આ લોકો જંગલના રસ્તે આવતા હોય છે. અમારી ટીમે ગઈ કાલે સવારે આ બધા લોકોને પાછા મોકલ્યા હતા. ગઈ કાલે પણ મુંબઈથી આવેલી સેંકડો કારને અમે પાછી વાળી હતી.’
લોનાવલા પોલીસે ભુશી ડૅમ પરથી લોકોને કાઢ્યા પછી ખાલીખમ દેખાતો ડૅમ.
ચોમાસા દરમ્યાન વીક-એન્ડમાં મુંબઈગરાઓ મોટી સંખ્યામાં લોનાવલા પહોંચી જતા હોવાથી ગઈ કાલે વહેલી સવારથી જ લોનાવલા પોલીસ હરકતમાં આવી ગઈ હતી અને તેમણે ભુશી ડૅમ જવાના રસ્તે નાકાબંધી કરી દીધી હતી. આમ પણ ભુશી ડૅમ છલકાયો હોવાથી મોટી સંખ્યામાં ટૂરિસ્ટો આવી પહોંચશે અને કોરોનાના નિયમોનો ભંગ થશે એ દહેશત વચ્ચે ગઈ કાલે સવારે આઠ વાગ્યે જ પોલીસ ભુશી ડૅમ પર પહોંચી ગઈ હતી અને એ સમયે પણ ત્યાં એન્જૉય કરવા પહોંચી ગયેલા સોએક જણને બહાર કાઢવામાં આવ્યા હતા.
લોનાવલા પોલીસે કહ્યું હતું કે ‘અનેક યુવાનો ટ્રેકિંગ કરીને સવારે ભુશી ડૅમ પહોંચી જતા હોય છે. આ લોકો જંગલના રસ્તે આવતા હોય છે. અમારી ટીમે ગઈ કાલે સવારે આ બધા લોકોને પાછા મોકલ્યા હતા. ગઈ કાલે પણ મુંબઈથી આવેલી સેંકડો કારને અમે પાછી વાળી હતી.’