° °

આજનું ઇ-પેપર
Tuesday, 06 December, 2022


ભુલેશ્વરમાં ભરબપોરે થઈ આંગડિયાની ઑફિસમાંથી એક કરોડ રૂપિયાની ચોરી

26 September, 2022 01:55 PM IST | Mumbai
Gujarati Mid-day Correspondent | feedbackgmd@mid-day.com

બે આરોપીઓ બંધ ઑફિસનો દરવાજો તોડીને અંદર રાખેલી તિજોરીમાંથી કૅશ સાથે પલાયન થઈ ગયા : વી. પી. રોડ પોલીસે ફરિયાદ નોંધીને તપાસ હાથ ધરી

પ્રતીકાત્મક તસવીર (તસવીર સૌજન્ય : આઇસ્ટૉક) Crime News

પ્રતીકાત્મક તસવીર (તસવીર સૌજન્ય : આઇસ્ટૉક)

ભુલેશ્વરમાં આવેલી આંગડિયાની એક ઑફિસમાં ભરબપોરે બે વાગ્યે બે અજાણ્યા ચોરે પ્રવેશ કરીને તિજોરીમાં રાખેલા એક કરોડ રૂપિયાની રોકડ રકમની ચોરી કરી હોવાની ચોંકાવનારી ઘટના શનિવારે બની હતી. સીસીટીવી કૅમેરામાં ચોરીની આ ઘટના નોંધાઈ છે, જેમાં બે ચોર આંગડિયાની ઑફિસમાં જાય છે. આ ફુટેજના આધારે વી. પી. રોડ પોલીસે તપાસ શરૂ કરી છે. ધોળે દિવસે ભુલેશ્વર જેવા ભીડભાડવાળા વિસ્તારની ઑફિસમાં ચોરી થવાની ઘટનાથી વેપારીઓ ચોંકી ઊઠ્યા છે.

પોલીસના જણાવ્યા મુજબ ભુલેશ્વરમાં આવેલી પટેલ કુરિયર સર્વિસ નામની આંગડિયાની ઑફિસમાં રાખવામાં આવેલી તિજોરીમાંથી શનિવારે બપોરે બે વાગ્યે એક કરોડ રૂપિયાની રોકડ રકમની ચોરી થઈ હતી. કંપની વતી કિરણ પટેલે વી. પી. રોડ પોલીસને ઑફિસમાંથી ચોરી થઈ હોવાની જાણ કર્યા બાદ પોલીસની ટીમ ઘટનાસ્થળે પહોંચી હતી. સીસીટીવી કૅમેરાનાં ફુટેજમાં દેખાયા મુજબ બે યુવક ઑફિસના મેઇન દરવાજાની કડી તોડીને ઑફિસમાં પ્રવેશ્યા હતા અને અંદર જઈ તિજોરીની કડી તોડીને એમાં રાખેલી એક કરોડ રૂપિયાની રોકડ રકમની ચોરી કરીને પલાયન થઈ ગયા હતા.

આ કેસની તપાસ કરી રહેલા વી. પી. રોડ પોલીસ સ્ટેશનના સબ-ઇન્સ્પેક્ટર કે. બેલેએ ‘મિડ-ડે’ને કહ્યું હતું કે ‘બપોરના બે વાગ્યે પટેલ કુરિયર સર્વિસ નામની આંગડિયાની ઑફિસ બંધ હતી ત્યારે બે ચોર એમાં ઘૂસ્યા હતા અને તેમણે તિજોરીમાં રાખેલા એક કરોડ રૂપિયાની રોકડ રકમની ચોરી કરી હોવાનું પ્રાથમિક તપાસમાં જણાઈ આવે છે. સીસીટીવી કૅમેરાનાં ફુટેજમાં બે આરોપી ઑફિસમાં જતા અને બહાર નીકળતા દેખાય છે. આંગડિયા કંપનીના માલિકે તિજોરીમાં થોડા દિવસ પહેલાં એક કરોડથી વધુ રકમ મૂકી હતી, જેમાંથી તેમણે થોડા રૂપિયા લીધા હતા. બાકીના રૂપિયા તિજોરીમાં હતા એની અજાણ્યા ચોરોએ ઉચાપત કરી હોવાનું આ ઘટનામાં જણાઈ આવે છે. સીસીટીવી કૅમેરાનાં ફુટેજના આધારે અમે આરોપીઓને ઓળખવાનો પ્રયાસ કરી રહ્યા છીએ. આ કામ જાણભેદુનું હોઈ શકે છે. મોટા ભાગે આવી ચોરીમાં કંપનીના ભૂતપૂર્વ કર્મચારીઓ સંકળાયેલા હોય છે. આથી અમે આ દિશામાં પણ તપાસ હાથ ધરી છે.’

26 September, 2022 01:55 PM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

હવે થશે જોવા જેવી...! શિંદે ફડણવીસની નિષ્ફળતાઓ સામે મુંબઈમાં મોરચો

મોરચો કાઢવાનો નિર્ણય મહાવિકાસ આઘાડી (MVA)ના નેતાઓની બેઠકમાં લેવામાં આવ્યો હતો.

06 December, 2022 11:39 IST | Mumbai | Gujarati Mid-day Online Correspondent
મુંબઈ સમાચાર

માહિમ નેચર પાર્કનો ધારાવી રીડેવલપમેન્ટમાં સમાવેશ કરાશે?

આ સંબંધે કરવામાં આવેલી અરજીની સુનાવણીમાં બૉમ્બે હાઈ કોર્ટે રાજ્ય સરકારને ચોખવટ કરવા કહ્યું

06 December, 2022 11:39 IST | Mumbai | Gujarati Mid-day Correspondent
મુંબઈ સમાચાર

માથેરાનમાં શરૂ થઈ ઈ-રિક્ષા

ગઈ કાલે પહેલા દિવસે પાંચ ઈ–રિક્ષા દસ્તૂરીથી ઉપર માથેરાન સુધી પ્રવાસીઓને લઈને દોડી હતી

06 December, 2022 11:30 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK