° °

આજનું ઇ-પેપર
Sunday, 20 June, 2021


વૅટ ચૂકવવાના મામલે કન્ફ્યુઝન

01 November, 2012 04:53 AM IST |

વૅટ ચૂકવવાના મામલે કન્ફ્યુઝન

વૅટ ચૂકવવાના મામલે કન્ફ્યુઝન



વૅલ્યુ ઍડેડ ટૅક્સ (વૅટ) ચૂકવવાની જવાબદારી ફક્ત બિલ્ડરોની છે એવો ચુકાદો મંગળવારે બૉમ્બે હાઈ કોર્ટે આપતાં બિલ્ડરલૉબીને વૅટ ભરવાની છેલ્લી મુદત માટે માત્ર એક જ દિવસ મળ્યો હતો અને એથી જૂન ૨૦૦૬થી લઈને માર્ચ ૨૦૧૦ સુધીમાં બિલ્ડરોએ જે ફ્લૅટ કે બંગલો વેચ્યા હતા એના પર તેમની પોતાની રીતે કરેલી ગણતરીને આધારે ગઈ કાલે છેલ્લા દિવસે ઍગ્રીમેન્ટ વૅલ્યુના પાંચ ટકા જેટલી રકમ વૅટરૂપે ચૂકવી હતી. અનેક બિલ્ડરોએ આ રકમ ન ચૂકવતાં હવે રાજ્ય સરકાર તેમને દંડ કરવાના મૂડમાં છે. જોકે વૅટની ચુકવણી વિશેના ચુકાદામાં ઘણા મુદ્દા પર સ્પષ્ટતા ન હોવાથી ફ્લૅટ ખરીદનારાઓમાં અને બિલ્ડરોમાં કન્ફ્યુઝન છે. ઘણા ફ્લૅટ ખરીદનારાઓ પાસેથી બિલ્ડરોએ પોતાની ગણતરી મુજબ વૅટની રકમ માગી હતી.


સેલ્સ ટૅક્સ ડિપાર્ટમેન્ટનાં ડેપ્યુટી કમિશનર સ્વાતિ કાલેએ કહ્યું હતું કે ગઈ કાલ સુધીમાં જે બિલ્ડરે વૅટની રકમ સરકારી તિજોરીમાં ચૂકવી નથી તેમને દંડ કરવામાં આવશે. બીજી તરફ બિલ્ડરોએ એવો નર્ણિય કર્યો છે કે જ્યાં સુધી કોઈ પ્રૉપર રીતે વૅટની રકમની માગણી કરતી નોટિસ આવે નહીં ત્યાં સુધી વૅટ ચૂકવવાની જરૂર નથી.


બિલ્ડરોની સંસ્થા એમસીએચઆઇએ વૅટના વિરોધમાં બૉમ્બે હાઈ કોર્ટમાં પિટિશન કરી હતી અને એમાં જણાવવામાં આવ્યું હતું કે વીજળીનું મીટર, રજિસ્ટ્રેશન ફી, સ્ટૅમ્પડ્યુટી અને મેઇન્ટેનન્સ જો ફ્લૅટ ખરીદનારો ભરતો હોય તો પછી વૅટ પણ તેની પાસેથી જ લેવામાં આવવો જોઈએ. બિલ્ડરો પાસેથી આ ટૅક્સ લેવાની વાત અન્યાયકારક છે એમ એમાં જણાવવામાં આવ્યું હતું.


એમસીએચઆઇ : મહારાષ્ટ્ર ચેમ્બર ઑફ હાઉસિંગ ઇન્ડસ્ટ્રી

01 November, 2012 04:53 AM IST |

અન્ય લેખો

મુંબઈ સમાચાર

થાણેની હૉસ્પિટલના સ્ટાફને નોકરીમાંથી કાઢ્યા પછી આંદોલન બાદ પાછો લેવામાં આવ્યો

કોરોનાના કેસ ઓછા થતાં અને તેમની જરૂર ન જણાતાં તેમને શુક્રવારે નોકરી પરથી કાઢી મૂકવામાં આવ્યાં હતાં. તેમણે ગઈ કાલે હૉસ્પિટલની બહાર વિરોધ-પ્રદર્શન કર્યું હતું.

20 June, 2021 03:55 IST | Mumbai | Gujarati Mid-day Correspondent
મુંબઈ સમાચાર

મધ્ય પ્રદેશથી ગન વેચવા આવેલ યુવાન ક્રાઇમ બ્રાન્ચના ઘાટકોપર યુનિટના હાથમાં ઝડપાયો

ક્રાઇમ બ્રાન્ચે આ સંદર્ભે મુલુંડના નવઘર પોલીસ સ્ટેશનમાં ફરિયાદ કરી હતી. આર્મ્સ ઍક્ટ હેઠળ ગુનો નોંધીને કેસની વધુ તપાસ કરવામાં આવી રહી છે. 

20 June, 2021 03:39 IST | Mumbai | Gujarati Mid-day Correspondent
મુંબઈ સમાચાર

શિવસેના-બીજેપીના કાર્યકરો ફરી બાખડ્યા

પેટ્રોલ-પમ્પ પર વૈભવ નાઈક લોકોને પેટ્રોલ ખરીદવા માટે રૂપિયા વહેંચી રહ્યા હતા ત્યારે બીજેપીના કાર્યકરો આવી પહોંચ્યા હતા. તેમણે વિરોધ કરતાં બન્ને પક્ષના કાર્યકરો સૂત્રોચ્ચાર કરીને એકબીજાની સામસામે આવી ગયા હતા.

20 June, 2021 02:16 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK