° °

આજનું ઇ-પેપર
Saturday, 13 August, 2022


આરેના જંગલને બચાવવા માટે આજે પિકનિક પૉઇન્ટ પર શાંતિપૂર્ણ વિરોધ

03 July, 2022 10:35 AM IST | Mumbai
Gujarati Mid-day Correspondent | feedbackgmd@mid-day.com

‘અમારી માગણી એ છે કે અમે આરેમાં કોઈ કારશેડ નથી ઇચ્છતા. કાંજુરમાર્ગમાં સરકારી માલિકીની જમીન પર મેટ્રો કારશેડનું બાંધકામ અટકાવવાનું બંધ કરો. સરકારે કાંજુરમાર્ગની જમીન પર ઇન્ટિગ્રેટેડ શેડ બાંધીને આરેના જંગલને બચાવવું જોઈએ.’ 

પ્રતીકાત્મક તસવીર

પ્રતીકાત્મક તસવીર

મુંબઈ : નવી રાજ્ય સરકારે કારડેપો આરે ખાતે ખસેડવાનો નિર્ણય લેતાં અનેક મુંબઈગરા એનો વિરોધ કરવા રસ્તા પર ઊતરી આવે એવી શક્યતા છે. સોશ્યલ મીડિયા પર સેવ આરે મૂવમેન્ટ શરૂ થઈ ચૂકી છે.  આરે કન્ઝર્વેશન ગ્રુપ સાથે જોડાયેલા એક સભ્યે કહ્યું હતું કે ‘અમે ઇચ્છીએ છીએ કે આપણા જંગલને બચાવવા મુંબઈગરાઓ એક થાય. આજે સવારે ૧૧ વાગ્યે પિકનિક પૉઇન્ટ પર એક શાંતિપૂર્ણ વિરોધ યોજાશે, જેમાં ભાગ લેવા માટે પ્રકૃતિપ્રેમીઓ એકઠા થઈ શકે છે. શાંતિપૂર્ણ વિરોધમાં જોડાવા ઇચ્છતા લોકોએ પોતાનાં પોસ્ટર્સ પોતે જ લાવવાનાં રહેશે.’ 
એક પ્રકૃતિપ્રેમીએ કહ્યું હતું કે ‘અમારી માગણી એ છે કે અમે આરેમાં કોઈ કારશેડ નથી ઇચ્છતા. કાંજુરમાર્ગમાં સરકારી માલિકીની જમીન પર મેટ્રો કારશેડનું બાંધકામ અટકાવવાનું બંધ કરો. સરકારે કાંજુરમાર્ગની જમીન પર ઇન્ટિગ્રેટેડ શેડ બાંધીને આરેના જંગલને બચાવવું જોઈએ.’ 
ભારે વિરોધની અપેક્ષાએ પોલીસ વહીવટી તંત્ર ફરી ઍક્શનમાં આવ્યું છે અને આરે મિલ્ક કૉલોનીમાં પિકનિક પૉઇન્ટની નજીક કારશેડની જગ્યા નજીક ભારે પોલીસ-બંદોબસ્ત જોવા મળ્યો હતો.
સોશ્યલ મીડિયા પર અનેક મુંબઈગરાઓ સરકારના પગલાની ટીકા કરી રહ્યા છે, જ્યારે કેટલાક વિકાસતરફી મુંબઈગરાઓએ કારશેડને ફરી આરેમાં સ્થાપિત કરવાના સરકારના નિર્ણયને આવકાર્યો હતો. 

03 July, 2022 10:35 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

કાંજુરમાર્ગની જગ્યા કાર શેડ બનાવવા આપો: MMRDAની રાજ્ય સરકારને માગ

અગાઉની ફડણવીસ સરકાર દરમિયાન, મેટ્રો 6નો કાર શેડ કાંજુરમાર્ગ ખાતે પ્રસ્તાવિત કરવામાં આવ્યો હતો

11 August, 2022 06:40 IST | Mumbai | Gujarati Mid-day Online Correspondent
મુંબઈ સમાચાર

આરેમાં મેટ્રો કારશેડનું કામ ફરી રઝળી શકે છે

આગામી સુનાવણી સુધી એક પણ વૃક્ષ ન કાપવાનો સુપ્રીમ કોર્ટનો આદેશ : આગામી સુનાવણી ૧૦ ઑગસ્ટે

06 August, 2022 10:37 IST | Mumbai | Gujarati Mid-day Correspondent
મુંબઈ સમાચાર

મુંબઈનો શ્વાસ રૂંધાશે...

આરે કૉલોનીમાં લીલોતરીનું નિકંદન કાઢવાનું શરૂ કરાતાં મુંબઈના બેહાલ થવાના છે: આના માટે રસ્તો બંધ કરાતાં મોટા પાયે પ્રોટેસ્ટ

26 July, 2022 08:32 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK