° °

આજનું ઇ-પેપર
Sunday, 20 June, 2021


મુંબઈમાં સ્ટેશનો પર ભીડ નિયંત્રિત કરવા રેલવે ‘ફ્લૅપ’ ગેટ્સ ઊભા કરશે

25 July, 2020 07:23 AM IST | Mumbai | Rajendra B Aklekar

મુંબઈમાં સ્ટેશનો પર ભીડ નિયંત્રિત કરવા રેલવે ‘ફ્લૅપ’ ગેટ્સ ઊભા કરશે

સીએસએમટી સ્ટેશન પર ઓસીઆર સ્કૅનર પર ટિકિટનું સ્કૅનિંગ કરી રહેલા ટીસી.

સીએસએમટી સ્ટેશન પર ઓસીઆર સ્કૅનર પર ટિકિટનું સ્કૅનિંગ કરી રહેલા ટીસી.

સામાન્ય સમયમાં જે હાંસલ ન કરી શકાયું એ કોવિડ-19 મહામારી દરમિયાન શક્ય બની શકે છે. કોઈ પણ સમયે ઠાંસોઠાંસ ભીડથી ઊભરાતાં અને સામાન્યપણે સરળ પહોંચ ધરાવતાં મુંબઈનાં લોકલ સ્ટેશનોમાં હવે મેટ્રો જેવાં એક્સેસ કન્ટ્રોલ ફ્લૅપ એન્ટ્રી-એક્ઝિટ ગેટ્સ ઊભા કરવામાં આવશે અને એનો પ્રારંભ મુંબઈ સીએસએમટીથી કરવામાં આવશે.

આ માટે મુંબઈ સીએસએમટી પર શુક્રવારથી ટિકિટચેકર્સને ઑપ્ટિકલ કૅરૅક્ટર રેકગ્નિશન (ઓસીઆર) ટિકિટ સ્કૅનર્સ (ટેક્સ્ટ રીડર્સ) આપવામાં આવ્યાં છે જ્યાં ટીસી માત્ર ક્યુઆર કોડ નહીં બલકે તમામ પ્રકારની ટિકિટો સ્કૅન કરી શકે છે.

એક સિનિયર અધિકારીએ જણાવ્યું હતું કે ‘મુંબઈનાં સ્ટેશનો હંમેશાં ભીડભાડભર્યાં રહે છે અને પહોંચ પર નિયંત્રણ સમસ્યારૂપ છે. વર્ષોથી આરપીએફ દ્વારા એન્ટ્રી-એક્ઝિટ પૉઇન્ટ્સ ઊભાં કરવાના અને નંબર આપીને એમને મર્યાદિત કરવાના પ્રયાસો કરવામાં આવ્યા છે. પરંતુ હવે ફ્લૅપ ગેટ્સ આ હેતુ માટે અમને ઉપયોગી થઈ શકે છે. વર્તમાન સમયમાં ભીડ ઓછી હોય છે અને આ વ્યવસ્થાને પૂર્ણપણે કાર્યરત કરવા માટે એને અજમાવી જોવાનો અવકાશ હોવાથી અત્યારે અમે આ પ્રક્રિયા હાથ ધરી શકીએ છીએ. ઓસીઆર ટિકિટ રીડર્સ આમાં મદદ કરશે. ચેક-ઇન માસ્ટર તરીકે ઓળખાતી એક મોબાઇલ ઍપ ટિકિટચેકિંગ સ્ટાફને આપવામાં આવી છે અને તેઓ કોઈ પણ ભય વિના તેમની ફરજ બજાવી શકે છે, કારણ કે તમામ પ્રકારની ટિકિટોને સલામત અંતરેથી તપાસી શકાય છે. આ ઉપરાંત પૅસેન્જરોના સ્ક્રીનિંગ માટે હૅન્ડ-હેલ્ડ થર્મલ ગન અને નેકબૅન્ડ્સ સાથેની પોર્ટેબલ પબ્લિક ઍડ્રેસ સિસ્ટમ પણ પૂરી પાડવામાં આવશે.’

25 July, 2020 07:23 AM IST | Mumbai | Rajendra B Aklekar

અન્ય લેખો

મુંબઈ સમાચાર

થાણેની હૉસ્પિટલના સ્ટાફને નોકરીમાંથી કાઢ્યા પછી આંદોલન બાદ પાછો લેવામાં આવ્યો

કોરોનાના કેસ ઓછા થતાં અને તેમની જરૂર ન જણાતાં તેમને શુક્રવારે નોકરી પરથી કાઢી મૂકવામાં આવ્યાં હતાં. તેમણે ગઈ કાલે હૉસ્પિટલની બહાર વિરોધ-પ્રદર્શન કર્યું હતું.

20 June, 2021 03:55 IST | Mumbai | Gujarati Mid-day Correspondent
મુંબઈ સમાચાર

મધ્ય પ્રદેશથી ગન વેચવા આવેલ યુવાન ક્રાઇમ બ્રાન્ચના ઘાટકોપર યુનિટના હાથમાં ઝડપાયો

ક્રાઇમ બ્રાન્ચે આ સંદર્ભે મુલુંડના નવઘર પોલીસ સ્ટેશનમાં ફરિયાદ કરી હતી. આર્મ્સ ઍક્ટ હેઠળ ગુનો નોંધીને કેસની વધુ તપાસ કરવામાં આવી રહી છે. 

20 June, 2021 03:39 IST | Mumbai | Gujarati Mid-day Correspondent
મુંબઈ સમાચાર

શિવસેના-બીજેપીના કાર્યકરો ફરી બાખડ્યા

પેટ્રોલ-પમ્પ પર વૈભવ નાઈક લોકોને પેટ્રોલ ખરીદવા માટે રૂપિયા વહેંચી રહ્યા હતા ત્યારે બીજેપીના કાર્યકરો આવી પહોંચ્યા હતા. તેમણે વિરોધ કરતાં બન્ને પક્ષના કાર્યકરો સૂત્રોચ્ચાર કરીને એકબીજાની સામસામે આવી ગયા હતા.

20 June, 2021 02:16 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK