° °

આજનું ઇ-પેપર
Monday, 26 September, 2022


આંખમાં મરચાંનો પાઉડર નાખીને લૂંટનારા બે જણ પકડાઈ ગયા

20 September, 2022 09:41 AM IST | Mumbai
Gujarati Mid-day Correspondent | feedbackgmd@mid-day.com

નારપોલી પોલીસે ઝડપી પગલાં લેતાં ફ્લિપકાર્ટે ડિલિવરી અટકાવીને ૧.૬૦ લાખ રૂપિયા જતા બચાવ્યા

આરોપીઓ પાસેથી હસ્તગત કરાયેલા મુદ્દામાલ સાથે નારપોલી પોલીસની ટીમ

આરોપીઓ પાસેથી હસ્તગત કરાયેલા મુદ્દામાલ સાથે નારપોલી પોલીસની ટીમ

ભિવંડીમાં નારપોલીના અરિહંત કમ્પાઉન્ડમાં આવેલી એસ. પી. ઇન્ટરનૅશનલમાં નોકરી કરતા ૫૧ વર્ષના અનિલ પાહુજાને આંખમાં મરચાંનો પાઉડર નાખીને લૂંટી લેવાયા હતા. એ કેસમાં નારપોલી પોલીસે તપાસ કરીને બે જણની ધરપકડ કરી છે.

નારપોલી પોલીસ સ્ટેશનના સિનિયર પોલીસ ઇન્સ્પેક્ટર એમ. એમ. બલ્લાલે ‘મિડ-ડે’ને કહ્યું હતું કે ‘આરોપી મીનાઝુલ ફૈધુલ હક અને તેના સાગરીત શરિમુદ્દીન અનવરુદ્દીન રેહમાનને ઝડપી લેવાયા છે. તેમણે આ કેસમાં ફરિયાદી પાસેના ૨૦,૧૧૦ રૂપિયાની રોકડ, તેના ચાર મોબાઇલ અને ડેબિટ કાર્ડ અને ક્રેડિટ કાર્ડ લૂંટ્યાં હતાં. એ મોબાઇલમાંથી સિમ કાર્ડ કાઢી અન્ય મોબાઇલમાં એ કાર્ડ નાખી ક્રેડિટ કાર્ડ પરથી એ જ રાતે આરોપીઓએ ૧.૬૦ લાખ રૂપિયાની ​ફ્લિપકાર્ટમાંથી ખરીદી પણ કરી હતી. જોકે ફરિયાદીએ આ વિશે અમને જાણ કરતાં અમે ફ્લિપકાર્ટનો સંપર્ક કર્યો હતો અને ફ્લિપકાર્ટે એ ડિલિવરી અટકાવી દીધી હતી. એથી એ રકમ બચી ગઈ હતી. ત્યાર બાદ ઝીણવટભરી તપાસ કરીને અમે બંને આરોપીઓને ૧૬ સપ્ટેમ્બરે ઝડપી લીધા હતા. તેમની પાસેથી ફરિયાદીના ચારેચાર મોબાઇલ પણ પાછા મેળવ્યા છે. જે કૅશ ચોરાઈ હતી એ આરોપીઓએ વાપરી નાખી છે. જોકે ૧.૬૦ લાખની રકમ બચી ગઈ એ મહત્ત્વનું હતું. હાલ બંને આરોપીઓને ૨૦ સપ્ટેમ્બર સુધીની પોલીસ-કસ્ટડી આપવામાં આવી છે.’ 

20 September, 2022 09:41 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

Mumbai:નારાયણ રાણેને સુપ્રીમ કોર્ટનો ઝટકો, ગેરકાયદે બાંધકામને તો તોડવામાં આવશે જ

કેન્દ્રીય મંત્રી નારાયણ રાણે(Narayan Rane)ને સુપ્રીમ કોર્ટ (Supreme Court)માંથી ઝટકો લાગ્યો છે. કોર્ટે બોમ્બે હાઈકોર્ટ (Bombay High Court)ના નિર્ણય પર સ્ટે આપવાનો ઇનકાર કર્યો છે.

26 September, 2022 04:19 IST | Mumbai | Gujarati Mid-day Online Correspondent
મુંબઈ સમાચાર

પાકિસ્તાન ઝિંદાબાદ બાબતે ઉદ્ધવ ઠાકરે કેમ છે મૌન?

પોતાને હિન્દુત્વના રક્ષક ગણતા શિવસેના-પ્રમુખે આ વિશે કંઈ ન કહ્યું હોવા સામે બીજેપીએ કર્યો સવાલ

26 September, 2022 02:02 IST | Pune | Gujarati Mid-day Correspondent
મુંબઈ સમાચાર

ગીતાંજલિનગરનું કોકડું સવા મહિના પછી પણ ગૂંચવાયેલુ જ

બોરીવલીના સાંઈબાબાનગરમાં આવેલા શ્રી ઓમ ગીતાંજલીનગરનું ‘એ’ બિલ્ડિંગ તોડ્યા પછી એની ‘બી’ વિંગ તોડી નાખવામાં આવી હતી અને હવે ‘સી’ વિંગને પણ બીએમસીએ ખાલી કરવાની નોટિસ આપતાં એણે કોર્ટમાંથી ત્રણ મહિનાની રાહત મેળવી

26 September, 2022 02:01 IST | Mumbai | Bakulesh Trivedi

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK