° °

આજનું ઇ-પેપર
Friday, 19 August, 2022


બળવાખોરોનો રાગ ‘વિચિત્ર’ કેમ?

28 June, 2022 09:44 AM IST | Mumbai
Gujarati Mid-day Correspondent | feedbackgmd@mid-day.com

શિવસેનાના બળવાખોર જૂથના વિધાનસભ્ય દીપક કેસરકર કહે છે, ઉદ્ધવ એમવીએમાંથી બહાર નીકળી જાય અને તેમના આશીર્વાદથી જ નવી બીજેપી-સેના સરકાર બની જાય તેમ જ ફલોર-ટેસ્ટની પણ જરૂર ન પડે

દીપક કેસરકર

દીપક કેસરકર

વિધાનસભ્યપદ રદ થવાની નોટિસમાં સુપ્રીમ કોર્ટમાંથી ૧૨ જુલાઈ સુધીની રાહત મળ્યા બાદ એકનાથ શિંદે સાથે ગુવાહાટીમાં હોટેલમાં રોકાયેલા કોંકણના વિધાનસભ્ય દીપક કેસરકરે ગઈ કાલે કહ્યું હતું કે ‘ઉદ્ધવ ઠાકરેએ મહાવિકાસ આઘાડી સરકારમાંથી બહાર નીકળવું જોઈએ. ત્યાર બાદ તરત જ બીજેપી-શિવસેનાની સરકાર બનશે. રાજીનામું આપ્યા વિના ઉદ્ધવ ઠાકરે પ્રધાનમંડળમાંથી બહાર નીકળશે તો ફ્લોર-ટેસ્ટ કરવાની જરૂર નહીં પડે અને ટૂંક સમયમાં જ બીજેપી-શિવસેનાની સરકાર બનશે. અમે બધા હજી પણ શિવસેનામાં છીએ, ક્યાંય ગયા નથી. આથી ઉદ્ધવ ઠાકરેએ આ વાત પર ધ્યાન આપવું જોઈએ.’

કોંકણના શિવસેનાના વિધાનસભ્ય દીપક કેસરકરે ગઈ કાલે સાંજે પત્રકારો સાથેની વાતચીતમાં કહ્યું હતું કે ‘મહારાષ્ટ્રમાં જે બતાવાઈ રહ્યું છે એવી સ્થિતિ નથી. અમે હજી પણ શિવસેનામાં છીએ. ઉદ્ધવ ઠાકરે જ અમારા નેતા છે. તેમના માટે અમને આદર અને પ્રેમ છે. તેમના આશીર્વાદથી નવી સરકાર બનવી જોઈએ. ૧૦થી ૧૨ વિધાનસભ્યોને બાદ કરતાં પક્ષના તમામ વિધાનસભ્યો અમારી સાથે છે. આથી સરકાર બનાવવા માટે અમારી પાસે પૂરતી સંખ્યા છે.’

દીપક કેસરકરે આ સમયે વધુમાં કહ્યું હતું કે ‘કોઈ દીકરો ઘર છોડીને જાય તો તેને સમજાવીને પાછો લવાય છે, પરંતુ અમને ધમકીઓ અપાઈ રહી છે. પહેલાં કંઈ વિચાર્યું હોત તો મહાવિકાસ આઘાડી સરકાર ટકી શકી હોત, પરંતુ ઉદ્ધવ ઠાકરેને એનસીપીના નેતાઓની સલાહ મહત્ત્વની લાગે છે. રાજ્યની જનતાએ અમને બીજેપી-શિવસેના યુતિ તરીકે ચૂંટ્યા હતા, પરંતુ શિવસેનાએ જુદો જ ચૂલો માંડ્યો. જનતાએ મતરૂપી આપેલા આશીર્વાદ પ્રમાણે સરકાર બનવી જોઈતી હતી. મહાવિકાસ આઘાડી સરકાર બની હતી ત્યારે બીજેપી રસ્તામાં નહોતી ઊતરી. આથી હવે બીજેપી સાથે સરકાર બનાવવાનો નિર્ણય તેમણે માન્ય રાખવો જોઈએ.’

દીપક કેસરકરે અંતમાં કહ્યું હતું કે ‘વચ્ચેના સમયમાં માતોશ્રી પર અનેક આરોપ કરવામાં આવ્યા હતા. માતોશ્રી પર કોઈ આરોપ ન કરે, કારણ કે માતોશ્રી આખા મહારાષ્ટ્રનું શ્રદ્ધાસ્થાન છે. બીજેપી અને બાળાસાહેબ ઠાકરેના સંબંધ ઘણા સારા હતા.’

28 June, 2022 09:44 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

અપના સ્ટ્રાઇક-રેટ ૧૦૦ પર્સન્ટ, અબ તાંડવ હોગા

બીજેપીના નેતા મોહિત કમ્બોજે અનિલ દેશમુખ અને નવાબ મલિક બાદ એનસીપીના એક મોટા નેતા જેલમાં જશે એવી ટ્વીટ કરતાં ખળભળાટ : સિંચાઈ કૌભાંડની તપાસ કરવાની માગણી કરતાં ઇશારો અજિત પવાર તરફ?

18 August, 2022 09:49 IST | Mumbai | Gujarati Mid-day Correspondent
મુંબઈ સમાચાર

રાજ્યની કેબિનેટમાં થઈ ખાતાંની વહેંચણી, ફડણવીસનું પલડું ભારી

રાજ્યપાલ ભગત સિંહ કોશ્યારીની મંજૂરી બાદ આ ખાતાની ફાળવણીની જાહેરાત કરવામાં આવી

14 August, 2022 06:47 IST | Mumbai | Gujarati Mid-day Online Correspondent
મુંબઈ સમાચાર

બીજેપીએ ફરી એક વાર મુંબઈની કમાન સોંપી આશિષ શેલારને

૨૦૧૭માં તેમની અધ્યક્ષતામાં પાર્ટી ૩૧ બેઠક પરથી ૮૪ સુધી પહોંચી શકી હતી. હવે ૨૫ વર્ષથી સુધરાઈ પર રાજ કરી રહેલી શિવસેનાને ‘તડીપાર’ કરવાની છે મહlત્ત્વાકાંક્ષા

13 August, 2022 11:41 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK