° °

આજનું ઇ-પેપર
Wednesday, 14 April, 2021

વૅક્સિનેશનનો સેકન્ડ ફેઝ સોમવારથી અશક્ય

26 February, 2021 08:33 AM IST | Mumbai | Prajakta Kasale

વૅક્સિનેશનનો સેકન્ડ ફેઝ સોમવારથી અશક્ય

ગઈ કાલે નાયર હૉસ્પિટલમાં એક પોલીસ-કર્મચારીએ કોરોના વાઇરસથી બચવાની રસી લીધી હતી. (તસવીર: આશિષ રાજે)

ગઈ કાલે નાયર હૉસ્પિટલમાં એક પોલીસ-કર્મચારીએ કોરોના વાઇરસથી બચવાની રસી લીધી હતી. (તસવીર: આશિષ રાજે)

કેન્દ્ર સરકારે કોવિડ-19 વૅક્સિનેશનના પહેલી માર્ચથી શરૂ થતા બીજા તબક્કામાં કોવિડથી સૌથી વધારે જેને ખતરો છે એવા લોકોને અને ખાસ કરીને સિનિયર સિટિઝન્સને આવરી લેવામાં આવશે એવી જાહેરાત કરી હતી. જોકે મુંબઈ શહેરમાં વૅક્સિનેશનનો બીજો તબક્કો શરૂ થવામાં વિલંબ થાય એવી સંભાવના છે.

તમામ વરિષ્ઠ નાગરિકો અને ૪૫ વર્ષ કરતાં વધુ વયના અને એક કરતાં વધુ રોગ ધરાવતા લોકોને હજી કોવિડ-19ની વૅક્સિન અપાઈ નથી. જોકે બીએમસીએ શહેરમાં વરિષ્ઠ નાગરિકોની સંખ્યા ૩૦ લાખ છે કે એથી વધુ છે એ સંબંધે હજી સ્પષ્ટતા કરી નથી કે એ એક કરતાં વધુ રોગ ધરાવનારા લોકો વિશે પણ ઘણી ઓછી જાણકારી ધરાવે છે.

મુંબઈ મહાનગરપાલિકાના કમિશનર ઇકબાલ સિંહ ચહલે ગઈ કાલે કહ્યું હતું કે અમે કેન્દ્ર સરકારની સૂચનાની રાહ જોઈ રહ્યા છીએ.

બીએમસીના ઍડિશનલ મ્યુનિસિપલ કમિશનર સુરેશ એન. કાકાણીએ કહ્યું કે અમારી પાસે વરિષ્ઠ નાગરિકોનો ડેટા ઉપલબ્ધ છે, પરંતુ બીએમસી દરેક વ્યક્તિને રસીકરણ માટેની યાદીમાં સામેલ કરી શકે નહીં. એ અમારી ક્ષમતાની બહાર છે. અમે ગાઇડલાઇન્સની રાહ જોઈ રહ્યા છીએ અને કોવિડ-ઍપ સિવાયના પણ ઑપ્શન મળી શકે.

બીએમસીની સજ્જતા ચકાસવા માટે અનેક મીટિંગ યોજવામાં આવી હોવા છતાં બીજા તબક્કાના રસીકરણનો કાર્યક્રમ ૧ માર્ચથી શરૂ થાય એવી શક્યતા ઘણી ઓછી છે એમ જણાવતાં બીએમસીના આરોગ્ય અધિકારીએ કહ્યું હતું કે ભાગ્યે જ ત્રણેક દિવસ બચ્યા છે અને હજી રજિસ્ટ્રેશનના વિકલ્પ, વૉક-ઇન-સુવિધા, એક કરતાં વધુ રોગ હોવા સંબંધે ચોક્કસ જાણકારી અને એના પુરાવા, પ્રાઇવેટ હૉસ્પિટલના ચાર્જિસ જેવા અનેક મુદ્દા પર અમે સ્પષ્ટ નથી. બીએમસીએ ઘણી કોશિશ કરી હોવા છતાં આટલા ટૂંકા સમયગાળામાં એ રસીકરણનો કાર્યક્રમ શરૂ કરવા સક્ષમ નથી.

26 February, 2021 08:33 AM IST | Mumbai | Prajakta Kasale

અન્ય લેખો

મુંબઈ સમાચાર

મહારાષ્ટ્ર CM: 15 દિવસ માટે રાજ્યમાં 144ની કલમ લાગુ કરાઇ

બ્રેક ધ ચેઇન અભિયાનની શરૂઆત મહારાષ્ટ્રમાં આવતીકાલે રાતે આઠ વાગ્યાથી થશે. આવતી કાલથી એટલે કે બુધવારે રાત્રે, જરૂરી સેવાઓ સિવાય બધું બંધ રહેશે. રાજ્યમાં આગામી 15 દિવસ માટે કલમ 144 લાગુ કરવામાં આવી છે

13 April, 2021 09:53 IST | Mumbai | Gujarati Mid-day Online Correspondent
મુંબઈ સમાચાર

Chaitra Navratri 2021: આજે નવરાત્રિ અને ગુડી પાડવાના દિવસે કરો આ કામ

માતા શક્તિની ઉપાસનાનો તહેવાર મંગળવાર એટલેકે આજથી શરૂ થઈ રહ્યો છે. આ મહાપર્વને લઈને મંદિરોમાં ઉત્તેજનાનું વાતાવરણ સર્જાયું છે. ઘર-ઘરમાં ચૈત્ર નવરાત્રીના પહેલા દિવસે કળશ સ્થાપનાની તૈયારીઓ પણ ચાલી રહી છે.

13 April, 2021 01:40 IST | Mumbai | Gujarati Mid-day Online Correspondent
મુંબઈ સમાચાર

લૉકડાઉનના ભય વચ્ચે ખરીદી માટે થઈ પડાપડી

કરિયાણું, શાકભાજી અતિઆવશ્યક સેવામાં હોવા છતાં વીક-એન્ડ લૉકડાઉન સોમવારે પૂરું થતાં જ લોકો સંપૂર્ણ સેકન્ડ લૉકડાઉનના ડરે ઘરમાં જોઈતી વસ્તુઓનો સ્ટૉક કરવા નીકળી પડ્યા

13 April, 2021 02:04 IST | Mumbai | Priti Khuman Thakur

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK