા અને સાવકી માને તેની કાળજી નહોતી લેવી. સરકારે કોરોનાવાઇરસ રોગચાળા પછી સરકારી શાળાના વિદ્યાર્થીઓ અને તેમના ગાર્ડિયન્સના ખાતામાં મધ્યાહન ભોજનના પૈસા જમા કરાવ્યા અને તેમને અમુક જથ્થામાં ચોખા પણ પુરા પાડ્યા. સુશ્રીને આમાંનું કંઇ નહોતું મળથું કારણકે તેણે જણાવ્યા અનુસાર તેનું બૅંક એકાઉન્ટ હોવા છતાં પૈસા તેના પપ્પાના ખાતામાં જમા થતા હતા અને જ્યારે તેણે પિતા પાસે એ પૈસા માગ્યા તો તેમણે એ તેને આપવાની ના પાડી અને તેના ભાગના ચોખા પણ સ્કૂલમાં લઇને ઘર ભેગા કરી દીધા.

કેન્દ્રાપાડાના કલેક્ટર સમર્થ વર્માએ કહ્યું કે, "તેની સમસ્યા સાંભ્યા બાદ મેં જિલ્લા શિક્ષણ અધિકારીને સુશ્રીના ખાતામાં જ પૈસા જમા કરાવવા કહ્યું છે જિલ્લા શિક્ષણ અધિકારી તેના પિતા પાસેથી પૈસા અને ચોખા પાછા મેળવવાનો પ્રયાસ પણ કરશે."

જિલ્લા શિક્ષણ અધિકારી ડીઇઓ સંજબ સિંઘે કહ્યું કે કલેક્ટરના હુકમ અનુસાર પૈસા હવે વિદ્યાર્થીના ખાતામાં જમા થશે અને પિતાએ પડાવી લીધેલા પૈસા પાછા મેળવવાની તજવીજ પણ કરાશે. શાળાના હેડ માસ્તરને પણ સૂચના અપાઇ છે કે ચોખા વિદ્યાર્થીઓના હાથમાં જ આપવા.

સિંઘે કહ્યું કે રોગચાળામાં સ્કૂલ્સ બંધ રહી છે અને સત્તાધિશો રોજના દોઢસો ગ્રામ ચોખા આપે છે અને 8.10 રૂપિયા પ્રતિ વિદ્યાર્થી ખાતામાં જમા કરાવે છે. વિદ્યાર્થીઓના ખાતામાં કૂલ રકમ મહિને એકવાર જમા કરાવાય છે. 

18 November, 2020 08:39 PM IST | Kendrapara | Gujarati Mid-day Online Correspondent

અન્ય લેખો

રાષ્ટ્રીય સમાચાર

Maharashtra : કોંગ્રેસના વરિષ્ઠ નેતા શરદ રણપિસેનું 71 વર્ષની વયે અવસાન

પાર્ટીના એક નેતાએ જણાવ્યું હતું કે, 71 વર્ષીય રણપિસેને થોડા દિવસ પહેલા હાર્ટ એટેક આવ્યો હતો

23 September, 2021 07:43 IST | Pune | Gujarati Mid-day Online Correspondent
રાષ્ટ્રીય સમાચાર

હવે દરેક ભારતીયને મળશે યુનિક હેલ્થ આઈડી કાર્ડ, જાણો કેવી રીતે મળશે લાભ

પ્રધાનમંત્રી નરેન્દ્ર મોદી 27 સપ્ટેમ્બરના રોજ `પ્રધાનમંત્રી ડિજિટલ હેલ્થ મિશન (PM-DHM)`યોજના શરૂ કરવા જઈ રહ્યા છે.

23 September, 2021 05:29 IST | mumbai | Gujarati Mid-day Online Correspondent
રાષ્ટ્રીય સમાચાર

બેંગલુરુમાં ગોડાઉનમાં જોરદાર વિસ્ફોટ, 3 લોકોના મોત, 4 ઘાયલ

કર્ણાટકના બેંગલુરુમાં એક મોટો વિસ્ફોટ થયો હતો, જેમાં 3 લોકોના મોત થયા છે.

23 September, 2021 04:27 IST | mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK