° °

આજનું ઇ-પેપર
Thursday, 30 June, 2022


હવે બીએમસી તમને કરાવશે ફ્રીમાં યોગ

21 May, 2022 10:36 AM IST | Mumbai
Suraj Pandey | suraj.pandey@mid-day.com

બઈગરાઓને સ્વસ્થ માનસિક અને શારીરિક આરોગ્ય પૂરું પાડવાના હેતુથી બીએમસી શિવ યોગ કેન્દ્ર શરૂ કરવા વિચારી રહી છે, જ્યાં મુંબઈગરાઓને નિ:શુલ્ક યોગ સેશનની સુવિધા મળી રહેશે. 

નાગરિકોનાં રસ-રુચિ અને જાહેર કે સ્કૂલ હૉલ, મૅરેજ હૉલની ઉપલબ્ધતાના આધારે શિવ યોગ કેન્દ્રની વ્યવસ્થા કરાશે. પ્રતીકાત્મક તસવીર

નાગરિકોનાં રસ-રુચિ અને જાહેર કે સ્કૂલ હૉલ, મૅરેજ હૉલની ઉપલબ્ધતાના આધારે શિવ યોગ કેન્દ્રની વ્યવસ્થા કરાશે. પ્રતીકાત્મક તસવીર


મુંબઈ ઃ મુંબઈગરાઓને સ્વસ્થ માનસિક અને શારીરિક આરોગ્ય પૂરું પાડવાના હેતુથી બીએમસી શિવ યોગ કેન્દ્ર શરૂ કરવા વિચારી રહી છે, જ્યાં મુંબઈગરાઓને નિ:શુલ્ક યોગ સેશનની સુવિધા મળી રહેશે. 
ઍડિશનલ મ્યુનિસિપલ કમિશનર સંજીવકુમારે કહ્યું હતું કે ‘શહેરીજનોમાં શારીરિક અને માનસિક આરોગ્ય સંબંધે જાગૃતિ ફેલાવવા માટે શિવ યોગ કેન્દ્રની સ્થાપના કરવામાં આવશે. જાહેર હૉલમાં, ખાનગી કે બીએમસીની સ્કૂલોના હૉલમાં, મૅરેજ હૉલમાં એમ જ્યાં પણ ઉપલબ્ધતા રહેશે અને શહેરના નાગરિકો રસ-રુચિ દાખવશે ત્યાં વૉર્ડ સ્તરે યોગના સેશનની વ્યવસ્થા કરવામાં આવશે. ૩૦ લોકોના જૂથ વચ્ચે એક સેશન યોજી શકાશે.’
સુધરાઈએ શહેરના નાગરિકોની દોડધામવાળી અતિ વ્યસ્ત જિંદગી તથા ડાયાબિટીઝ અને હાઇપરટેન્શન જેવા રોગોની વૃદ્ધિને ધ્યાનમાં રાખીને આ વર્ષના બજેટમાં અનેક નવી યોજનાઓ જાહેર કરી છે. આવી જ એક યોજનામાં હિન્દુ હૃદયસમ્રાટ બાળાસાહેબ ઠાકરે (એચબીટી) પૉલિક્લિનિક ખોલવાનો સમાવેશ થાય છે. બીએમસી જૂનના પ્રથમ સપ્તાહ સુધીમાં આવાં ૧૩ ક્લિનિક શરૂ કરવાની યોજના ધરાવે છે. 
શિવ યોગ કેન્દ્ર વિશે બીએમસીના એક અધિકારીએ જણાવ્યું હતું કે ‘યોગ કોર્સ ત્રણ મહિનાનો હશે, જેમાં પ્રત્યેક મહિને બે કલાકનાં ૨૦ સેશન યોજાશે. બીએમસી યોગ સંસ્થાઓ સાથે એમઓયુ કરવાની યોજના ધરાવે છે, જે કામગીરીના મૂલ્યાંકન પછી દર છ મહિને રિન્યુ કરવામાં આવશે.’
 સેશન શરૂ કરતાં પહેલાં સુધરાઈ નાગરિકોનાં નામ નોંધવા માટે વૉર્ડ લેવલ પર સમર્પિત ઈ-મેઇલ આઇડી તૈયાર કરશે અને એક વાર ૩૦ કે એથી વધુ સભ્યો રસ-રુચિ દાખવશે એટલે બીએમસી યોગ પ્રશિક્ષણ શરૂ કરવા અને શિક્ષિત યોગ શિક્ષકો પ્રદાન કરવા માટે લૉજિસ્ટિક્સની સુવિધા આપશે.

21 May, 2022 10:36 AM IST | Mumbai | Suraj Pandey

અન્ય લેખો

મુંબઈ સમાચાર

ક્રાઇમ પર કન્ટ્રોલ કરશે પ્લૅટફૉર્મ પરના ‘વૉચ ટાવર’

પ્રાયોગિક ધોરણે દાદર સ્ટેશન પર આ પ્રયોગ કરવામાં આવ્યો છે : આવતા અઠવાડિયાથી કુર્લા અને થાણેમાં પણ એ શરૂ થશે

30 June, 2022 09:36 IST | Mumbai | Priti Khuman Thakur
મુંબઈ સમાચાર

અચ્છા ચલતા હૂં...

સુપ્રીમ કાેર્ટે ફ્લોર-ટેસ્ટ કરવાનો આદેશ આપ્યો એ સાથે જ વિધાનસભામાં લડી લેવાને બદલે ઉદ્ધવ ઠાકરેએ મુખ્ય પ્રધાનપદેથી રાજીનામું જ આપી દીધું અને જતાં-જતાં ઊભરો ઠાલવ્યો

30 June, 2022 09:33 IST | Mumbai | Gujarati Mid-day Correspondent
મુંબઈ સમાચાર

જતાં-જતાં ઉદ્ધવ ઠાકરેએ ઔરંગાબાદને સંભાજીનગર અને ઉસ્માનાબાદને ધારાશિવ કરાવ્યું

વર્ષોથી પ્રલંબિત મુદ્દાને કૅબિનેટની મીટિંગમાં કૉન્ગ્રેસ અને રાષ્ટ્રવાદી કૉન્ગ્રેસે મંજૂરીની મહોર મારી

30 June, 2022 09:30 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK