° °

આજનું ઇ-પેપર
Sunday, 05 February, 2023


બીએમસીના રાજમાં મુંબઈગરો ઘંટી ચાટે ને વિદેશીઓને આટો

26 November, 2022 07:31 AM IST | Mumbai
Prajakta Kasale | prajakta.kasale@mid-day.com

G20નું પ્રતિનિધિમંડળ મુંબઈ આવવાનું છે એટલે હવે બીએમસી દક્ષિણ મુંબઈ અને ઍરપોર્ટ નજીકના આશરે છ કિલોમીટરના રસ્તાનું કરોડો રૂપિયાના ખર્ચે રીસર્ફેસિંગ કરશે

પેડર રોડ (ઉપર) અને એન. એસ. પાટકર રોડ પરના પૅચનું રીસર્ફેસિંગ કરાશે  આશિષ રાજે G20 પ્રતિનિધિમંડળ

પેડર રોડ (ઉપર) અને એન. એસ. પાટકર રોડ પરના પૅચનું રીસર્ફેસિંગ કરાશે આશિષ રાજે


મુંબઈ : બૃહન્મુંબઈ મ્યુનિસિપલ કૉર્પોરેશન (મુંબઈ કૉર્પોરેશન) સાડાત્રણ કિલોમીટર લાંબા પેડર રોડ પરના ખરાબ પટ્ટા તથા સાન્તાક્રુઝમાં હાઇવેને જોડતા ઍરપોર્ટ નજીકના અઢી કિલોમીટરના રસ્તાના રીસર્ફેસિંગ પાછળ ૩૧ કરોડ રૂપિયાનો ખર્ચ કરશે. G20ના પ્રતિનિધિમંડળનું શહેરમાં આગમન થવાનું છે, ત્યારે હવે આ પૅચનું રીસર્ફેસિંગ પ્રાથમિકતાના ધોરણે હાથ ધરાશે. જોકે અત્યાર સુધી મીડિયા અને જનતાની બૂમરાણ પ્રત્યે જરા સરખું પર ધ્યાન નહીં આપનાર બીએમસી હવે જાગી છે અને G20ના વિદેશી મહેમાનો માટે રસ્તાઓનું સમારકામ કરશે.
‘મોટા ભાગના રૂટ વેસ્ટર્ન એક્સપ્રેસ હાઇવે, બાંદરા-વરલી સી-લિન્ક પર અને મહત્ત્વના સિમેન્ટ કૉન્ક્રીટના રસ્તા તરફના છે. આ રસ્તા યોગ્ય સ્થિતિ ધરાવે છે. ઍરપોર્ટથી વેસ્ટર્ન એક્સપ્રેસ હાઇવે અને પેડર રોડ પરના બે ભાગ પર જ રીસર્ફેસિંગની જરૂર છે, આથી એ કામ હાથ ધરાયું છે,’ એમ કૉર્પોરેશનના એક અધિકારીએ જણાવ્યું હતું.
પેડર રોડ, એન. એસ. પાટકર રોડ અને બાબુલનાથ રોડનું કામ સાઉથ સિટી રોડ ડિપાર્ટમેન્ટને હસ્તક છે. આ રસ્તાની લંબાઈ આશરે સાડાત્રણ કિલોમીટર છે અને આખા રોડને રીસર્ફેસ કરવાની જરૂર નથી. રોડ ડિપાર્ટમેન્ટના એન્જિનિયરે આપેલી જાણકારી પ્રમાણે, ‘કેટલાક પૅચને રીસર્ફેસ કરવાની જરૂર છે અને રાતના સમયે કામગીરી હાથ ધરાશે, આથી ટ્રાફિકને કોઈ અડચણ નહીં નડે.’
છત્રપતિ શિવાજી મહારાજ ઍરપોર્ટ ગેટ નંબર આઠથી વેસ્ટર્ન એક્સપ્રેસ હાઈવે સુધીના વીવીઆઇપી રસ્તા અને મુંબઈ ઍરપોર્ટ આસપાસના અન્ય એક્ઝિટ રોડનું રીસર્ફેસિંગનું કામ તાકીદના ધોરણે હાથ ધરાયું છે. આ રસ્તાના રીસર્ફેસિંગનો અંદાજિત ખર્ચ ૯.૧૨ કરોડ રૂપિયા છે.
શહેરના દક્ષિણ ભાગમાં અને વેસ્ટર્ન સબર્બ્ઝમાં રીસર્ફેસિંગનાં બન્ને કાર્યો  પૂરાં થતાં આશરે એક મહિનો લાગશે. ટેન્ડરની પ્રક્રિયા પહેલી ડિસેમ્બર સુધીમાં પૂરી થશે અને એ પછી વર્ક-ઑર્ડર અપાશે. ‘ટાઇમ પિરિયડ ટૂંકો છે, પણ અમે શક્ય એટલી વહેલી તકે કામ પૂરું કરવાની કોશિશ કરીશું. વળી, આ રસ્તા સામાન્ય નાગરિકો માટે પણ એ ઉપયોગી નીવડશે,’ એમ અધિકારીએ જણાવ્યું હતું.

26 November, 2022 07:31 AM IST | Mumbai | Prajakta Kasale

અન્ય લેખો

મુંબઈ સમાચાર

BMC Budget : આ વર્ષે બજેટમાં ૧૪.૫૨%નો વધારો, જાણો મોટી જાહેરાતો વિશે

પાલિકા કમિશનર ઈકબાલ સિંહ ચહલે રજુ કર્યું ૨૦૨૩-૨૪નું બજેટ

04 February, 2023 03:35 IST | Mumbai | Gujarati Mid-day Online Correspondent
મુંબઈ સમાચાર

News In Shorts: ‘ઝરૂખો’માં શનિવારે ડૉ. નીલેશ રાણાની નવલકથાનું લોકાર્પણ

ચોથી ફેબ્રુઆરીએ સાંજે બોરીવલીમાં આયોજિત સાહિત્યિક સાંજ ‘ઝરૂખો’માં અમેરિકાસ્થિત નવલકથાકાર ડૉ. નીલેશ રાણાની ‘એક થીજેલી નદી’ નવલકથાના લોકાર્પણના કાર્યક્રમનું આયોજન કરવામાં આવ્યું છે.

04 February, 2023 11:06 IST | Mumbai | Gujarati Mid-day Correspondent
મુંબઈ સમાચાર

બસ ચલાવતી વખતે હાર્ટ-અટૅક આવતાં ડ્રાઇવરનું મોત

છાતીમાં દુખાવો થતો હોવા છતાં પોતાની ફરજ બજાવીને બસ એક બાજુએ ઊભી કરતાં મોટી દુર્ઘટના ટળી 

04 February, 2023 10:55 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK