° °

આજનું ઇ-પેપર
Monday, 06 December, 2021


શ્રીમંત થવાનો શૉર્ટ કટ : ઘરમાં જ છાપી ૨૦૦૦ રૂપિયાની નોટ

25 November, 2021 10:37 AM IST | Mumbai | Gujarati Mid-day Correspondent

જોકે નકલી નોટ બજારમાં વટાવવા જતાં ક્રાઇમ બ્રાન્ચે પાયધુનીમાં રહેતા ૪૭ વર્ષના શબ્બીર હસન કુરેશીની કરી ધરપકડ

શ્રીમંત થવાનો શૉર્ટ કટ : ઘરમાં જ છાપી ૨૦૦૦ રૂપિયાની નોટ

શ્રીમંત થવાનો શૉર્ટ કટ : ઘરમાં જ છાપી ૨૦૦૦ રૂપિયાની નોટ

ભારતની બજારમાં મોટા પ્રમાણમાં બોગસ ચલણી નોટો ફરી રહી હોવાની શંકાના આધારે વડા પ્રધાન નરેન્દ્ર મોદીએ બોગસ ચલણી નોટને નાબૂદ કરવા માટે ૮ નવેમ્બર, ૨૦૧૬ના રોજ નોટબંધી જાહેર કરી હતી. નોટબંધી બાદ બનાવટી ચલણી નોટ બનાવવાનું બંધ થઈ જવાની આશા સેવવામાં આવતી હતી, પરંતુ નવી ચલણી નોટોની કૉપી કરીને ઝટપટ રૂપિયાવાળા થવા માગતા ભેજાબાજો પોલીસના હાથે ચડી રહ્યા છે. મુંબઈ પોલીસની ક્રાઇમ બ્રાન્ચે દક્ષિણ મુંબઈમાં રહેતી ૪૭ વર્ષની એક વ્યક્તિની તેના ઘરમાં જ ૨૦૦૦ રૂપિયાની બોગસ નોટ છાપવાના આરોપસર ધરપકડ કરી છે. 
મુંબઈ પોલીસની ક્રાઇમ બ્રાન્ચના ધ ક્રાઇમ ઈન્ટેલિજન્સ યુનિટ (સીઆઇયુ)ને બાતમી મળી હતી કે પાયધુનીમાં રહેતી એક વ્યક્તિ કેટલાક દિવસથી બજારમાં ૨૦૦૦ રૂપિયાની બોગસ નોટ વટાવવા આવે છે. પોલીસે ખાતરી કર્યા બાદ પાયધુની વિસ્તારમાં આવેલા એક ઘરમાં જઈને તપાસ કરતાં ૪૭ વર્ષના શબ્બીર હસન કુરેશી નામની વ્યક્તિ પાસેથી ભારતીય ચલણની ૨૦૦૦ રૂપિયાની ૫૩ બોગસ નોટ મળી આવી હતી. ઘરમાંથી રિયલ ચલણી નોટને સ્કૅન કરવા માટેનું પ્રિન્ટર સહિતની વસ્તુઓ હાથ લાગતાં એ જપ્ત કરીને આરોપીની ધરપકડ કરવામાં આવી હતી.
સીઆઇયુના પોલીસ અધિકારીએ વધુમાં જણાવ્યું હતું કે ‘આરોપી તેના ઘરમાં જ ૨૦૦૦ રૂપિયાની બોગસ નોટ પ્રિન્ટ કરતો હતો. તેણે ચલણી નોટમાં વપરાય છે એવા કાગળો ક્યાંકથી મેળવ્યા હતા. ચલણી નોટમાં વૉટર માર્ક છે એવા જ વૉટર માર્ક પણ બોગસ નોટમાં આબેહૂબ છપાઈ જતા હોવાથી એક નજરે તો એ ઓરિજનલ છે કે બોગસ એ ઓળખી નથી શકાતું. આ ટેક્નૉલૉજી કેવી રીતે શીખી અને તેના આ કામમાં બીજા કોઈ સંકળાયેલા છે કે કેમ એની તપાસ કરાઈ રહી છે.’

સીઆઇયુએ પાયધુની પોલીસ સ્ટેશનમાં ફરિયાદ નોંધીને આરોપી શબ્બીરની ધરપકડ કરી છે. આરોપી પોતાના માટે જ બોગસ નોટ બનાવતો હતો કે તે કોઈના કહેવાથી કે કોઈના માટે આવું કામ કરતો હતો એની પૂછપરછ કરાઈ રહી છે. નોટબંધી પહેલાં ભારતમાં બોગસ ચલણી નોટ દાખલ કરીને ભારતીય અર્થતંત્રને નુકસાન પહોંચાડવા આપણા દેશના દુશ્મનો મોટા પાયે બોગસ નોટ છપાવતા હોવાનું જણાયું છે. આથી આ આરોપી આવા કોઈ કાવતરાનો ભાગ તો નથીને એની તપાસ કરાઈ રહી હોવાનું પાયધુની પોલીસ સ્ટેશનના સિનિયર ઇન્સ્પેક્ટર સુભાષ દૂધગાંવકરે કહ્યું હતું.

પહેલાં પણ પાયધુનીમાંથી બોગસ નોટો પકડાયેલી 

નોટબંધીના બીજા વર્ષે એટલે કે ૨૦૧૭માં જુલાઈ મહિનામાં મુંબઈ પોલીસે પાયધુની વિસ્તારમાંથી જ ભારતીય ચલણની ૨૦૦૦ રૂપિયાની ૩૭ બોગસ નોટ સાથે એક જણની ધરપકડ કરી હતી. ઇદ્રિસ બાબુ શેખ ઉર્ફે મોહન ભોલા નામના આરોપીની પણ જૂન ૨૦૧૬માં ધરપકડ કરીને ૧૦.૭૪ લાખ રૂપિયાની બોગસ નોટ પોલીસે જપ્ત કરી હતી. એક જ મહિનામાં બે કેસ નોંધાયા હતા. 

25 November, 2021 10:37 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

Omicron: પુનામાં વધુ 7 લોકો ઓમિક્રોનથી સંક્રમિત, મહારાષ્ટ્રમાં 8 પર આંક પહોંચ્યો

મહારાષ્ટ્રમાં ઓમિક્રોનથી સંક્રમિત થનાર લોકોની સંખ્યા હવે 8 પર પહોંચી છે.  

05 December, 2021 07:34 IST | Mumbai | Gujarati Mid-day Online Correspondent
મુંબઈ સમાચાર

મહારાષ્ટ્ર સરકારે પરમબીર સિંહ પર સુપ્રીમ કોર્ટમાં કહ્યું કે તે વ્હિસલ બ્લોઅર નથી

સરકારે સિંહની અરજીને ફગાવી દેવાની માંગ કરી, કારણ કે સિંહે તેમની બદલી પછી ભૂતપૂર્વ ગૃહ પ્રધાન અનિલ દેશમુખ સામેના કથિત ભ્રષ્ટાચાર વિશે માહિતી આપી હતી.

05 December, 2021 06:24 IST | Mumbai | Gujarati Mid-day Online Correspondent
મુંબઈ સમાચાર

શિવસેના સાંસદ પ્રિયંકા ચતુર્વેદીને રાજ્યસભામાં નિલંબિત કરાયા તો ભર્યુ આવું પગલુ

ચતુર્વેદી સહિત રાજ્યસભાના 12 સભ્યોને હાલના સત્રના બાકીના સમયગાળા માટે અધ્યક્ષ દ્વારા બેકાબૂ વર્તનને કારણે સસ્પેન્ડ કરવામાં આવ્યા છે.

05 December, 2021 06:26 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK