° °

આજનું ઇ-પેપર
Sunday, 20 June, 2021


મંત્રાલયના મેકઓવર માટે ખર્ચાશે ૧૩૮ કરોડ રૂપિયા

23 November, 2012 05:16 AM IST |

મંત્રાલયના મેકઓવર માટે ખર્ચાશે ૧૩૮ કરોડ રૂપિયા

મંત્રાલયના મેકઓવર માટે ખર્ચાશે ૧૩૮ કરોડ રૂપિયા



પાંચ મહિના પહેલાં મંત્રાલયમાં લાગેલી આગમાં એના ત્રણ માળ ભસ્મીભૂત થઈ ગયા હતા અને હવે ટૂંક સમયમાં એના રિપેરિંગ તથા રિનોવેશનનું કામ શરૂ થઈ જશે. હકીકતમાં ચીફ સેક્રેટરીના વડપણ હેઠળની હાઇ પાવર કમિટીએ વાટાઘાટ કરીને આ રિનોવેશનનો ખર્ચ ૧૩૮ કરોડ રૂપિયા જેટલો નક્કી કરતાં હવે આ કામ શરૂ થઈ જશે. પહેલાં આગને કારણે નુકસાન પામેલી ત્રણ માળની આ ઇમારતના રિપેરિંગ માટે ૧૬૨.૮૦ કરોડ રૂપિયાનો ખર્ચ અંદાજવામાં આવ્યો હતો, પણ હવે એ ૧૩૮ કરોડ રૂપિયામાં શક્ય બન્યું છે.

ઉચ્ચ અધિકારીઓએ આપેલી માહિતી પ્રમાણે યુનિટી ઇન્ફ્રાપ્રોજેફુટ આટલી રકમમાં સમારકામ કરવા માટે તૈયાર થઈ ગઈ છે. શરૂઆતમાં આ કંપનીએ આ કામ માટે ૧૬૨.૮૦ કરોડ રૂપિયા જેટલી રકમ માગી હતી, પણ વાટાઘાટ બાદ એ ૧૩૮ કરોડ રૂપિયામાં આઠ મહિનામાં આ કામ આટોપવા તૈયાર થઈ ગઈ છે. આ કામ માટે ટેન્ડરના જવાબમાં જે લોકોએ બિડ કરી હતી એમાં સૌથી ઓછી બિડ આ કંપનીની હતી, જ્યારે અન્ય બે બિડરોમાં શાપુરજી પાલનજી (૧૬૭ કરોડ રૂપિયા) અને લાર્સન ઍન્ડ ટુબ્રો (૧૭૭ કરોડ રૂપિયા)નો સમાવેશ છે. આ વિશે વાત કરતાં એક ઉચ્ચ અધિકારીએ કહ્યું હતું કે ‘રિપેરિંગના પહેલા તબક્કામાં આગમાં નાશ પામેલા માળનું રિપેરિંગ અને રિનોવેશન કરવામાં આવશે. ત્યાર બાદ બીજા તબક્કામાં ગ્રાઉન્ડ ફ્લોરથી માંડીને થર્ડ ફ્લોર સુધીના તમામ ફ્લોરનું રિનોવેશન કરવામાં આવશે.’

વહેલું બોનસ

સરકારે જાહેરાત કરી છે કે કૉન્ટ્રૅક્ટર તેનું કામ સમય કરતાં પહેલાં પૂરું કરી નાખશે તો તેને એક દિવસનું અઢી લાખ રૂપિયાનું બોનસ આપશે, પણ જો નિયત સમય મર્યાદા કરતાં વધારે સમય લાગશે તો એક દિવસનો પાંચ લાખ રૂપિયાનો દંડ ભરવો પડશે.

23 November, 2012 05:16 AM IST |

અન્ય લેખો

મુંબઈ સમાચાર

રિયલ એસ્ટેટમાં મંદી વચ્ચે ડ્રીમલૅન્ડ થિયેટરની જગ્યાએ હવે બનશે મૉલ

જોકે રીડેવલપમેન્ટના નિયમોને લીધે મૉલમાં નાનું થિયેટર બનાવવું પડશે

20 June, 2021 02:05 IST | Mumbai | Gujarati Mid-day Correspondent
મુંબઈ સમાચાર

વરસાદ તો ગયો, પણ રસ્તા પર ભરાયેલાં પાણી ક્યારે ઓસરશે?

વિરારમાં ગુરુવારે પડેલા વરસાદ બાદ નીચાણવાળા વિસ્તારોમાં ભરાયેલાં પાણી દૂર થવાનું નામ નથી લેતાં

20 June, 2021 02:58 IST | Mumbai | Priti Khuman Thakur
મુંબઈ સમાચાર

ભુશી ડૅમ પહોંચી ગયેલા ટૂરિસ્ટોને પોલીસે ભગાવ્યા

આ લોકો જંગલના રસ્તે આવતા હોય છે. અમારી ટીમે ગઈ કાલે સવારે આ બધા લોકોને પાછા મોકલ્યા હતા. ગઈ કાલે પણ મુંબઈથી આવેલી સેંકડો કારને અમે પાછી વાળી હતી.’

20 June, 2021 02:39 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK