° °

આજનું ઇ-પેપર
Sunday, 28 November, 2021


‘શિવતીર્થ’થી શ્રીગણેશ થશે બીએમસીની ચૂંટણીમાં થનારા નવા રાજકીય સમીકરણના?

25 November, 2021 09:04 AM IST | Mumbai | Gujarati Mid-day Correspondent

ફડણવીસે પત્ની સાથે એમએનએસ પ્રમુખના નવા ઘરે જઈને લંચ લેતાં શરૂ થયા તર્કવિતર્ક

મહારાષ્ટ્રના ભૂતપૂર્વ મુખ્ય પ્રધાન દેવેન્દ્ર ફડણવીસે ગઈ કાલે એમએનએસ ચીફ રાજ ઠાકરેના ઘરે લંચ લીધું હતું. એ વખતે તેમની સાથે અમ્રિતા ફડણવીસ, શર્મિલા ઠાકરે અને અમિત ઠાકરે પણ હાજર હતાં.

મહારાષ્ટ્રના ભૂતપૂર્વ મુખ્ય પ્રધાન દેવેન્દ્ર ફડણવીસે ગઈ કાલે એમએનએસ ચીફ રાજ ઠાકરેના ઘરે લંચ લીધું હતું. એ વખતે તેમની સાથે અમ્રિતા ફડણવીસ, શર્મિલા ઠાકરે અને અમિત ઠાકરે પણ હાજર હતાં.

રાજ્યના ભૂતપૂર્વ મુખ્ય પ્રધાન દેવેન્દ્ર ફડણવીસે ગઈ કાલે મહારાષ્ટ્ર નવનિર્માણ સેના (એમએનએસ)ના પ્રમુખ રાજ ઠાકરેની મુલાકાત લેતાં રાજકીય વર્તુળોમાં આગામી વર્ષના પ્રારંભમાં યોજાઈ રહેલી બીએમસીની મહત્ત્વપૂર્ણ ચૂંટણીઓ અગાઉ બંને પક્ષ વચ્ચે સંભવિત જોડાણની અટકળોએ વેગ પકડ્યો હતો.
દેવેન્દ્ર ફડણવીસ પત્ની અમૃતા સાથે દાદરમાં રાજ ઠાકરેના નવા નિવાસસ્થાન શિવતીર્થમાં તેમને અને તેમનાં પત્ની શર્મિલાને મળ્યા હતા. બંને દંપતી એમએનએસના પ્રમુખના ઘરની બાલ્કનીમાં વાત કરતાં જોવા મળ્યાં હતાં. એટલું જ નહીં, રાજ્યના ભૂતપૂર્વ મુખ્ય પ્રધાને રાજ ઠાકરેની સાથે તેમના ઘરે લંચ પણ લીધું હતું.
બીજેપીનાં સૂત્રોએ આને સૌહાર્દપૂર્ણ પારિવારિક મુલાકાત ગણાવી હતી તો રાજકીય નિરીક્ષકોના મતે મુંબઈ સુધરાઈની ચૂંટણીને જોતાં આ મુલાકાત ઘણી મહત્ત્વની છે. રાજ્યના મુખ્ય પ્રધાન તરીકેના તેમના કાર્યકાળ દરમિયાન દેવેન્દ્ર ફડણવીસે રાજ ઠાકરે સાથે સૌહાર્દપૂર્ણ સંબંધો જાળવી રાખ્યા હતા. છેલ્લા ત્રણ દાયકાથી મુંબઈની શહેર સુધરાઈ પર શાસન કરતી આવી રહેલી શિવસેનાને મહાત કરવા પર બીજેપીની નજર છે.
૨૦૧૯ની લોકસભાની ચૂંટણી અગાઉ બીજેપી અને વડા પ્રધાન નરેન્દ્ર મોદી વિરુદ્ધ સક્રિય કૅમ્પેન ચલાવનારા રાજ ઠાકરેએ વર્ષ ૨૦૨૦માં તેમના પક્ષના નવા ધ્વજનું અનાવરણ કરીને પાકિસ્તાની અને બાંગ્લાદેશી ઘૂસણખોરોને કાઢવા બદલ એનડીએ સરકારને સમર્થન જાહેર કર્યું હતું.
રાજ્યના પક્ષપ્રમુખ ચંદ્રકાંત પાટીલ, આશિષ શેલાર અને પ્રસાદ લાડ સહિત બીજેપીના ઘણા નેતાઓ પણ છેલ્લા કેટલાક મહિનાઓમાં રાજ ઠાકરેને મળ્યા હતા.

25 November, 2021 09:04 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

હંસા હેરિટેજ સોસાયટીના હોદ્દેદારોએ પણ કરી આગોતરા જામીનની અરજી

કાંદિવલી પોલીસ સ્ટેશનના સિનિયર પોલીસ ઇન્સ્પેક્ટર બાબાસાહેબ સાળુંખેએ કહ્યું છે કે કોર્ટ હવે બિલ્ડર અને સોસાયટીના હોદ્દેદારોની આગોતરા જામીનની અરજી પર સોમવારે સુનાવણી કરવાની છે.

28 November, 2021 03:12 IST | Mumbai | Gujarati Mid-day Correspondent
મુંબઈ સમાચાર

ઑર્ગન ડોનેશનને પણ નડ્યો કોરોના

કોવિડને લીધે ડોનેટ કરાયેલાં સ્કિન-આંખ ન મેળવી શકાયાં : મહારાષ્ટ્રમાં વિવિધ અવયવોની ૬૭૪૮ જરૂરિયાત સામે જૂજ ડોનર હોવાથી નૅશનલ ઑર્ગન ડોનેટ ડેએ લોકોને મુંબઈની સુધરાઈએ કરી અપીલ

28 November, 2021 03:08 IST | Mumbai | Gujarati Mid-day Correspondent
મુંબઈ સમાચાર

‘મિડ-ડે’ના અહેવાલ પછી આખરે મુલુંડ પોલીસે સાઇકલ-ચોરીની ફરિયાદ નોંધી

આસપાસના વિસ્તારમાં શોધ્યા પછી પણ સાઇકલનો પત્તો ન લાગતાં તે મુલુંડ પોલીસ સ્ટેશનમાં સાઇકલ ચોરાઈ હોવાની ફરિયાદ કરવા ગયો હતો. ત્યારે ત્યાં હાજર ઑફિસરે તેને કહ્યું હતું કે સાઇકલ-ચોરીની ફરિયાદ અમે નોંધતા નથી.

28 November, 2021 03:03 IST | Mumbai | Mehul Jethva

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK