° °

આજનું ઇ-પેપર
Wednesday, 26 January, 2022


લાકડાંનાં ગોડાઉન બની ગયાં લાક્ષાગૃહ

11 January, 2022 11:36 AM IST | Mumbai | Rohit Parikh

ભાયખલાની મુસ્તફા બજારમાં વહેલી સવારે લાગેલી ભયંકર આગમાં: સાત ગોડાઉનોમાં સ્ટૉક કરવામાં આવેલું લાખો રૂપિયાનું લાકડું બળીને ખાખ

ભાયખલાની મુસ્તફા બજારમાં લાગેલી આગમાં બળી ગયેલાં લાકડાંનાં ગોડાઉન

ભાયખલાની મુસ્તફા બજારમાં લાગેલી આગમાં બળી ગયેલાં લાકડાંનાં ગોડાઉન

મુંબઈના ભાયખલા વિસ્તારમાં આવેલી મુસ્તફા બજારમાં મસીના હોટેલ પાસે આવેલાં ટિમ્બરોનાં ગોડાઉનોમાં ગઈ કાલે સવારે ૫.૩૦ વાગ્યે અચાનક આગ ફાટી નીકળતાં ૭ ગોડાઉનોમાં રાખવામાં આવેલાં લાખો રૂપિયાનાં લાકડાં બળીને ખાખ થઈ ગયાં હતાં. જોકે આગની જાણકારી મળતાં સમયસૂચકતા વાપરીને ગોડાઉનમાં સૂતેલા કર્મચારીઓ ગોડાઉનમાંથી બહાર નીકળી જતાં કોઈ પણ પ્રકારની જાનહાનિ થઈ નહોતી. ગઈ કાલની આગમાં અમારા ગોડાઉનમાં સ્ટૉક કરવામાં આવેલો બર્માના લાકડાંનો લાખો રૂપિયાનો સ્ટૉક બળીને ખાખ થઈ ગયો હતો. આગમાં થયેલી નુકસાનીને કારણે અમે ૧૫થી ૨૦ વર્ષ પાછળ જતા રહ્યા છીએ એમ જણાવતાં ગઈ કાલની આગમાં બળી ગયેલાં ગોડાઉનોમાંથી એક ગોડાઉનના ગુજરાતી માલિક દિલીપ શેઠે ‘મિડ-ડે’ને કહ્યું હતું કે ‘ગઈ કાલે લાગેલી આગનું કારણ જાણી શકાયું નહોતું, પરંતુ વહેલી સવારે ૫.૩૦ વાગ્યે અમને આગની ઘટનાની ખબર પડતાં મારા પરિવારજનો દોડીને ઘટનાસ્થળે પહોંચ્યા હતા ત્યારે અમારું ગોડાઉન આગમાં બળીને ખાખ થઈ ગયું હતું, કાંઈ જ બચ્યું નહોતું. ફક્ત જાનહાનિ થઈ નહોતી. આ પહેલાં ૧૦ વર્ષ પહેલાં આગ લાગી ત્યારે પણ એકસાથે ૧૬ ગોડાઉન બળીને ખાખ થઈ ગયાં હતાં. ખબર નથી પડતી ભગવાન શું કરવા બેઠો છે.’ 
આગને ઓલવતાં અંદાજે ત્રણ કલાકથી વધુ સમય લાગ્યો હતો એ જાણકારી આપતાં વૉર્ડ નંબર-૨૦૮ના શિવસેનાના નગરસેવક રમાકાંત રાહટેએ ‘મિડ-ડે’ને કહ્યું હતું કે ‘આગ લાગતાં લાકડાબજારમાં દોડાદોડ થઈ ગઈ હતી. ફાયર-બ્રિગેડ સમયસર પહોંચ્યા પછી પણ એકેય ગોડાઉન બચાવી શકાયું નહોતું. વેપારીઓ થોડા સ્વસ્થ થશે પછી જ નુકસાનીના સાચા આંકડાની જાણકારી મળશે. આગ વહેલી સવારે સાડાપાંચ વાગ્યે લાગી હતી, જેને બુઝાવતાં સાડાઆઠ વાગી ગયા હતા. લાકડાંનાં ગોડાઉનો હોવાથી બધો માલ બળીને ખાખ થઈ ગયો હતો.’ આગની ઘટનાની જાણકારી આપતાં ચીફ ફાયર ઑફિસર હેમંત પરબે ‘મિડ-ડે’ને કહ્યું હતું કે ‘ફાયર-બ્રિગેડને સવારે ૫.૫૪ વાગ્યે આગનો કૉલ આવ્યો હતો. ફાયર-બ્રિગેડ પહોંચી ત્યારે આગ લેવલ-વનમાં હતી, થોડી વારમાં જ આગ વિકરાળ બનીને લેવલ-ટૂમાં પહોંચી ગઈ હતી. આગ બુઝાવવા માટે પાંચ ફાયર-એન્જિન પહોંચી ગયાં હતાં. આગમાં ૬૦૦ ફુટનાં ગોડાઉનોમાં પડેલો ઇલેક્ટ્રિક વાયરિંગનો સામાન, ઑફિસનો સામાન તેમ જ લાકડાંના માલને નુકસાન થયું હતું.’ 

11 January, 2022 11:36 AM IST | Mumbai | Rohit Parikh

અન્ય લેખો

મુંબઈ સમાચાર

જૈનો કા ક્ષેત્ર સુરક્ષિત હૈ ઔર રહેગા, મૂળ સ્વરૂપ કો ખંડિત નહીં હોને દેંગે

દિગંબર જૈન સમાજના હાલમાં સમેતશિખરજી તીર્થમાં બિરાજમાન મુનિ શ્રી પ્રમાણસાગરજી મહારાજસાહેબનો જૈન સમાજને સંદેશો

22 January, 2022 09:33 IST | Mumbai | Rohit Parikh
મુંબઈ સમાચાર

સમેતશિખરની રક્ષા ખાતર ૨૫ જાન્યુઆરીએ ભારત બંધ નથી

મકરસંક્રાન્તિ નિમિત્તે યોજાયેલા મેળામાં આ ડુંગર પર બિરાજમાન સ્થાનિકોના ઇષ્ટદેવની પૂજા કરવા જમા થયેલા લોકોએ તીર્થ પર દારૂનું સેવન કરતાં અને બીભત્સ ગીતો પર નાચગાન કરીને એની ગરિમાને ઠેસ પહોંચાડતાં જૈન સમાજમાં ફેલાયું નારાજગી અને આક્રોશનું વાતાવરણ

21 January, 2022 08:34 IST | Mumbai | Rohit Parikh
મુંબઈ સમાચાર

કચ્છી દંપતી બન્યાં જર્મન યુવકનાં મમ્મી-પપ્પા, બજાવ્યો પાડોશી ધર્મ

માટુંગામાં ક.વી.ઓ. યુવતીનાં લગ્ન હતાં જર્મન યુવાન સાથે, પણ તેનાં મમ્મી-પપ્પા ન આવી શક્યાં તો યુવતીના પાડોશી કચ્છી કપલે વિધિમાં જર્મનનાં માતા-પિતાનો રોલ ભજવ્યો

21 January, 2022 08:27 IST | Mumbai | Rohit Parikh

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK