સિદ્ધાંત કપૂર (Siddhanth kapoor)પર ડ્રગ્સ લેવાનો આરોપ છે. પોલીસે દરોડા પાડ્યા બાદ તેઓને પોતાની કસ્ટડીમાં લીધો હતો.
સિદ્ધાંત કપૂર
બૉલિવૂડ અભિનેતા શક્તિ કપૂર (Shakti Kapoor)ના પુત્ર અને શ્રદ્ધા કપૂર(Shraddha Kapoor)ના ભાઈને લઈ એક મોટા સમાચાર સામે આવ્યાં છે. મળતી માહિતી મુજબ, અભિનેત્રીના ભાઈને પોલીસે બેંગ્લોરથી કસ્ટડીમાં લીધો છે. સિદ્ધાંત કપૂર (Siddhanth kapoor)પર ડ્રગ્સ લેવાનો આરોપ છે. પોલીસે દરોડા પાડ્યા બાદ તેઓને પોતાની કસ્ટડીમાં લીધો હતો.
દિવંગત અભિનેતા સુશાંત સિંહ રાજપૂતના મૃત્યુ બાદ ઉછરેલો ડ્રગનો મામલો દરરોજ ચર્ચામાં રહે છે. આ મામલે અત્યાર સુધી ઘણા સેલેબ્સના નામ સામે આવ્યા છે. આ સાથે જ તેમની બીજી પુણ્યતિથિ પહેલા આ મામલો ફરી એકવાર ગરમાયો છે.
ADVERTISEMENT
મળતી માહિતી મુજબ ડ્રગ્સના કેસમાં ફસાયેલા શક્તિ કપૂરના પુત્ર સિદ્ધાંત કપૂરને પોલીસે બેંગ્લોરથી અટકાયતમાં લીધો છે. ઉલ્લેખનીય છે કે, શ્રદ્ધા કપૂરના ભાઈ સહિત કુલ છ લોકો ડ્રગ્સ ટેસ્ટમાં પોઝિટિવ આવ્યા છે. આ તમામ લોકો બેંગ્લોરના એમજી રોડ સ્થિત હોટલમાં પાર્ટી કરી રહ્યા હતા. આ દરમિયાન પોલીસે દરોડો પાડીને તાત્કાલિક કાર્યવાહી કરી હતી.
Karnataka | Actor Shraddha Kapoor`s brother Siddhanth Kapoor detained during police raid at a rave party in a Bengaluru hotel, last night. He is among the 6 people allegedly found to have consumed drugs: Bengaluru Police pic.twitter.com/UuHZKMzUH0
— ANI (@ANI) June 13, 2022
બાતમીના આધારે પોલીસે એમજી રોડ પરની એક હોટલમાં દરોડો પાડ્યો હતો જ્યાં પાર્ટીનું આયોજન કરવામાં આવ્યું હતું. આ દરમિયાન પોલીસે ડ્રગ્સના સેવનના શંકાસ્પદ લોકોના સેમ્પલ મોકલ્યા હતા. તપાસમાં પોઝિટિવ મળી આવેલા છ લોકોમાં શ્રદ્ધા કપૂરના ભાઈના સેમ્પલનો પણ સમાવેશ કરવામાં આવ્યો હતો. આ કેસમાં પોલીસે કહ્યું કે તે સ્પષ્ટ નથી કે તેણે ડ્રગ્સનું સેવન કર્યા બાદ પાર્ટીમાં આવ્યા કે પછી હોટલમાં જ તેનું સેવન કર્યું.
તે જ સમયે, જ્યારે ડ્રગ્સ કેસમાં પુત્ર સિદ્ધાંત કપૂરનું નામ સામે આવ્યું ત્યારે બોલિવૂડ અભિનેતા શક્તિ કપૂરની પ્રતિક્રિયા પણ સામે આવી છે. સોમવારે તેમના પુત્રને પોલીસ કસ્ટડીમાં લેવામાં આવ્યાના સમાચાર પછી એક વેબસાઇટ સાથે વાત કરતા શક્તિ કપૂરે કહ્યું, "હું માત્ર એક જ વાત કહી શકું છું - તે શક્ય નથી".
