° °

આજનું ઇ-પેપર
Friday, 27 May, 2022


આવી ગયો વરસાદ...

14 May, 2022 08:21 AM IST | Mumbai
Gujarati Mid-day Correspondent | feedbackgmd@mid-day.com

નવાઈ ન પામતા અને જો ઓપન ગ્રાઉન્ડમાં હોય ફંક્શન તો વણનોતર્યા મહેમાન વરસાદની તૈયારી રાખજો : હવામાન વિભાગની ચોમાસા પહેલાંનાં વરસાદી ઝાપટાં ૧૫ મેથી શરૂ થઈ જવાની આગાહી : કેરળમાં ચોમાસું ચાર દિવસ વહેલું બેસી જવાની શક્યતા

આવી ગયો વરસાદ...

આવી ગયો વરસાદ...

સામાન્ય રીતે કેરળ કે આંદામાન-નિકોબારમાં પહેલી જૂનથી ચોમાસાની શરૂઆત થાય છે, પરંતુ આ વર્ષે અહીં ચાર દિવસ વહેલો એટલે કે ૨૬ મેથી વરસાદ શરૂ થઈ જવાની શક્યતા છે. આથી મુંબઈ સહિત આસપાસના વિસ્તારમાં ચોમાસા પહેલાંનાં વરસાદી ઝાપટાં ૧૫ મેથી શરૂ થઈ જવાની આગાહી હવામાન વિભાગે કરી છે. આથી કોઈએ ૧૫ મે પછી ઓપન ગ્રાઉન્ડમાં કોઈ ફંક્શન રાખ્યું હોય તો બૅકઅપ પ્લાન કરી લેવો. હવામાન વિભાગે સામાન્ય કરતાં વધારે પ્રમાણમાં વરસાદી ઝાપટાં પડવાની શક્યતા પણ વ્યક્ત કરી છે.
ભારતમાં નૈર્ઋત્યના ચોમાસાની શરૂઆત આંદામાન-નિકોબાર અને કેરળથી થાય છે. દર વર્ષે મોટા ભાગે પહેલી જૂને કેરળમાં વરસાદનું આગમન થાય છે. મુંબઈમાં જૂનના પહેલાં અથવા તો બીજા અઠવાડિયાની આસપાસ ચોમાસાની શરૂઆત થાય છે. કેરળ અને આંદામાન-નિકોબારમાં મે મહિનાના છેલ્લા અઠવાડિયામાં વરસાદનાં છૂટાંછવાયાં ઝાપટાં શરૂ થાય છે, પરંતુ અસાની સાયક્લોનને લીધે છેલ્લા બે દિવસમાં કેરળમાં ભારે વરસાદ નોંધાયો હતો. આવી જ રીતે ગઈ કાલે મહારાષ્ટ્રના કોલ્હાપુરમાં પણ વરસાદ પડ્યો હતો.
ભારતીય હવામાન વિભાગના પ્રવક્તાના જણાવ્યા મુજબ આ વર્ષે કેરળ તેમ જ આંદામાન-નિકોબારમાં ચોમાસા પહેલાંનાં વરસાદી ઝાપટાં ૧૪ મેએ એટલે કે આવતી કાલે પડવાની શક્યતા છે, જે સામાન્ય કરતાં એક અઠવાડિયું વહેલાં છે. ૧૪થી ૧૬ મે દરમ્યાન અહીંના કેટલાક વિસ્તારમાં મધ્યમથી ભારે વરસાદ પડી શકે છે. કેરળમાં બે દિવસ પડેલા ભારે વરસાદને પગલે પશ્ચિમી મહારાષ્ટ્ર તેમ જ કોંકણ, રાયગડ, થાણે અને મુંબઈમાં બે દિવસથી આકાશ વાદળછાયું રહ્યું હતું. આવતી કાલથી મુંબઈ સહિતના આસપાસના વિસ્તારમાં ચોમાસા પહેલાંનાં વરસાદી ઝાપટાં પડી શકે છે. એમાં પણ કેટલાંક સ્થળે મધ્યમથી ભારે વરસાદ થવાની શક્યતા છે.
મોટા ભાગે જૂનના બીજા અઠવાડિયામાં મુંબઈમાં વરસાદનું આગમન થતું હોય છે. એટલે બધા જૂન મહિનાના પહેલા અઠવાડિયા સુધી ઓપન જગ્યામાં કાર્યક્રમમું આયોજન કરતા હોય છે. જોકે આ વખતે ચોમાસું વહેલું શરૂ થવાની આગાહી હોવાથી જો કોઈએ ઓપન ગ્રાઉન્ડમાં કોઈ આયોજન કર્યું હોય તો કાર્યક્રમ બગડે નહીં એ માટે બૅકઅપ રાખવું જરૂરી બનશે.

છેલ્લાં પાંચ વર્ષની ક્યારે આવ્યો વરસાદ?
૨૬ મેએ કેરળમાં વરસાદ પડવાની શક્યતા વ્યક્ત કરવામાં આવી છે. છેલ્લાં પાંચ વર્ષમાં અંદાજ અને હકીકતમાં વરસાદની શરૂઆત ક્યારે થઈ હતી એના પર નજર નાખીએ.

14 May, 2022 08:21 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

ક્રૂઝ શિપ ડ્રગ્સ કેસમાં શાહરૂખ ખાનના પુત્ર આર્યન ખાનને NCBએ આપી ક્લીન ક્લીન ચીટ

ડ્રગ્સના કેસમાં કુલ 8 લોકોની ધરપકડ કરવામાં આવી હતી

27 May, 2022 01:45 IST | Mumbai | Gujarati Mid-day Online Correspondent
મુંબઈ સમાચાર

કોરોનાએ સદંતર વિદાય નથી લીધી એટલે માસ્ક પહેરવાનું ચાલુ રાખો :ઠાકરેની લોકોને અપીલ

કોરોના સામેની લડતમાં રક્ષણ માટેનાં હથિયાર હેઠાં ન મૂકવાની અપીલ કરતાં કહ્યું હતું કે સંક્રમણ ફેલાય નહીં એ માટે લોકોએ ફેસમાસ્ક પહેરવાનું ચાલુ રાખવું જોઈએ. રાજ્ય કૅબિનેટની સાપ્તાહિક બેઠક દરમિયાન તેમણે લોકોને ઉપરોક્ત અપીલ કરી હતી.

27 May, 2022 09:57 IST | Mumbai | Agency
મુંબઈ સમાચાર

શૉકિંગ : વસઈના સમુદ્રકિનારે મૃતદેહોને દફનાવવામાં આવે છે

ભૂઈગાંવ અને સુરુચિબાગ જેવા જાણીતા દરિયાકિનારા પર વસઈ પોલીસે બિનવારસી મૃતદેહો દફનાવ્યા હોવાનું જાણવા મળ્યું

27 May, 2022 09:53 IST | Mumbai | Priti Khuman Thakur

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK