° °

આજનું ઇ-પેપર
Sunday, 20 June, 2021


દૂષિત પાણી પીવાને લીધે સોસાયટીના ૩૪ રહેવાસીઓ બીમારીના ભરડામાં

08 December, 2012 08:30 AM IST |

દૂષિત પાણી પીવાને લીધે સોસાયટીના ૩૪ રહેવાસીઓ બીમારીના ભરડામાં

દૂષિત પાણી પીવાને લીધે સોસાયટીના ૩૪ રહેવાસીઓ બીમારીના ભરડામાં



રોગનું ઘર : નાલાસોપારા (ઈસ્ટ)માં આવેલા સાંઈદર્શન બિલ્ડિંગમાં રહેતા આ બાળકને પણ ગઈ
કાલે દૂષિત પાણી પીવાથી ઊલટીઓ થઈ રહી હતી. તસવીર : હનીફ પટેલ



નાલાસોપારાની એક સોસાયટીના ૩૪ રહેવાસીઓ છેલ્લા ત્રણ દિવસથી ઊલટી-ઝાડા તેમ જ તાવની સમસ્યાથી હેરાન થઈ રહ્યા છે. સોસાયટીનું દૂષિત પાણી પીવાથી આ સમસ્યા થઈ છે એવું રહેવાસીઓનું કહેવું છે. જોકે મહાનગરપાલિકાના સત્તાવાળાઓ આ વિશે દુર્લક્ષ સેવીને હાથ ઉપર કરી રહ્યા છે. 

નાલાસોપારા (ઈસ્ટ)ના સંયુક્તનગરમાં ૧૫ વર્ષ જૂનું બે વિંગ ધરાવતું સાંઈદર્શન નામનું ૨૪ ફ્લૅટનું બિલ્ડિંગ છે. આ બિલ્ડિંગમાં ૧૨૦ રહેવાસીઓ રહે છે અને એમાં મોટા ભાગના ગુજરાતીઓ છે. છેલ્લા ત્રણ દિવસથી ઘણા લોકો ઊલટી-ઝાડા અને તાવથી પીડાઈ રહ્યા છે. આ એક જ અપાર્ટમેન્ટમાં રહેતા ૩૪ લોકોને એકસાથે આવી તકલીફ શરૂ થઈ હતી.

રહેવાસીઓ શું કહે છે?

અપાર્ટમેન્ટના ચૅરમૅન પ્રભાકર કુડાળકરે ‘મિડ-ડે’ને આ વિશે કહ્યું હતું કે ‘બુધવારે અપાર્ટમેન્ટની ટાંકીમાંથી જે પાણી આવ્યું એ બધા રહેવાસીઓના ઘરે ગયું હતું.

થોડી વાર બાદ રહેવાસીઓ

ઊલટી-ઝાડાની ફરિયાદ કરવા લાગ્યા હતા. એક પછી એક ફૅમિલી આ ફરિયાદ કરવા લાગી એટલે અમે પાણીની તપાસ કરી ત્યારે પાણી ખરાબ હોવાની ખબર પડી હતી. અમે તરત જ ટાંકી સાફ કરાવી નાખી હતી; પણ રહેવાસીઓને ઝાડા-ઊલટી શરૂ થઈ જતાં તેમની હાલત છેલ્લા ત્રણ દિવસથી ખરાબ છે. મારી ફૅમિલીમાંના પાંચ જણ બીમાર છે. છેલ્લા ત્રણ દિવસથી નાનાં બાળકોથી લઈને મોટા બધાની જ હાલત ખરાબ છે. અમે વસઈ-વિરાર મહાનગરપાલિકામાં આ વિશે ફરિયાદ કરી હતી, પણ તેમના તરફથી દુર્લક્ષ કરવામાં આવ્યું હતું. મહાનગરપાલિકાને વારંવાર ફરિયાદ કર્યા બાદ તેઓ આવીને તપાસ કરી ગયા હતા. તપાસ બાદ અધિકારીઓએ અમને કહ્યું કે પાણીની ટાંકીમાં કંઈ થયું નથી.’

અપાર્ટમેન્ટમાં રહેતાં જયશ્રી વૈષ્ણવે ‘મિડ-ડે’ને કહ્યું હતું કે ‘મારી બે દીકરી અને પતિ ઊલટી-ઝાડા અને તાવથી છેલ્લા ત્રણ દિવસથી પીડાઈ રહ્યાં છે. અમારા ફૅમિલી ડૉક્ટરે આવું દૂષિત પાણીથી થયું હોવાનું કહ્યું હતું. તેમણે ફક્ત મિનરલ વૉટર જ પીવાની અમને સલાહ આપી છે.’

સુધરાઈ શું કહે છે?

વસઈ-વિરાર મહાનગરપાલિકાના સાઇટ સુપરવાસઝર દીપક નાઈકે કહ્યું હતું કે ‘અમે જગ્યાની તપાસ કરી હતી, પણ અમને પાઇપલાઇનમાં કોઈ પણ પ્રકારનું લીકેજ કે બીજું કંઈ જોવા નથી મળ્યું. બિલ્ડિંગની પાણીની ટાંકીની પણ તપાસ કરી, પરંતુ  પાણીને કારણે આ સમસ્યા થઈ હોય એવું અમને નથી લાગતું. અમે વધુ તપાસ કરી રહ્યા છીએ.’

08 December, 2012 08:30 AM IST |

અન્ય લેખો

મુંબઈ સમાચાર

થાણેની હૉસ્પિટલના સ્ટાફને નોકરીમાંથી કાઢ્યા પછી આંદોલન બાદ પાછો લેવામાં આવ્યો

કોરોનાના કેસ ઓછા થતાં અને તેમની જરૂર ન જણાતાં તેમને શુક્રવારે નોકરી પરથી કાઢી મૂકવામાં આવ્યાં હતાં. તેમણે ગઈ કાલે હૉસ્પિટલની બહાર વિરોધ-પ્રદર્શન કર્યું હતું.

20 June, 2021 03:55 IST | Mumbai | Gujarati Mid-day Correspondent
મુંબઈ સમાચાર

મધ્ય પ્રદેશથી ગન વેચવા આવેલ યુવાન ક્રાઇમ બ્રાન્ચના ઘાટકોપર યુનિટના હાથમાં ઝડપાયો

ક્રાઇમ બ્રાન્ચે આ સંદર્ભે મુલુંડના નવઘર પોલીસ સ્ટેશનમાં ફરિયાદ કરી હતી. આર્મ્સ ઍક્ટ હેઠળ ગુનો નોંધીને કેસની વધુ તપાસ કરવામાં આવી રહી છે. 

20 June, 2021 03:39 IST | Mumbai | Gujarati Mid-day Correspondent
મુંબઈ સમાચાર

શિવસેના-બીજેપીના કાર્યકરો ફરી બાખડ્યા

પેટ્રોલ-પમ્પ પર વૈભવ નાઈક લોકોને પેટ્રોલ ખરીદવા માટે રૂપિયા વહેંચી રહ્યા હતા ત્યારે બીજેપીના કાર્યકરો આવી પહોંચ્યા હતા. તેમણે વિરોધ કરતાં બન્ને પક્ષના કાર્યકરો સૂત્રોચ્ચાર કરીને એકબીજાની સામસામે આવી ગયા હતા.

20 June, 2021 02:16 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK