° °

આજનું ઇ-પેપર
Friday, 19 August, 2022


તમે શું કારમાં ડ્રગ્સ લઈ જઈ રહ્યાં છો? અમારે તમારા હાથ સૂંઘવા છે, કાચ નીચે કરો

30 June, 2022 10:10 AM IST | Mumbai
Gujarati Mid-day Correspondent | feedbackgmd@mid-day.com

આવું કહીને અભિનેત્રી કૃતિકા દેસાઈને લૂંટવાનો પ્રયાસ કરનારા બે બનાવટી પોલીસ પકડાયા

અભિનેત્રી કૃતિકા દેસાઈ (ડાબે), આરોપીઓ પવન વિશ્વકર્મા (વચ્ચે) અને શંકર મુરગન Crime News

અભિનેત્રી કૃતિકા દેસાઈ (ડાબે), આરોપીઓ પવન વિશ્વકર્મા (વચ્ચે) અને શંકર મુરગન

ગુજરાતી નાટકો, સિરિયલો અને ફિલ્મોમાં કામ કરનાર જાણીતી અભિનેત્રી કૃતિકા દેસાઈને લૂંટવાનો પ્રયાસ કરનારા બે બનાવટી પોલીસને દિંડોશી પોલીસે ઝડપી લીધા છે. 
આ ઘટના જૂનમાં ફિલ્મસિટી રોડ પર સાંજના સવાસાત વાગ્યે બની હતી. કૃતિકા દેસાઈ તેની કારમાં ડ્રાઇવર રામલાલ સાથે તેમના પાલી હિલના ઘરે જઈ રહી હજી ત્યારે સંતોષનગર નાળા પાસે ત્રણ જણે તેની કાર અટકાવી હતી. તેમણે કહ્યું હતું કે ‘અમે પોલીસવાળા છીએ. તમે શું કારમાં ડ્રગ્સ લઈ રહ્યા છો? અમારે તમારા હાથ સૂંઘવા છે. કાચ નીચે કરો. અમારે તમારી ગાડીની તલાશી લેવી છે.’ એમ કહીને તેમણે પીળા રંગનું એક આઇડી કાર્ડ સહેજ જ બતાવ્યું હતું.

જોકે એ વખતે કૃતિકાને શંકા ગઈ હતી. તેણે એ લોકોને જાણ ન થાય એ રીતે તેમનો વિડિયો ઉતારી લીધો હતો અને કહ્યું હતું કે તમે લેડીઝ પોલીસ કૉન્સ્ટેબલને બોલાવો તો હું વાત કરીશ. એથી એ લોકો ડ્રાઇવરની સાઇડ ગયા હતા અને તેને ધમકાવવા લાગ્યા હતા. કૃતિકાને ફરી શંકા જતાં તેણે ડ્રાઇવરને તેના કાચ ચડાવી દેવા કહ્યું અને તેમની નજર ચૂકવીને ડ્રાઇવરને ગાડી ભગાવવાનું કહેતાં ડ્રાઇવર એમ કર્યું હતું. જોકે એ પછી કૃતિકાએ આ સંદર્ભે દિંડોશી પોલીસ સ્ટેશનમાં ફરિયાદ નોંધાવી હતી. કૃતિકાએ તેણે ઉતારેલો વિડિયો પણ પોલીસ સાથે શૅર કર્યો હતો.

દિંડોશી પોલીસે ત્યાર બાદ એ વિડિયોના આધારે તપાસ શરૂ કરી હતી અને આજુબાજુના ૨૫ સીસીટીવી કૅમેરાનાં ફુટેજ ચકાસ્યાં હતાં. એ સિવાય એ માહિતી ખબરી નેટવર્કમાં પણ સર્ક્યુલેટ કરી હતી. આખરે તેઓ પવન વિશ્વકર્મા, શંકર મુરગન અને અતુલ ભોસલે હોવાનું જણાઈ આવ્યું હતું. ત્યાર બાદ પોલીસે પવન વિશ્વકર્મા અને શંકર મુરગનને મીરા રોડ અને મલાડમાંથી ઝડપી લીધા હતા, જ્યારે તેમનો ત્રીજો સાગરીત અતુલ ભોસલે હાલ નાસતો ફરી રહ્યો છે.    

30 June, 2022 10:10 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

નવાબ મલિક વિરુદ્ધ ફરિયાદના એક દિવસ બાદ સમીર વાનખેડેને મળી આવી ધમકી

આ પહેલા મલિકે પણ ધમકીઓ મળવાનો આરોપ લગાવ્યો

19 August, 2022 12:52 IST | Mumbai | Gujarati Mid-day Online Correspondent
મુંબઈ સમાચાર

નધણિયાતી બોટમાંથી ત્રણ એકે ફૉર્ટીસેવન અને બુલેટ્સ મળી

રાયગડ જિલ્લાના કોંકણ કિનારાપટ્ટી પર આવેલા હરિહરેશ્વર પાસેથી ગઈ કાલે એ મળી હતી

19 August, 2022 11:00 IST | Mumbai | Gujarati Mid-day Correspondent
મુંબઈ સમાચાર

ભાઈંદરમાંથી રિક્ષા ચોરીને મુંબઈમાં ભાડે ચલાવવા આપતી ટોળકી પકડાઈ

તેમની પાસેથી ચોરાયેલી ૧૩ રિક્ષા પણ રિકવર કરવામાં આવી છે

19 August, 2022 10:53 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK