° °

આજનું ઇ-પેપર
Friday, 16 April, 2021

મુંબઇના મૉલ્સ અને મલ્ટીપ્લેક્સ 24x7 ચાલુ રહેશે

22 January, 2020 06:34 PM IST | Mumbai | Dharmendra Jore

મુંબઇના મૉલ્સ અને મલ્ટીપ્લેક્સ 24x7 ચાલુ રહેશે

પ્રતિકાત્મક તસવીર

પ્રતિકાત્મક તસવીર

મુંબઇ હવે 27 જાન્યુઆરીથી નાઇટલાઇફનો લ્હાવો ઇચ્છે ત્યાં સુધી માણી શકશે જો કે શરાબનાં શોખીનોને રાત્રે 1.30 પછી આલ્કોહોલ નહીં મળે. આદિત્ય ઠાકરેનાં મુંબઇ 24 પ્રોજેક્ટને  કેબિનેટે મંજુરી આપી છે જે અંતર્ગત 27મી જાન્યુઆરીથી મૉલ્સ અને મલ્ટીપ્લેક્સીઝ 24x7 ચાલુ રહેશે પણ જે રેસ્ટોરન્ટ્સ કે પબ આલ્કોહોલ વેચતા હશે તે દોઢ વાગ્યા સુધી જ ચાલુ રહી શકશે.

મહારાષ્ટ્રની કેબિનેટે મુંબઇ 24ના પાઇલોટ પ્રોજેક્ટ  પર મંજુરીની મહોર મારી દીધી છે. ટુરિઝમ મિનિસ્ટર આદિત્ય ઠાકરેએ આ પ્રોજેક્ટની રજૂઆત બુધવારે કરી હતી. આ પાઇલોટ પ્રોજેક્ટ બંધ એટલે કે ગેટેડ પ્રિમાઇસ અને વ્યવસાઇ વિસ્તારો જેમ કે ફોર્ટ, વર્લી, બીકેસી જેવા વિસ્તારોમાં લાગુ કરાશે જ્યાં રહેણાક વિસ્તારનું પ્રમાણ ઘણું ઓછું છે. સિટી પોલીસ અને પોલીસ કમિશનર્સ મળીને નિર્ણય કરશે કે શહેરનાં કયા બિઝનેસ એરિયાઝ અને મિલ્સની જમીનો પર નાઇટ લાઇફની પરવાનગી આપવી. આદિત્ય ઠાકરે અને હોમ મિનીસ્ટર અનિલ દેશમુખે મહા વિકાસ અઘાડી સરકારની સાપ્તાહિક કેબિનેટ બેઠક પછી આ અંગે જાહેરાત કરી હતી. ઠાકરેએ જણાવ્યું કે આ યોજના રોજગારીની તકો ખડી કરશે અને એકવાર મુંબઇમાં પાઇલોટ સફળતાથી પાર પડશે પછી બીજા વિસ્તારોમાં પણ લાગુ કરી શકાશે.

દેશમુખ શરૂઆતમાં આ પ્રોજેક્ટ અંગે કચવાતા હતા પણ બાદમાં તેની મર્યાદા નિયત થઇ હોવાનું જાણ્યું પછી તેમણે આ પ્રોજેક્ટને ટેકો આપતા કહ્યું કે આમ હશે તો પોલીસની જવાબદારી વધી નહીં જાય. વળી કાયદો અને વ્યવસ્થા જાળવવા માટે  નાઇટલાઇફનાં આ પ્રોગ્રામમાં શરાબનાં વેચાણ પર પ્રતિબંધ મુકાયો છે. જ્યાં આલ્કોહોલ વેચાય છે તે સ્થળો રાત્રે 1.30 પછી ખુલ્લા નહીં રહી શકે.

વિરોધ પક્ષે આ પગલાનો વિરોધ કરીને કહ્યું હતુ કે બાળકબુદ્ધી ધરાવતા એક નેતાને કારણે આ નિર્ણય લેવાયો છે. અપર હાઉસનાં વિરોધ પક્ષનાં નેતા પ્રવીણ દારેકરે કહ્યું કે આ યોજનાને પગલે નહીં ધારેલી સમસ્યાઓ ખડી થશે.

22 January, 2020 06:34 PM IST | Mumbai | Dharmendra Jore

અન્ય લેખો

મુંબઈ સમાચાર

મુંબઈ: બ્રેક ધ ચેઇન ઇફેક્ટ : રસ્તાઓ પર બહુ જ પાંખી અવરજવર

કોરોનાને રોકવા સરકાર દ્વારા કડક પ્રતિબંધ લગાડવામાં આવ્યા હોવાથી ફરી એક વાર મુંબઈગરાનું જીવન સ્થગિત થઈ ગયું છે અને એ દેખાઈ રહ્યું છે. ટ્રેનોમાં માત્ર અત્યાવશ્યક સેવા, સરકારી કર્મચારીઓ અને બહુ જ જરૂરી કામ હોય તો જ લોકો પ્રવાસ કરે છે. રસ્તાઓ પણ ખાલીખમ

16 April, 2021 12:33 IST | Mumbai | Bakulesh Trivedi
મુંબઈ સમાચાર

કોરોનાનો ખોટો નેગેટિવ રિપોર્ટ બનાવવાના આરોપસર લૅબના ટેક્નિશ્યનની થઈ ધરપકડ

લોકો પાસેથી રિપોર્ટદીઠ ૧૦૦૦ રૂપિયા લઈને કોઈ પણ જાતની ટેસ્ટ વિના મોબાઇલ પર મોકલી આપતો

16 April, 2021 12:50 IST | Mumbai | Gujarati Mid-day Correspondent
મુંબઈ સમાચાર

પોલીસ સાથે ગેરવર્તન કરવાના અને અપશબ્દ બોલવાના આરોપસર મુલુંડના વેપારીની ધરપકડ

પોતાની ફરજ બજાવી રહેલા ટ્રાફિક પોલીસના અધિકારીઓ સાથે ગેરવર્તન કરવા બદલ મુલુંડ પોલીસે એક વેપારીની ધરપકડ કરી છે.

16 April, 2021 12:30 IST | Mumbai | Mehul Jethva

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK