° °

આજનું ઇ-પેપર
Wednesday, 01 December, 2021


વસઈમાં અઠવાડિયામાં વધુ એક કપલના સુસાઇડથી ખળભળાટ

22 November, 2020 07:33 AM IST | Mumbai | Mumbai Correspondent

વસઈમાં અઠવાડિયામાં વધુ એક કપલના સુસાઇડથી ખળભળાટ

વસઈના જ્યોતિ અને રાહુલ ચવાણના મૃતદેહ મળ્યા.

વસઈના જ્યોતિ અને રાહુલ ચવાણના મૃતદેહ મળ્યા.

વસઈમાં એક અઠવાડિયામાં બીજા કપલે આત્મહત્યા કરવાની ઘટના સામે આવતાં ખળભળાટ મચી ગયો છે. અહીંના ભોયદાપાડા પરિસરમાં ભોજનમાં ઝેર નાખીને પતિ-પત્નીએ જીવન ટૂંકાવ્યા બાદ શુક્રવારે રાત્રે વસઈના એવરશાઈન નગરના સૅક્ટર-૪ની હાઈ પ્રોફાઈલ સોસાયટીમાં પતિ-પત્નીના મૃતદેહ મળી આવ્યા હતા. પત્નીનો મૃતદેહ બૅડ પર તો પતિનો ગળાફાંસો ખાધેલી હાલતમાં મળ્યો હોવાનું પોલીસે જણાવ્યું હતું.

તુળીંજ પોલીસના જણાવ્યા મુજબ શુક્રવારે મોડી રાત્રે પતિ-પત્નીના મૃતદેહ ઘરમાં હોવાની જાણ થયા બાદ પોલીસની ટીમે ઘટનાસ્થળે પહોંચીને તપાસ કરી હતી. ૨૩ વર્ષની જ્યોતિ રાહુલ ચવાણનો મૃતદેહ બૅડ પર પડેલો હતો, જ્યારે તેના ૨૮ વર્ષના પતિ રાહુલની ડેડ બોડી ઘરની છતના હૂક સાથે દોરીથી બનાવાયેલા ગળાફાંસો સાથે લટકતી હાથ લાગી હતી. બન્ને મૃતદેહને તાબામાં લઈને પોસ્ટમૉર્ટમ માટે મોકલી દેવાયા હતા.

પ્રાથમિક તપાસમાં પોલીસે આશંકા વ્યક્ત કરી હતી કે રાહુલે પહેલા પત્નીની હત્યા કરી હશે અને બાદમાં પોતે ગળાફાંસો ખાઈ લીધો હશે. જોકે તેનું મૃત્યુ કેવી રીતે થયું છે તે તો પોસ્ટમૉર્ટમનો રિપોર્ટ આવ્યા બાદ જ જાણી શકાશે.

પોલીસે આપેલી માહિતી મુજબ વસઈ (પૂર્વ)ના એવરશાઈન સિટી સૅક્ટર-૪માં આવેલી એક્યુરિયસ નામની સોસાયટીમાં ચવાણ યુગલ રહેતું હતું. શુક્રવારે રાત્રે મોડે સુધી તેના ઘરની લાઈટ બંધ હોવાથી એ જ સોસાયટીમાં રહેતા ચવાણના સંબંધીઓને શંકા જતા પોલીસને બોલાવી હતી. દરવાજો અંદરથી બંધ હોવાથી એ તોડ‌ીને પોલીસે પ્રવેશ કર્યો હતો ત્યારે બન્નેના મૃતદેહ મળી આવ્યા હતા.

પોલીસની તપાસમાં જણાયું હતું કે રાહુલ ચવાણ મેટ્રોમાં અંધેરી ખાતે સિક્યૉરિટી ગાર્ડની જોબ કરતો હતો. તેણે શા માટે આ પગલું ભર્યું હતું એ જાણવા તુળીંજ પોલીસ સ્ટેશનની ટીમ કામે લાગી છે.

22 November, 2020 07:33 AM IST | Mumbai | Mumbai Correspondent

અન્ય લેખો

મુંબઈ સમાચાર

Omicron: હેં..! જોખમ વાળા દેશોમાંથી મહારાષ્ટ્ર આવેલા 6 યાત્રીઓ કોરોના પોઝિટિવ

કોરોનાથી સંક્રમિત 6 લોકોમાંથી ત્રણ લોકો મુંબઈના કલ્યાણ, ડોંબિવલી અને મીરા ભાયંદર વિસ્તારના હોવાનું જાણવા મળ્યું છે.

01 December, 2021 12:28 IST | mumbai | Gujarati Mid-day Online Correspondent
મુંબઈ સમાચાર

સિલિન્ડર બ્લાસ્ટમાં ચાર મહિનાના બાળક સહિત ચાર જણ દાઝી ગયા

સવારે ૭ વાગ્યે ગૅસનું સિલિન્ડર ફાટ્યું હતું ત્યારે બધા સૂતા હતા એટલે આગથી બચવા માટે તેઓ ઝડપથી ઘરની બહાર દોડી ન શકતાં સખત દાઝી ગયા હોવાનું જાણવા મળ્યું હતું. 

01 December, 2021 11:55 IST | Mumbai | Gujarati Mid-day Correspondent
મુંબઈ સમાચાર

મુંબઈમાં આજે ભારે વરસાદની આગાહી, હવામાન વિભાગે યલો એલર્ટ કર્યુ જાહેર

હવામાન વિભાગે મુંબઈ શહેરમાં આજે ભારે વરસાદ પડવાની આગાહી કરી છે.

01 December, 2021 11:38 IST | mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK