Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > સીએસએમટી સ્ટેશન પર પણ ખૂલી પૉડ હોટેલ

સીએસએમટી સ્ટેશન પર પણ ખૂલી પૉડ હોટેલ

03 July, 2022 11:04 AM IST | Mumbai
Rajendra B Aklekar

મુંબઈ સેન્ટ્રલ સ્ટેશન પર આવી પહેલી હોટેલ શરૂ થઈ છે : એમાં સિંગલ, ડબલ તેમ જ પરિવાર માટે મોટા પૉડ ઉપલબ્ધ હોવા ઉપરાંત મોબાઇલ ચાર્જિંગ, લૉકર રૂમ, ડીલક્સ ટૉઇલેટ અને બાથરૂમ જેવી તમામ સુવિધાઓ છે

પ્રતીકાત્મક તસવીર

પ્રતીકાત્મક તસવીર


લાંબા અંતરનો પ્રવાસ કરનારા મુસાફરો માટે મુંબઈના સીએસએમટી સ્ટેશન પર પહેલી જુલાઈથી પૉડ હોટેલ શરૂ કરવામાં આવી છે. શહેરના રેલવે સ્ટેશન પર શરૂ કરવામાં આવેલી આ બીજી પૉડ હોટેલ છે. પ્રથમ પૉડ હોટેલ શહેરના મુંબઈ સેન્ટ્રલ સ્ટેશન પર છે, જેને મુસાફરોનો સારો પ્રતિસાદ મળ્યો છે. આ પૉડ હોટેલમાં એકલા મુસાફર માટે સિંગલ, યુગલ માટે ડબલ તેમ જ પરિવાર માટે મોટા પૉડ ઉપલબ્ધ છે. જોકે એમાં હજી વાઇ-ફાઇની સુવિધા શરૂ કરવામાં આવી નથી.  
છત્રપતિ શિવાજી મહારાજ ટર્મિનસ રેલવે સ્ટેશનની મુખ્ય લાઇન પર વેઇટિંગ રૂમની નજીક મુસાફરોને આરામદાયક અને સસ્તા રોકાણનો વિકલ્પ પૂરો પડવા માટે પૉડ ખોલવામાં આવ્યા છે. અહીં કુલ ૪૦ પૉડ છે. એમાંથી ૩૦ સિંગલ, ૬ ડબલ અને ચાર ફૅમિલી પૉડ છે. આ ઍરકન્ડિશન્ડ પૉડ હોટેલમાં મોબાઇલ ચાર્જિંગ, લૉકર રૂમ, ડીલક્સ ટૉઇલેટ અને બાથરૂમ જેવી આવશ્યક તમામ સુવિધાઓ છે. પૉડ્સનું બુકિંગ ઑનલાઇન, મોબાઇલ ઍપ દ્વારા કે પછી સ્ટેશનના રિસેપ્શન કાઉન્ટર પર પણ કરી શકાય છે એમ સેન્ટ્રલ રેલવેના ચીફ પીઆરઓ શિવાજી સુતારે ‘મિડ-ડે’ને જણાવ્યું  હતું.


Whatsapp-channel Whatsapp-channel

03 July, 2022 11:04 AM IST | Mumbai | Rajendra B Aklekar

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK