° °

આજનું ઇ-પેપર
Thursday, 13 May, 2021


વિદ્યાવિહારના રહેવાસીનો અનોખો સફાઈયજ્ઞ

24 October, 2012 07:27 AM IST |

વિદ્યાવિહારના રહેવાસીનો અનોખો સફાઈયજ્ઞ

વિદ્યાવિહારના રહેવાસીનો અનોખો સફાઈયજ્ઞ



વિપુલ વૈદ્ય

વિદ્યાવિહારના એક રહેવાસીએ પોતાના વિસ્તારમાં ફેલાયેલી ગંદકી દૂર કરવા માટે પોતાની ક્ષમતા પ્રમાણે કામ કરવા નવતર યોજના ઘડી કાઢી છે. પોતાના વિસ્તારમાં બેસતા તમામ ફેરિયાઓને તેણે કચરો નાખવા માટે સ્વખર્ચે‍ કચરાટોપલી આપી છે જેમાં તેઓ પોતાના ધંધા દરમ્યાન અને જતી વખતે બધો જ કચરો નાખી શકે.

પોતાના વિસ્તારની કચરાની સમસ્યા વિશે માહિતી આપતાં કમલેશ કપાસીએ મિડ-ડે LOCALને કહ્યું હતું કે ‘મારું ઘર સ્ટેશનની નજીક જ છે. આ આખો વિસ્તાર ફેરિયાઓથી ખદબદતો હોય છે જેઓ બધા જ પ્રકારની ગૃહોપયોગી વસ્તુઓ વેચતા હોય છે. આ ફેરિયાઓની સૌથી ખરાબ બાબત એ હતી કે તેઓ બધો જ કચરો રસ્તા પર નાખી દેતા હતા. આને કારણે રાતે તો રસ્તા પર ચાલવાનું મુશ્કેલ બની જતું હતું. ચોમાસામાં કચરાને કારણે ગટરો પણ ચૉક થઈ જતી હતી અને પરિસ્થિતિ વણસતી હતી. આ સમસ્યાનું કાયમી નિરાકરણ લાવવા માટે ફેરિયાઓને કચરાટોપલી આપવાનું નક્કી કર્યું હતું. આ માટે મેં ફ્ વૉર્ડની ઑફિસમાં પણ પ્રસ્તાવ મોકલ્યો હતો, પરંતુ તેમણે કોઈ પ્રતિસાદ ન આપતાં આખરે ડિãગ્નટી ફાઉન્ડેશનની મદદથી ઑક્ટોબર મહિનાના પહેલા અઠવાડિયામાં ૧૦ ફેરિયાઓને કચરાટોપલીનું વિતરણ કરવામાં આવ્યું હતું જેને માટે તેમને ૫૦૦ રૂપિયાનો ખર્ચ આવ્યો હતો.’

દરેક ફેરિયાને બધો જ કચરો તેને આપવામાં આવેલી ટોપલીમાં નાખવાનું જણાવવામાં આવ્યું હતું. છેલ્લે આ બધી જ કચરાટોપલીને સુધરાઈ દ્વારા મૂકવામાં આવેલી મોટી બે કચરાટોપલીમાં ખાલી કરવામાં આવે છે જેને સુધરાઈ દિવસમાં એક વખત સાફ કરે છે.

કમલેશ કપાસીએ મિડ-ડે LOCALને કહ્યું હતું કે ‘હું રોજ જાતે જઈને ફેરિયાઓ સૂચનાનું પાલન કરે છે કે નહીં એ જોઉં છું અને મને એ વાતનો સંતોષ છે કે ફેરિયાઓ ખરેખર સૂચનાનું પાલન કરે છે અને રસ્તા પર સ્વચ્છતામાં ખાસ્સો વધારો જોવા મળે છે. હવે સુધરાઈએ આ રસ્તા પરથી પ્રેરણા લઈને બધા જ વિસ્તારમાં આ યોજના અમલમાં મૂકવી જોઈએ જેથી સ્વચ્છ મુંબઈનું સપનું પૂરું થઈ શકશે.’

24 October, 2012 07:27 AM IST |

અન્ય લેખો

મુંબઈ સમાચાર

નાયબ મુખ્ય મંત્રી અજિત પવારની પીઆર એજન્સી પર છ કરોડના ખર્ચાનો ઓર્ડર પાછો ખેંચાયો

રાજ્યના પ્રધાન નવાબ મલિકે આ મુદ્દે ભાજપ પર વળતો પ્રહાર કરતાં કહ્યું હતું કે, જે લોકો કથિત 6 કરોડ રૂપિયાના ખર્ચ તરફ આંગળી ચીંધે છે તેમણે અગાઉની સરકારમાં મુખ્ય પ્રધાન અને મંત્રીઓની જનસંપર્ક પ્રવૃત્તિઓ પર ખર્ચવામાં આવેલી રકમ તરફ ધ્યાન આપવું જોઈએ.

13 May, 2021 07:44 IST | Mumbai | Gujarati Mid-day Online Correspondent
મુંબઈ સમાચાર

Maharashtra : લૉકડાઉનના કડક નિયમોનું પાલન 1લી જૂન સુધી લંબાયુ

મહારાષ્ટ્ર સરકારે ગુરૂવારે લૉકડાઉન જેવા પ્રતિબંધો 1લી જૂન સુધી ચાલુ  રાખવાનો નિર્ણય લીધો છે. વાઇરસના ફેલાવાને અટકાવવા માટે સવારે સાત વાગ્યા સુધી બધું બંધ રખાશેનો નિર્ણય ચાલુ રખાયો છે.

13 May, 2021 01:11 IST | Mumbai | Gujarati Mid-day Online Correspondent
મુંબઈ સમાચાર

ડોમેસ્ટિક ગાર્મેન્ટ ઇન્ડસ્ટ્રીને મંજૂરી નહીં અપાય તો ખતમ થઈ જશે : સીએમએઆઇ

કોરોનાની બીજી બાદ ત્રીજી લહેર આવવાના ભય વચ્ચે કામકાજ ઠપ : ૭૭ ટકા મૅન્યુફૅક્ચરરો ૨૫ ટકા સ્ટાફ ઘટાડવાની ફિરાકમાં

13 May, 2021 09:07 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK