° °

આજનું ઇ-પેપર
Thursday, 13 May, 2021


હોલસેલ બજારમાં લીલા શાકભાજીના ભાવ ઘટ્યા

19 November, 2020 08:45 AM IST | Mumbai | Mumbai Correspondent

હોલસેલ બજારમાં લીલા શાકભાજીના ભાવ ઘટ્યા

શાકભાજી

શાકભાજી

લૉકડાઉનના કપરા કાળમાં લીલા શાકભાજીના વધી ગયેલા ભાવે લોકોને રડાવ્યા બાદ રાહતના સમાચાર છે. નવી મુંબઈની હોલસેલ બજારમાં આ શાકભાજીની ભારે આવક શરૂ થતાં ભાવમાં નોંધપાત્ર ઘટાડો થયો છે. ૪૦થી ૫૦ રૂપિયે કિલો મળતાં શાકભાજી હોલસેલ બજારમાં કિલોદીઠ ૮થી ૧૦ રૂપિયામાં મળવા લાગ્યાં છે.

નવી મુંબઈમાં આવેલી એપીએમસી હોલસેલ બજારમાં છેલ્લા કેટલાક દિવસથી લીલા શાકભાજીના ભાવ આસમાને પહોંચ્યા હતા. જોકે ગઈ કાલે શાકભાજીની ૬૨૫ ગાડીની આવક થતાં ભાવમાં ઘટાડો થયો હતો. ચોમાસાના વળતા વરસાદને લીધે ખેતીમાં નુકસાન થવાથી કેટલાક સમયથી શાકભાજીની આવક હોલસેલ બજારમાં ઘટી હતી. જોકે હવે આવક વધવાથી ભાવમાં ઘટાડો થયો છે.

લીલા શાકભાજીની આવક વધવાથી મંગળવારે જે કોબી અને ફ્લાવર ૪૦ રૂપિયે કિલો મળતાં હતાં એ ગઈ કાલે એના ભાવ ઘટીને ૧૦ રૂપિયા થઈ ગયા હતા. ભીંડો ૧૫ રૂપિયા કિલો, કોથમીરની ઝૂડીનો ભાવ મંગળવારે ૩૦ રૂપિયા હતો એ ગઈ કાલે ૮ રૂપિયામાં મળતી હતી.

એપીએમસી હોલસેલ બજારના શાકભાજીના વેપારીઓના જણાવ્યા મુજબ મંગળવાર સુધી લીલા શાકભાજીની આવક બહુ ઓછી હતી, પરંતુ ગઈ કાલે ૬૨૫ ગાડી શાકભાજી અચાનક આવી પહોંચતાં ભાવમાં જોરદાર કડાકો થયો હતો. આ હોલસેલના ભાવ છે. રીટેલ માર્કેટમાં ગ્રાહકોએ વધારે રૂપિયા ચૂકવવા પડી શકે છે.

બુધવારે શાકભાજીના ભાવ (કિલોદીઠ)

* ફણસી ૩૦થી ૪૦ રૂપિયા
* ફ્લાવર ૮થી ૧૦ રૂપિયા
* ગુવાર ૩૦થી ૪૦ રૂપિયા
* ગાજર ૨૦થી ૩૦ રૂપિયા
* ભીંડો ૧૦થી ૧૫ રૂપિયા
* કોબી ૮થી ૧૨ રૂપિયા
* મરચાં ૨૫થી ૩૫ રૂપિયા
* ટામેટાં ૧૫થી ૨૦ રૂપિયા
* કાકડી ૬થી ૧૦ રૂપિયા
* વટાણા ૨૬થી ૪૦ રૂપિયા
* રીંગણા ૨૦થી ૩૦ રૂપિયા
* કોથમીર ૮થી ૧૦ રૂપિયા ઝૂડી

19 November, 2020 08:45 AM IST | Mumbai | Mumbai Correspondent

અન્ય લેખો

મુંબઈ સમાચાર

નાયબ મુખ્ય મંત્રી અજિત પવારની પીઆર એજન્સી પર છ કરોડના ખર્ચાનો ઓર્ડર પાછો ખેંચાયો

રાજ્યના પ્રધાન નવાબ મલિકે આ મુદ્દે ભાજપ પર વળતો પ્રહાર કરતાં કહ્યું હતું કે, જે લોકો કથિત 6 કરોડ રૂપિયાના ખર્ચ તરફ આંગળી ચીંધે છે તેમણે અગાઉની સરકારમાં મુખ્ય પ્રધાન અને મંત્રીઓની જનસંપર્ક પ્રવૃત્તિઓ પર ખર્ચવામાં આવેલી રકમ તરફ ધ્યાન આપવું જોઈએ.

13 May, 2021 07:44 IST | Mumbai | Gujarati Mid-day Online Correspondent
મુંબઈ સમાચાર

Maharashtra : લૉકડાઉનના કડક નિયમોનું પાલન 1લી જૂન સુધી લંબાયુ

મહારાષ્ટ્ર સરકારે ગુરૂવારે લૉકડાઉન જેવા પ્રતિબંધો 1લી જૂન સુધી ચાલુ  રાખવાનો નિર્ણય લીધો છે. વાઇરસના ફેલાવાને અટકાવવા માટે સવારે સાત વાગ્યા સુધી બધું બંધ રખાશેનો નિર્ણય ચાલુ રખાયો છે.

13 May, 2021 01:11 IST | Mumbai | Gujarati Mid-day Online Correspondent
મુંબઈ સમાચાર

ડોમેસ્ટિક ગાર્મેન્ટ ઇન્ડસ્ટ્રીને મંજૂરી નહીં અપાય તો ખતમ થઈ જશે : સીએમએઆઇ

કોરોનાની બીજી બાદ ત્રીજી લહેર આવવાના ભય વચ્ચે કામકાજ ઠપ : ૭૭ ટકા મૅન્યુફૅક્ચરરો ૨૫ ટકા સ્ટાફ ઘટાડવાની ફિરાકમાં

13 May, 2021 09:07 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK