° °

આજનું ઇ-પેપર
Monday, 06 December, 2021


હવે કાંદિવલીના ડોક્ટર ફસાયા સાઇબર ફ્રોડમાં

21 November, 2021 01:52 PM IST | Mumbai | Gujarati Mid-day Correspondent

ઇટલીમાંથી કીમતી વસ્તુઓ ગિફ્ટ મેળવવાની લાલચમાં ૧૩ લાખ ગુમાવ્યા આ ડોક્ટરે

પ્રતિકાત્મક તસવીર

પ્રતિકાત્મક તસવીર

સાઇબર ફ્રૉડમાં સામાન્ય રીતે સિનિયર સિટિઝન કે મહિલાઓ ફસાતી હોય છે, પણ હવે તો એજ્યુકેટેડ લોકો પણ સાઇબર ગુનેગારોની જાળમાં ફસાઈ રહ્યા હોવાનું જાણવા મળ્યું છે. કાંદિવલીના એક આયુર્વેદિક ડૉક્ટરે ઇટલીના કહેવાતા એક ડૉક્ટર પાસેથી કીમતી ગિફ્ટ મેળવવાની લાલચમાં ૧૩ લાખ રૂપિયા ગુમાવ્યા છે. તેમણે સાઇબર પોલીસમાં ફરિયાદ નોંધાવતાં ઉત્તર પ્રદેશ સાઇબર પોલીસે મુંબઈ પોલીસની મદદથી જુદા-જુદા સ્થળેથી બે નાઇજીરિયન સહિત પાંચ આરોપીઓની ધરપકડ કરી છે.
પોલીસના જણાવ્યા મુજબ કાંદિવલીમાં પ્રૅક્ટિસ કરી રહેલા એક આયુર્વેદિક ડૉક્ટરે લૉકડાઉનના સમયમાં ઑનલાઇન કન્સલ્ટેશન શરૂ કર્યું હતું. તેમણે આ માટે સોશ્યલ મીડિયામાં ઍડ્‌ પોસ્ટ કરી હતી. તેમની પોસ્ટ જોઈને ફેસબુક પર તેમને માર્કો કોલવિન નામના એક વ્યક્તિની ફ્રેન્ડશિપ રિક્વેસ્ટ આવી હતી. તેણે પ્રોફાઇલમાં ડૉક્ટર લખ્યું હોવાથી કાંદિવલીના ડૉક્ટરે તેની ફ્રેન્ડ રિક્વેસ્ટ સ્વીકારી હતી. બાદમાં બન્ને વચ્ચે વાતો થવા લાગતાં એકબીજાના ફોન-નંબર શૅર કર્યા હતા. ઇટાલિયને પોતાની સાથે ફ્રેન્ડશિપ કરી હોવાના આનંદમાં ડૉક્ટર ભૂલી ગયા હતા કે તે કોઈ ડૉક્ટર નહીં પણ સાઇબર ગુનેગાર છે. એક ફ્રેન્ડ તરીકે ૮૯ હજાર યુરોની એટલે કે ૮૯ લાખ રૂપિયાની કિંમતની ઘડિયાળ અને હૅન્ડબૅગ ગિફ્ટનું પાર્સલ મોકલ્યું હોવાનું ઇટાલિયને તેમને કહ્યું હતું.
પોલીસે આપેલી માહિતી મુજબ થોડા દિવસ બાદ ડૉક્ટરને દિલ્હી કસ્ટમ્સમાંથી બોલતો હોવાનું કહીને કોઈક વિનાયક નામના માણસે ફોન કર્યો હતો. તમારી મોંઘી ગિફ્ટ હોવાથી કસ્ટમ્સ ડ્યુટી, પેનલ્ટી, ઇન્શ્યૉરન્સ ફી વગેરે ભરવાં પડશે એમ જણાવ્યું હતું. ડૉક્ટરે આથી ઇટલીના ફ્રેન્ડ માર્કોને ફોન કરીને પૂછતાં તેણે થોડા રૂપિયા ખર્ચ કરીને મોંઘી ગિફ્ટ મેળવવાનું કહ્યું હતું. આથી ડૉક્ટરે વિનાયક નામના માણસના અકાઉન્ટમાં ૧૩.૫૯ લાખ રૂપિયા ટ્રાન્સફર કર્યા હતા.
રૂપિયા મળી ગયા બાદ માર્કોનો સંપર્ક કટ થઈ ગયો હતો અને પોતાની સાથે ચીટિંગ થઈ હોવાનું ધ્યાનમાં આવતાં કાંદિવલીના ડૉક્ટરે સાઇબર પોલીસ સ્ટેશનમાં ફરિયાદ નોંધાવતાં ઉત્તર પ્રદેશ સાઇબર પોલીસે ટેક્નિકલ પુરાવાને આધારે બે નાઇજીરિયન સહિત પાંચ આરોપીઓની સાઇબર ચીટિંગ કરવાના આરોપસર ધરપકડ કરી હતી. આ મામલામાં મુંબઈ સાઇબર પોલીસે પણ કેટલીક મદદ કરી હોવાનું એક અધિકારીએ જણાવ્યું હતું. ડૉક્ટર શિક્ષિત હોવાથી તેમની બદનામી ન થાય એ માટે પોલીસે તેમનું નામ જાહેર નથી કર્યું. પોલીસે વિદેશમાંથી અજાણ્યા લોકો પાસેથી કીમતી ગિફ્ટ મેળવવાની લાલચ આપનારાઓથી સાવધાન રહેવાની લોકોને અપીલ કરી છે.

21 November, 2021 01:52 PM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

Omicron: પુનામાં વધુ 7 લોકો ઓમિક્રોનથી સંક્રમિત, મહારાષ્ટ્રમાં 8 પર આંક પહોંચ્યો

મહારાષ્ટ્રમાં ઓમિક્રોનથી સંક્રમિત થનાર લોકોની સંખ્યા હવે 8 પર પહોંચી છે.  

05 December, 2021 07:34 IST | Mumbai | Gujarati Mid-day Online Correspondent
મુંબઈ સમાચાર

મહારાષ્ટ્ર સરકારે પરમબીર સિંહ પર સુપ્રીમ કોર્ટમાં કહ્યું કે તે વ્હિસલ બ્લોઅર નથી

સરકારે સિંહની અરજીને ફગાવી દેવાની માંગ કરી, કારણ કે સિંહે તેમની બદલી પછી ભૂતપૂર્વ ગૃહ પ્રધાન અનિલ દેશમુખ સામેના કથિત ભ્રષ્ટાચાર વિશે માહિતી આપી હતી.

05 December, 2021 06:24 IST | Mumbai | Gujarati Mid-day Online Correspondent
મુંબઈ સમાચાર

શિવસેના સાંસદ પ્રિયંકા ચતુર્વેદીને રાજ્યસભામાં નિલંબિત કરાયા તો ભર્યુ આવું પગલુ

ચતુર્વેદી સહિત રાજ્યસભાના 12 સભ્યોને હાલના સત્રના બાકીના સમયગાળા માટે અધ્યક્ષ દ્વારા બેકાબૂ વર્તનને કારણે સસ્પેન્ડ કરવામાં આવ્યા છે.

05 December, 2021 06:26 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK