° °

આજનું ઇ-પેપર
Sunday, 20 June, 2021


વાશીના ગુજરાતી ટ્રાવેલ એજન્ટનું વિચિત્ર રોડ-ઍક્સિડન્ટમાં મૃત્યુ

30 December, 2012 05:25 AM IST |

વાશીના ગુજરાતી ટ્રાવેલ એજન્ટનું વિચિત્ર રોડ-ઍક્સિડન્ટમાં મૃત્યુ

વાશીના ગુજરાતી ટ્રાવેલ એજન્ટનું વિચિત્ર રોડ-ઍક્સિડન્ટમાં મૃત્યુ



રોહિત પરીખ

ઘાટકોપર, તા. ૩૦

નવી મુંબઈના વાશીમાં રહેતો અને ત્યાં જ ટ્રાવેલિંગ એજન્સીનું કામ કરતો ૩૬ વર્ષનો સૉફ્ટવેર એન્જિનિયર પરાગ રજનીકાંત શેઠ ગુરુવારે રાતે ઘાટકોપરથી તેની ઉઘરાણી કરીને રાતે દોઢ વાગ્યે મોટરબાઇક પર વાશીના સેક્ટર-નંબર ૨૯ના ઘરે જઈ રહ્યો હતો એ સમયે નવી મુંબઈના ખાડી પુલ પર કોઈ વાહને તેને ઉડાડી દેતાં તેનું ઘટનાસ્થળે જ મૃત્યુ થયું હતું. પરાગના સંબંધીઓએ આપેલી માહિતી મુજબ અકસ્માત પછી પરાગની ડેડ-બૉડી પોલીસને ત્રણ ટુકડામાં મળી હતી અને તેનો ચહેરો પણ છૂંદાઈ ગયો હતો. 

શુક્રવારે પરાગના સંબંધીઓ તેની ડેડ-બૉડી લેવા વાશી ગયા ત્યારે વાશી પોલીસે તેમને પરાગનો એક ટેમ્પો સાથે અથડાવાથી અકસ્માત થયો હતો અને એ ટેમ્પોચાલકની પોલીસે ધરપકડ કરી છે એવી માહિતી આપી હતી, પરંતુ ‘મિડ-ડે’ સાથે વાશી પોલીસના સિનિયર ઇન્સ્પેક્ટર સરદેસાઈએ આ અકસ્માત સંબંધી વાતચીત કરી ત્યારે તેમણે કહ્યું હતું કે હજી સુધી કોઈની ધરપકડ કરી નથી.

મૂળ દશા સોરઠિયા અને છ વર્ષ પહેલાં પરણીને વિદ્યાવિહાર (ઈસ્ટ)ની ડી કૉલોનીની ચિંતામણિ સોસાયટીમાંથી વાશી રહેવા ગયેલો પરાગ સૉફ્ટવેર એન્જિનિયર હતો. સ્વભાવમાં મોજીલા અને મળતાવડા પરાગના કુટુંબમાં પત્ની ઉપરાંત પાંચ વર્ષનો એક પુત્ર પણ છે. રજનીભાઈના બે પુત્રોમાં પરાગ મોટો છે. તેનો અમેરિકામાં રહેતો ભાઈ ગઈ કાલે સાંજે પાંચ વાગ્યે આવ્યા બાદ પરાગના ઘાટકોપર હિન્દુ સ્મશાનભૂમિમાં અંતિમ સંસ્કાર કરવામાં આવ્યા હતા. પરાગનું સાસરું પણ વાશીમાં જ છે. જે રાતે પરાગનો અકસ્માત થયો એ સમયે નાતાલનું વેકેશન હોવાથી તેની પત્ની પુત્રને લઈને પિયર રહેવા ગઈ હતી. ઘટનાને દિવસે પરાગ તેના કોઈ ગ્રાહક પાસે ઉઘરાણી કરી મોડી રાતે દોઢ વાગ્યે મોટરબાઇક પર વાશીના તેના નિવાસસ્થાને પાછો જઈ રહ્યો હતો એ સમયે પાછળથી આવી રહેલું કોઈ વાહન તેના પર ફરી વળતાં તેનું ઘટનાસ્થળે જ મૃત્યુ થયું હતું. પોલીસને તેની બૉડી ત્રણ ટુકડામાં અને છૂંદાયેલા ચહેરા સાથે મળી હતી.

પરાગના માસા રજની કાચલિયાએ આ માહિતી આપતાં ‘મિડ-ડે’ને કહ્યું હતું કે ‘પરાગનો કેવી રીતે અકસ્માત થયો એની પૂરી માહિતી અમે જાણતા નથી, પરંતુ શુક્રવારે સવારે છ વાગ્યે વાશી પોલીસ પરાગનું ડ્રાઇવિંગ લાઇસન્સ લઈને વિદ્યાવિહાર (ઈસ્ટ)ની ડી કૉલોનીના તેના નિવાસસ્થાને ગઈ હતી. ત્યાં જઈને તેના પિતા રજનીભાઈને મળી હતી અને ડ્રાઇવિંગ લાઇસન્સ બતાવીને પરાગનો અકસ્માત થયો છે એમ જણાવીને તેમને પોતાની સાથે વાશી લઈ ગઈ હતી. ત્યાં તેનાં માતા-પિતાને પરાગનું અકસ્માતમાં મૃત્યુ થયું હોવાનું જણાવ્યું હતું. પરાગના મોતના સમાચાર સાંભળીને તેનાં માતા-પિતા ભાંગી પડ્યાં હતાં. અમારા કુટુંબનો એક સભ્ય શુક્રવારે પરાગની ડેડ-બૉડીનો કબજો લેવા ગયો હતો. તેને પોલીસે જણાવ્યું હતું કે કોઈ ટેમ્પો રાતે દોઢ વાગ્યે પરાગની બાઇકને અથડાવાથી પરાગનું ઘટનાસ્થળે જ મૃત્યુ થયું હતું અને ટેમ્પોનો કબજો લઈને ડ્રાઇવરની ધરપકડ કરી છે.’

આ સંદર્ભમાં વાશી પોલીસ-સ્ટેશને ‘મિડ-ડે’ને કહ્યું હતું કે હજી સુધી કોઈની ધરપકડ થઈ નથી.

30 December, 2012 05:25 AM IST |

અન્ય લેખો

મુંબઈ સમાચાર

થાણેની હૉસ્પિટલના સ્ટાફને નોકરીમાંથી કાઢ્યા પછી આંદોલન બાદ પાછો લેવામાં આવ્યો

કોરોનાના કેસ ઓછા થતાં અને તેમની જરૂર ન જણાતાં તેમને શુક્રવારે નોકરી પરથી કાઢી મૂકવામાં આવ્યાં હતાં. તેમણે ગઈ કાલે હૉસ્પિટલની બહાર વિરોધ-પ્રદર્શન કર્યું હતું.

20 June, 2021 03:55 IST | Mumbai | Gujarati Mid-day Correspondent
મુંબઈ સમાચાર

મધ્ય પ્રદેશથી ગન વેચવા આવેલ યુવાન ક્રાઇમ બ્રાન્ચના ઘાટકોપર યુનિટના હાથમાં ઝડપાયો

ક્રાઇમ બ્રાન્ચે આ સંદર્ભે મુલુંડના નવઘર પોલીસ સ્ટેશનમાં ફરિયાદ કરી હતી. આર્મ્સ ઍક્ટ હેઠળ ગુનો નોંધીને કેસની વધુ તપાસ કરવામાં આવી રહી છે. 

20 June, 2021 03:39 IST | Mumbai | Gujarati Mid-day Correspondent
મુંબઈ સમાચાર

શિવસેના-બીજેપીના કાર્યકરો ફરી બાખડ્યા

પેટ્રોલ-પમ્પ પર વૈભવ નાઈક લોકોને પેટ્રોલ ખરીદવા માટે રૂપિયા વહેંચી રહ્યા હતા ત્યારે બીજેપીના કાર્યકરો આવી પહોંચ્યા હતા. તેમણે વિરોધ કરતાં બન્ને પક્ષના કાર્યકરો સૂત્રોચ્ચાર કરીને એકબીજાની સામસામે આવી ગયા હતા.

20 June, 2021 02:16 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK