° °

આજનું ઇ-પેપર
Wednesday, 04 August, 2021


હેલ્પલેસ હેલ્પલાઇન

17 December, 2012 04:55 AM IST |

હેલ્પલેસ હેલ્પલાઇન

હેલ્પલેસ હેલ્પલાઇન



૧૪ ડિસેમ્બરે મુંબઈગરાઓને રાજ્યના ટ્રાન્સપોર્ટ ડિપાર્ટમેન્ટ તથા આરટીઓ દ્વારા હેલ્પલાઇન નંબર ૧૮૦૦-૨૨-૦૧૧૦ ઉપર ૧૬ ડિસેમ્બરથી જો કોઈ રિક્ષા અથવા ટૅક્સી અપડેટેડ ઇલેક્ટ્રૉનિક (ઈ) મીટર વગરની નજર પડે તો ફોન કરવા જણાવ્યું હતું. જોકે મોબાઇલ ફોન પરથી નંબર ગુમાવવામાં આવતાં એ લાગતો નહોતો.

લાઇન ખોટકાઈ

ગયા અઠવાડિયે જ રિક્ષા તથા ટૅક્સીના રીકૅલિબ્રેશન મામલે થયેલા વિલંબ માટે બૉમ્બે હાઈ ર્કોટે સરકારની ઝાટકણી કાઢી હતી. પરિણામે ૧૫  ડિસેમ્બરની ડેડલાઇન છતાં પણ મીટર રીકૅલિબ્રેટ ન કરનારા ડ્રાઇવરો વિરુદ્ધ કાર્યવાહી કરવા માટે સરકારે આ હેલ્પલાઇનની જાહેરાત કરી છે. જો કોઈ રિક્ષા અથવા ટૅક્સી-ડ્રાઇવરે મીટર રીકૅલિબ્રેટ ન કરાવ્યું હોય તો તેના પ્લેટ-નંબરની ફરિયાદ ટોલ-ફ્રી નંબર પર કરવા જણાવવામાં આવ્યું હતું.

આરટીઓ પાસેથી જાણવા મળ્યું હતું કે ઘણી વાર ટોલ-ફ્રી નંબરના વધુપડતા ઉપયોગને કારણે આમ બને છે અને આ નંબરનો ઉપયોગ રિક્ષા તથા ટૅક્સી-ડ્રાઇવરોની મીટર સાથેની છેડછાડ, ખરાબ વર્તન જેવી ફરિયાદો માટે પણ કરી શકાય છે. ટ્રાન્સપોર્ટ ડિપાર્ટમેન્ટના જણાવ્યા પ્રમાણે રિક્ષાના ઈ-મીટરમાં મિનિમમ ભાડું ૧૨ રૂપિયાની જગ્યાએ ૧૫ રૂપિયા અને ટૅક્સીનું ભાડું ૧૭ રૂપિયાની જગ્યાએ ૧૯ રૂપિયા હોવું જોઈએ.

દંડાત્મક કાર્યવાહી

અંધેરી, તાડદેવ તથા વડાલા આરટીઓ દ્વારા આ માટે સ્પેશ્યલ સ્ક્વૉડ પણ બનાવવામાં આવી છે. રવિવારે તમામ આરટીઓ દ્વારા રિક્ષા તથા ટૅક્સી-ડ્રાઇવરો વિરુદ્ધ કાર્યવાહી પણ કરવામાં આવી હતી. આજથી રીકૅલિબ્રેટ કર્યા વગરની રિક્ષા તેમ જ ટૅક્સી-ડ્રાઇવરોને ૭૦૦ રૂપિયા દંડ કરવામાં આવશે તેમ જ સાત દિવસ માટે લાઇસન્સ પણ રદ કરવામાં આવશે. મુંબઈ શહેરના માર્ગો પર ૧.૫૦ લાખ રિક્ષામાંથી ૮૩,૦૦૦ રિક્ષાઓએ મીટર રીકૅલિબ્રેટ નથી કરાવ્યાં. એમાંથી ૧૩,૦૦૦ ઈ-મીટર તો અન્ય ૭૦,૦૦૦ મેકૅનિકલ મીટર છે. ૨૦ ડિસેમ્બર સુધીમાં ટ્રાન્સપોર્ટ ડિપાર્ટમેન્ટને સ્ટેટસ રિપોર્ટ આપવા માટે હાઈ ર્કોટે જણાવ્યું છે.

17 December, 2012 04:55 AM IST |

અન્ય લેખો

મુંબઈ સમાચાર

રેલવે-પ્રવાસીઓએ આજનું આંદોલન પંદર ઑગસ્ટ પર મુલતવી કરી દીધું

જાહેર જનતાને પણ લોકલ ટ્રેનોનો ઉપયોગ કરવા દેવાની માગણી સાથે મંગળવારે સેન્ટ્રલ રેલવેના હેડક્વૉર્ટર બહાર મોટું વિરોધ-પ્રદર્શન યોજવાનું આયોજન પાછું ઠેલવામાં આવ્યું છે

04 August, 2021 08:36 IST | Mumbai | Rajendra B Aklekar
મુંબઈ સમાચાર

સપનાં જોવાની કોઈ ઉંમર નથી

ટ્વેલ્થમાં ૮૦ ટકા લાવનાર બે બાળકોનાં મમ્મી ૩૭ વર્ષનાં હંસા મકવાણાને તો ટીચર બનવું છે

04 August, 2021 08:24 IST | Mumbai | Priti Khuman Thakur
મુંબઈ સમાચાર

અંધેરી-પાર્લાના લોકો છે સૌથી વધારે બેજવાબદાર

માસ્ક ન પહેરવાનો સૌથી વધુ દંડ ત્યાંથી વસૂલાયો : જ્યાં માસ્કનો બહુ ઓછો ઉપયોગ છે એ ગોવંડીના લોકો સૌથી ઓછા દંડાયા

04 August, 2021 08:21 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK