40 વર્ષીય ડ્રાઈવરની આઈપીસી કલમો હેઠળ ઝડપી અને બેદરકારીથી ડ્રાઈવિંગ કરવા બદલ ધરપકડ કરવામાં આવી છે
પ્રતીકાત્મક તસવીર
મુંબઈના ગોરેગાંવ (પૂર્વ)માં એક માર્ગ અકસ્માતમાં 37 વર્ષીય મહિલાનું મોત થયું હતું, જણાવવામાં આવી રહ્યું છે કે મહિલા શુક્રવારે બપોરે તેના બે પુત્રોને શાળાએથી મુકીને ઘરે પરત ફરી રહી હતી. આ દરમિયાન તેણીને એક સ્કૂલ બસે ટક્કર મારી હતી. આ અકસ્માતમાં તેનું મોત થયું હતું.
ડ્રાઇવરની ધરપકડ કરવામાં આવી
ADVERTISEMENT
તે જ સમયે, 40 વર્ષીય ડ્રાઈવરની આઈપીસી કલમો હેઠળ ઝડપી અને બેદરકારીથી ડ્રાઈવિંગ કરવા બદલ ધરપકડ કરવામાં આવી છે. આ આઘાતજનક ઘટના ઇરાનીવાડા, ગોરેગાંવ (પૂર્વ)માં જીએમ લિંક રોડ પર બપોરે લગભગ 1.15 વાગ્યે બની હતી. 37 વર્ષીય મૃતક કુંજન ઠક્કર ગોરેગાંવ (પૂર્વ)માં પાંડુરંગ વાડીની રહેવાસી હતી. આ મામલે તેના પતિ જીતેન્દ્ર ઠક્કરે પોલીસ સ્ટેશનમાં ફરિયાદ નોંધાવી છે.
તેના પુત્રોને શાળાએથી મૂકીને ઘરે પરત ફરી રહેલી મહિલા
મળતી માહિતી મુજબ, કુંજન તેના 11 વર્ષથી ઓછી ઉંમરના પુત્રોને શાળાએથી છોડીને સ્કૂટર પર ઘરે પરત ફરી રહી હતી. દરમિયાન એક સ્કૂલ બસ પણ બાળકોને સ્કૂલેથી મૂકીને પરત ફરી રહી હતી.
દિંડોશી પોલીસે જણાવ્યું હતું કે “રસ્તાની એ જ બાજુએ જઈ રહેલી એક સ્કૂલ બસે સ્કૂટી પર સવાર મહિલાને ટક્કર મારી હતી, પરંતુ અકસ્માત કેવી રીતે થયો તે સ્પષ્ટ થયું નથી.” પોલીસે જણાવ્યું હતું કે “તેમને કુંજનનું હેલ્મેટ નજીકમાં મળ્યું હતું. આ અકસ્માતમાં મહિલાને આંતરિક ઈજાઓ થઈ હતી. તેને હોસ્પિટલ લઈ જવામાં આવે તે પહેલા તેનું મોત થઈ ગયું હતું.”
