Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > થાણે મહાનગરપાલિકાએ કોરોનાના નિયમોનો ભંગ કરનારા લેડીઝ બાર પર માર્યો છાપો

થાણે મહાનગરપાલિકાએ કોરોનાના નિયમોનો ભંગ કરનારા લેડીઝ બાર પર માર્યો છાપો

24 February, 2021 07:27 AM IST | Mumbai
Mid-day Correspondent

થાણે મહાનગરપાલિકાએ કોરોનાના નિયમોનો ભંગ કરનારા લેડીઝ બાર પર માર્યો છાપો

લેડીઝ બાર

લેડીઝ બાર


રાજ્યમાં કોરોનાના કેસ વધી રહ્યા છે ત્યારે કોરોનાના નિયમોનું પાલન કરવાનું ફરજિયાત કરવામાં આવ્યું છે. જોકે થાણેમાં એક ચોંકાવનારો બનાવ સામે આવ્યો હતો. થાણેમાં મોડી રાત્રે બાર ચાલુ હોવાથી પાલિકાએ બે લેડીઝ બાર સહિત પાંચ બાર વિરુદ્ધ કાર્યવાહી કરીને પાંચેય બારને સીલ કરી દીધા છે. મ્યુનિસિપલ કમિશનરે આ બારના માલિકો સામે ગુનો દાખલ કરવાનો પણ આદેશ આપ્યો છે.

કોરોનાવાઇરસના કેસ દિવસે ને દિવસે વધતા જતા હોવાથી થાણે પાલિકાએ જાહેર સ્થળો પર ભીડ ન કરવા વિશે મહત્ત્વની સૂચનાઓ આપી હતી. એને કારણે પાલિકાની ટીમે કાર્યવાહી કરી હતી. આ કાર્યવાહી અંતર્ગત નૌપાડા વૉર્ડ સમિતિ અને માજીવાડા અને માનપાડા વૉર્ડ સમિતિ અંતર્ગત બે લેડીઝ બાર સહિત કુલ પાંચ બાર પર દરોડા પાડવામાં આવ્યા હતા. વૉર્ડ સમિતિ અંતર્ગત કાપૂરબાવડી ખાતે સનસિટી લેડીઝ બાર સાથે હીરાનંદાની એસ્ટેટમાં ટીઆરપી લાઉન્જ, પૉપ ટેટ્સ અને મિઝોને લાઉન્જને પણ સીલ કરવામાં આવ્યા હતા. આ પાંચેય બાર મોડી રાત્રે ચાલુ હતા. આ બારમાં અને લાઉન્જમાં કોઈએ પણ માસ્ક પહેર્યા નહોતા. સોશ્યલ ડિસ્ટન્સિંગના નિયમોનું પણ ઉલ્લંઘન કરવામાં આવ્યું હતું.



મ્યુનિસિપલ કમિશનર વિપિન શર્માએ આદેશ આપ્યો હતો કે સામાજિક અંતર, સ્વચ્છતા અને માસ્કના ઉપયોગના નિયમોનું ઉલ્લંઘન કરે તો દુકાનો અને ઑફિસો સીલ કરી દેવી. તેમણે થાણેના ડેપ્યુટી કમિશનર અને સહાયક કમિશનરોને આ આદેશો લાગુ કરવા માટે સૂચના આપી હતી. એ સાથે સોમવારે રાતના દરોડામાં પોલીસ પ્રશાસનને પણ બારમાલિક વિરુદ્ધ ફરિયાદ નોંધીને બાર સીલ કરવાનો આદેશ આપ્યો છે.


Whatsapp-channel Whatsapp-channel

24 February, 2021 07:27 AM IST | Mumbai | Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK