NCP નેતાએ સમીર વાનખેડેની પત્ની ક્રાંતિ રેડકર વાનખેડે વિશેની ચેટનો સ્ક્રીનશોટ ટ્વીટ કર્યો હતો.
નવાબ મલિક
મહારાષ્ટ્રના NCP નેતા નવાબ મલિક(Nawab Malik)એનસીબી (NCB)અધિકારી સમીર વાનખેડે (sameer wankhede) પર સતત આક્ષેપ કરતા આવ્યાં છે. આની વચ્ચે સમીર વાનખેડેની પત્ની ક્રાંતિ રેડકર વાનખેડેએ એક ટ્વિટ કર્યુ છે. ક્રાંતિ વાનખેડેએ નવાબ મલિક વિરુદ્ધ પોલીસમાં ફરિયાદ પણ નોંધાવી છે. જાણીએ શું છે સમગ્ર મામલો.
વાસ્તવમાં, NCP નેતાએ સમીર વાનખેડેની પત્ની ક્રાંતિ રેડકર વાનખેડે વિશેની ચેટનો સ્ક્રીનશોટ ટ્વીટ કર્યો હતો.જેમાં એક વ્યક્તિએ લખ્યું - `મેડમ ક્રાંતિ, મારી પાસે દાઉદ અને નવાબના કનેક્શનના મજબૂત પુરાવા છે, કૃપા કરીને ડીએમ કરો.જવાબમાં ક્રાંતિએ લખ્યું- "તમારી પાસે કેવા પ્રકારનો પુરાવો છે."
ADVERTISEMENT
વ્યક્તિએ ફરી લખ્યું- મારી પાસે નવાબ મલિક અને દાઉદનો ફોટો છે. જેના પર ક્રાંતિએ જવાબ આપ્યો, `કૃપા કરીને મોકલો, તમને આના માટે ઈનામ મળશે.`જો કે, નવાબ મલિક દ્વારા શેર કરવામાં આવેલી આ ચેટને ક્રાંતિ રેડકરે નકલી ગણાવી છે.
નવાબ મલિકના આ ટ્વિટ બાદ સમીર વાનખેડેની પત્ની ક્રાંતિએ પલટવાર કર્યો હતો. મલિકના ટ્વીટના જવાબમાં તેણે લખ્યું, `આ ચેટ ખોટી રીતે કરવામાં આવી છે અને સંપૂર્ણપણે નકલી છે.મેં કોઈની સાથે આવી વાતચીત કરી નથી. ફરી એકવાર ચકાસણી વિના પોસ્ટ. હું મુંબઈ સાયબર ક્રાઈમ સેલમાં ફરિયાદ નોંધાવી રહી છું. સમર્થકો ચિંતા કરશો નહીં, આ આપણી સંસ્કૃતિ કે આપણી ભાષા નથી.`
નોંધનીય છે કે નવાબ મલિક અને સમીર વાનખેડે વચ્ચે ચાલી રહેલા યુદ્ધમાં દરરોજ કંઈક નવું બહાર આવી રહ્યું છે. મામલો બોમ્બે હાઈકોર્ટમાં પહોંચ્યો છે. બંને પક્ષો તરફથી આક્ષેપ-પ્રતિઆક્ષેપનો દોર ચાલી રહ્યો છે. બંનેના વકીલો કોર્ટમાં દલીલો રજૂ કરી રહ્યા છે.
