° °

આજનું ઇ-પેપર
Thursday, 19 May, 2022


મુંબઈના રિક્ષા-ટૅક્સીચાલકો કરશે બાઇક-ટૅક્સીનો વિરોધ

16 January, 2022 12:18 PM IST | Mumbai
Gujarati Mid-day Correspondent | feedbackgmd@mid-day.com

પુણેમાં રિક્ષાવાળાઓના સંગઠને પણ સ્ટિકર બનાવીને અજિત પવારને સંબોધન કરી વિરોધ વ્યક્ત કર્યો

પુણેના રિક્ષાચાલકોના સંગઠને બનાવેલું સ્ટિકર

પુણેના રિક્ષાચાલકોના સંગઠને બનાવેલું સ્ટિકર

શહેરમાં ટૅક્સી, રિક્ષા અને પ્રાઇવેટ કૅબની સાથે હવે અમુક અંશે બાઇક-ટૅક્સી પણ દેખાવા લાગી છે. આવી ટૅક્સીને લીધે કાળી-પીળી ટૅક્સી અને રિક્ષાના ધંધા સામે જોખમ ઊભું થઈ રહ્યું છે એટલે મુંબઈના ટૅક્સી-ઑટો યુનિયને એની સામે વિરોધ વ્યક્ત કરીને સરકારને આ બાઇક-ટૅક્સી પર પ્રતિબંધ નહીં મુકાય તો તીવ્ર આંદોલન કરવાની ચીમકી ઉચ્ચારી છે. પુણેમાં તો બાઇક-ટૅક્સી સામે આંદોલનની શરૂઆત પણ થઈ ચૂકી છે. તેમણે પોસ્ટર-સ્ટિકરના માધ્યમથી અજિત પવાર પાસે કેટલીક માગણીઓ પણ કરી છે.
પુણેમાં રિક્ષાવાલા સંગઠને અજિત પવારને સંબોધતા સ્ટિકર દ્વારા શરૂ કરેલા અનોખા આંદોલનમાં લખ્યું છે કે ‘દાદા મને બચાવો! મા. અજિતદાદા પવાર, તમે વચન આપ્યું હતું ગેરકાયદે બાઇક-ટૅક્સી બંધ કરીને રિક્ષાચાલકો અને તેમના કુટુંબને બચાવવાનું. ગેરકાયદે બાઇક-ટૅક્સીચાલકો સરકારનું કરોડો રૂપિયાનું મહેસૂલ ડુબાવે છે, કાળાં નાણાં તૈયાર કરે છે, મહિલા પ્રવાસીની સુરક્ષા જોખમમાં મૂકે છે, ૧૨ લાખ રિક્ષાચાલકોના પેટ પર પાટું મારે છે, બેરોજગાર યુવાનોને ગેરકાયદે વ્યવસાયમાં લાવીને ગુના કરવામાં સામેલ કરે છે; પણ સરકારના ભ્રષ્ટ અધિકારી તેમની સામે કોઈ કાર્યવાહી નથી કરતા... બઘતોય રિક્ષાવાલા મહારાષ્ટ્ર રાજ્ય.’
પુણેની સાથે હવે મુંબઈમાં પણ બાઇક-ટૅક્સી જોવા મળી રહી છે. એની સામે મુંબઈના રિક્ષાવાળાઓ પણ આંદોલન કરવાના મૂડમાં છે. ગઈ કાલે જ તેમની આ બાબતે એક બેઠક થઈ હતી. સ્વાભિમાન ટૅક્સી-ઑટો યુનિયનના અધ્યક્ષ કૃષ્ણકુમાર તિવારીએ ‘મિડ-ડે’ને કહ્યું હતું કે ‘મુંબઈમાં બે લાખ રિક્ષાચાલકો સામે ઓલા અને ઉબેર પ્રાઇવેટ કંપનીઓના પ્રવેશ બાદ ફરી બાઇક-ટૅક્સીના રૂપમાં જોખમ ઊભું થયું છે. અમે મુંબઈમાં આવી બાઇકને ચાલવા નહીં દઈએ. બે દિવસ પહેલાં જ સરકારને રજૂઆત કરવા બાબતે અમારી બેઠક મળી હતી. ટૂંક સમયમાં જ સરકાર જો બાઇક-ટૅક્સીને નહીં રોકે તો અમે જોરદાર આંદોલન કરીને વિરોધ-પ્રદર્શન કરીશું. એક તરફ ગૅસના ભાવમાં સતત વધારો થઈ રહ્યો છે અને બીજી બાજુ બાઇક-ટૅક્સીને સરકાર રોકતી નથી. આવા સંજોગોમાં અમારો રોજગાર છીનવાઈ જશે તો અમારે ગામભેગા થવું પડશે.’

16 January, 2022 12:18 PM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

શરદ પવારની હાજરીમાં થઈ મુંડે ભાઈ-બહેન વચ્ચે શાબ્દિક ટપાટપી

રાજકીય હરીફ અને પિતરાઈ ભાઈ-બહેન એનસીપીના નેતા ધનંજય મુંડે અને બીજેપીનાં પંકજા મુંડેએ બુધવારે એક કાર્યક્રમ દરમિયાન સ્ટેજ પર એકબીજા પર શાબ્દિક પ્રહારો કર્યા હતા.

19 May, 2022 08:38 IST | Mumbai | Gujarati Mid-day Correspondent
મુંબઈ સમાચાર

Ketaki Chitale: કોર્ટે કેતકીને 14 દિવસની જ્યુડિશિયલ કસ્ટડીમાં મોકલી, જાણો વિગત

બુધવારે, થાણે ક્રાઇમ બ્રાન્ચના અધિકારીઓએ ચિતલેને મેજિસ્ટ્રેટ સમક્ષ રજૂ કરી હતી

18 May, 2022 06:06 IST | Mumbai | Gujarati Mid-day Online Correspondent
મુંબઈ સમાચાર

Ketaki Chitale: અભિનેત્રી કેતકી ચિતલે પર ફરી નોંધાયો કેસ, જાણો શું છે પ્રકરણ

કોર્ટે અભિનેત્રી 18 મે સુધી પોલીસ કસ્ટડીમાં મોકલી

16 May, 2022 03:33 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK