° °

આજનું ઇ-પેપર
Wednesday, 26 January, 2022


પોલીસની બદલી-પ્રમોશન ફરી વિવાદમાં

13 January, 2022 10:05 AM IST | Mumbai | Gujarati Mid-day Correspondent

રાજ્યમાં સરકારી અધિકારી અને પ્રશાસન પર મુખ્ય પ્રધાન ઉદ્ધવ ઠાકરેનો અંકુશ ન હોવાનો આરોપ વિરોધીઓ સતત મૂકી રહ્યા છે ત્યારે સરકારી અધિકારી અને પ્રશાસન સાથે મુખ્ય પ્રધાનનો તાલમેલ ન હોવાની વધુ એક ઘટના સામે આવી છે.

ઉદ્ધવ ઠાકરે

ઉદ્ધવ ઠાકરે


મુંબઈ : રાજ્યમાં સરકારી અધિકારી અને પ્રશાસન પર મુખ્ય પ્રધાન ઉદ્ધવ ઠાકરેનો અંકુશ ન હોવાનો આરોપ વિરોધીઓ સતત મૂકી રહ્યા છે ત્યારે સરકારી અધિકારી અને પ્રશાસન સાથે મુખ્ય પ્રધાનનો તાલમેલ ન હોવાની વધુ એક ઘટના સામે આવી છે. છેલ્લા કેટલાક દિવસથી રાજ્યના પોલીસ અધિકારીઓની બદલીની એક યાદી સોશ્યલ મીડિયા પર ફરી રહી છે. રાજ્ય સરકારે આવી કોઈ યાદી ન બનાવી હોવાની સ્પષ્ટતા કરી છે. આથી પોલીસ અધિકારીઓની આ યાદી કોણે લીક કરી? આવો સવાલ ફરી વિરોધીઓ કરી રહ્યા છે. આ મામલાને ગંભીરતાથી લઈને રાજ્યના ગૃહ પ્રધાન દિલીપ વળસે-પાટીલે તપાસનો આદેશ આપ્યો હોવાનું ગઈ કાલે જણાવ્યું હતું.
દિલીપ વળસે-પાટીલે મુખ્ય પ્રધાનની સહી થયા વિના જ રાજ્યના પોલીસ અધિકારીઓની બદલીની યાદી લીક થવા વિશે પત્રકારોને ગઈ કાલે કહ્યું હતું કે રાજય સરકારે પોલીસ અધિકારીઓની બદલીની કોઈ યાદી જાહેર નથી કરી અને અત્યારે એવો કોઈ પ્રસ્તાવ પણ નથી. કોઈક સાથે અસભ્ય વર્તન કરવાને ઇરાદે યાદી સોશ્યલ મીડિયામાં વાઇરલ કરવામાં આવી છે. છ મહિના પહેલાં પણ આવું જ કરવામાં આવ્યું હતું. આ બાબતની તપાસ કરવાનો આદેશ આપવામાં આવ્યો છે.
ઉલ્લેખનીય છે કે ગયા વર્ષે ઑગસ્ટ મહિનામાં એક વ્યક્તિએ મંત્રાલયમાં ફોન કર્યો હતો. આબેહૂબ શરદ પવાર બોલતા હોય એવી રીતે ફોન પર સરકારી અધિકારીઓને બદલીઓ સંબંધે કેટલીક સૂચનાઓ આપી હતી. જોકે મંત્રાલયના અધિકારીઓને શંકા જતાં તેમણે શરદ પવારના નિવાસસ્થાન સિલ્વર ઑકમાં સંપર્ક કરીને તપાસ કરતાં ફોન કરનારી વ્યક્તિ શરદ પવાર નહીં, બીજું કોઈ હોવાનું જણાયું હતું.

13 January, 2022 10:05 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

Mumbai Corona Cases: દર્દીઓની સંખ્યા ઘટી, છેલ્લા ૨૪ કલાકમાં નોંધાયા 1815 નવા કેસ

સારવાર દરમિયાન 10 મૃત્યુ પામ્યા હતા

25 January, 2022 08:19 IST | Mumbai | Gujarati Mid-day Online Correspondent
મુંબઈ સમાચાર

નવાબ મલિકની અભદ્ર ટિપ્પણી; કહ્યું કિરીટ સોમૈયા ભાજપની આઈટમ ગર્લ છે

બીજેપી નેતા કિરીટ સોમૈયા સતત મહાવિકાસ આઘાડી સરકારની ટીકા કરી રહ્યા છે.

25 January, 2022 04:06 IST | Mumbai | Gujarati Mid-day Online Correspondent
મુંબઈ સમાચાર

કૉંગ્રેસના મંત્રીએ મુંબઈના મેદાનનું નામ ટીપુ સુલતાન રાખ્યું, થયો વિવાદ

પ્રજાસત્તાક દિન નિમિત્તે મંત્રીના હસ્તે તેનું ઉદ્ઘાટન થવા જઈ રહ્યું છે.

25 January, 2022 02:58 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK