° °

આજનું ઇ-પેપર
Tuesday, 27 September, 2022


ગુજરાતી મહિલાએ કંપનીના ૪૮ લાખ રૂપિયા પોતાના અકાઉન્ટમાં સેરવી લીધા

21 September, 2022 09:46 AM IST | Mumbai
Mehul Jethva | mehul.jethva@mid-day.com

નરીમાન પૉઇન્ટની ઇન્ડિયન કૉમોડિટીઝ કંપનીમાં ૧૧ વર્ષથી કામ કરતી ગુજરાતી મહિલાએ કંપનીના ૪૮ લાખ રૂપિયા કંપનીના ઓનરની જાણ બહાર પોતાના અકાઉન્ટમાં સેરવી લીધા હતા.

પ્રતીકાત્મક તસવીર

પ્રતીકાત્મક તસવીર


મુંબઈ : નરીમાન પૉઇન્ટની ઇન્ડિયન કૉમોડિટીઝ કંપનીમાં ૧૧ વર્ષથી કામ કરતી ગુજરાતી મહિલાએ કંપનીના ૪૮ લાખ રૂપિયા કંપનીના ઓનરની જાણ બહાર પોતાના અકાઉન્ટમાં સેરવી લીધા હતા. આ ઘટના ત્યારે પ્રકાશમાં આવી જ્યારે આ જ કંપનીમાં કામ કરતા એક યુવાનને અકાઉન્ટ્સમાં શંકા જતાં કંપનીના ઓનરને આ માહિતી આપી હતી. ત્યાર બાદ છેલ્લાં બે વર્ષની તમામ માહિતી કાઢવામાં આવી હતી, જેમાં કુલ ૪૮ લાખ ૬૬ હજાર રૂપિયા બૅન્ક-અકાઉન્ટમાંથી સેરવી લેવાયા હોવાનું સામે આવ્યું હતું. 
નરીમાન પૉઇન્ટ પર તુલસિયાની ચેમ્બર્સમાં આવેલી ઇન્ડિયન કૉમોડિટીઝ કંપનીના એચઆર ડિપાર્ટમેન્ટના સિનિયર અધિકારીએ કરેલી ફરિયાદ અનુસાર આલોક શેખસરિયા અને વિદ્યા શેખસરિયા કંપનીનાં મૅનેજિંગ ડિરેક્ટર છે. આ કંપનીની દેશભરમાં વિવિધ શાખાઓ અને ગોડાઉનોમાં અંદાજે ૧૦૦૦ કર્મચારીઓ કામ કરે છે. ઑક્ટોબર ૨૦૧૧થી વૈશાલી વિપુલ કોટક અકાઉન્ટ્સ વિભાગમાં સિનિયર મૅનેજરની પોસ્ટ પર કાર્યરત છે. તે કંપનીના કર્મચારીઓના પગાર અને ખર્ચ વગેરેનાં બિલો તૈયાર કરવાં અને કંપનીની તમામ નાણાકીય બાબતો પણ જોતી હતી. પગારની ચુકવણી, કર્મચારીઓના ખર્ચની ચુકવણી અને કંપનીનાં તમામ બૅન્ક-ખાતાંઓનું નેટ બૅ​ન્કિંગ વગેરે તેના હાથમાં હતું. માર્ચ ૨૦૧૧ના છેલ્લા અઠવાડિયામાં અકાઉન્ટિંગ વિભાગમાં કાર્યરત ચેતન ઝીમનને કેટલાંક શંકાસ્પદ બિલો મળી આવ્યાં હતાં. ત્યાર બાદ ચાર્ટર્ડ અકાઉન્ટ ફર્મ ફિરોદિયા બાફના ઍન્ડ અસોસિએટ્સ દ્વારા કંપનીનું ઑડિટ કરવામાં આવ્યું હતું. ત્યારે જાણવા મળ્યું કે વૈશાલીએ કંપનીમાંથી કુલ ૪૮,૬૬,૫૨૭ રૂપિયાની ઉચાપત કરી છે. તેની વિરુદ્ધ કફ પરેડ પોલીસ સ્ટેશનમાં ફરિયાદ નોંધાવવામાં આવી હતી. કફ પરેડ પોલીસ સ્ટેશનના સિનિયર ઇન્સ્પેક્ટર સંદેશ રાવલે ‘મિડ-ડે’ને કહ્યું હતું કે ‘હાલમાં અમે ફરિયાદ નોંધીને તપાસ શરૂ કરી છે. આ કેસની તમામ તપાસ અમારા અધિકારીઓ કરી રહ્યા છે. હાલમાં આરોપીની ધરપકડ કરવામાં આવી નથી.’

21 September, 2022 09:46 AM IST | Mumbai | Mehul Jethva

અન્ય લેખો

મુંબઈ સમાચાર

Thane: એક મહિનાની માસૂમ બાળકીને છીનવવા ગયો વાંદરો, માએ બચાવ્યો જીવ

માતાએ બહાદુરી બતાવીને છોકરીને જોઈન્ટથી પકડી લીધી અને છોકરીને વાંદરાના હાથથી બચાવી

26 September, 2022 09:10 IST | Mumbai | Gujarati Mid-day Online Correspondent
મુંબઈ સમાચાર

નાના બાળકોને છે વધારે ઊંઘની જરૂર, પ્રાઇમરી સ્કૂલમાં થશે મોટા ફેરફાર- મહા. સરકાર

પ્રાઈમરી સ્કૂલના બાળકોને વધારે ઊંઘની જરૂર હોય છે તો આ સમય દરમિયાન મગજનો સૌથી વધારે વિકાસ થતો હહોય છે. જેને જોતાં તેમના સ્કૂલના સમયમાં ફેરફાર કરવો જોઈએ. 

26 September, 2022 08:11 IST | Mumbai | Gujarati Mid-day Online Correspondent
મુંબઈ સમાચાર

શિંદે જૂથમાં જોડાયા બાળાસાહેબના સૌથી વિશ્વાસુ સહાયક ચંપાસિંહ થાપા

ઠાકરે પરિવાર માટે આ સૌથી મોટો આઘાત

26 September, 2022 08:04 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK