° °

આજનું ઇ-પેપર
Wednesday, 14 April, 2021

મુંબઈ: બઘીરાને શોધવા વન વિભાગે કૅમેરા ગોઠવ્યા

15 July, 2020 07:26 AM IST | Mumbai | Ranjeet Jadhav

મુંબઈ: બઘીરાને શોધવા વન વિભાગે કૅમેરા ગોઠવ્યા

રત્નાગિરિના કૂવામાંથી બચાવાયેલો કાળા રંગનો દીપડો

રત્નાગિરિના કૂવામાંથી બચાવાયેલો કાળા રંગનો દીપડો

કોંકણના રત્નાગિરિ જિલ્લામાં ફરી રહેલા દુર્લભ કાળા દીપડાનો વિડિયો સોશ્યલ મીડિયા પર વાઇરલ થયો એના ગણતરીના સમયમાં જ વન વિભાગે દીપડાની તસવીરો મેળવવા માટે કૅમેરા ટ્રૅપ્સ ગોઠવી દીધાં છે.

રત્નાગિરિના સંગમેશ્વર તાલુકાના કોંડિવારે ગામના સ્થાનિકોએ થોડા દિવસ અગાઉ ગામ નજીકના વન પ્રદેશ નજીક આ સુંદર પ્રાણીને જોયું હતું. તક ઝડપી લઈને એક ગામવાસીએ દીપડાનો વિડિયો ઉતારી લીધો હતો, જે ટૂંક સમયમાં જ સોશ્યલ મીડિયા પર વાઇરલ થઈ ગયો હતો, જેને વન્ય જીવપ્રેમીઓનો ઉત્તેજનાસભર પ્રતિસાદ સાંપડ્યો છે.

વન વિભાગે વિડિયોની નોંધ લઈને કાળા દીપડાની તસવીરો લેવા માટે આ પ્રદેશમાં કૅમેરા ગોઠવ્યા છે. કોલ્હાપુરના ચીફ કન્ઝર્વેટર ઑફ ફૉરેસ્ટ વી. ક્લેમેન્ટ બેને ‘મિડ-ડે’ને જણાવ્યું હતું કે અમે આ વિસ્તારમાં દેખાયેલા કાળા દીપડાની તસવીરો મેળવવા કોંડિવારે ગામમાં બે કૅમેરા ટ્રૅપ ગોઠવ્યાં છે.

આ પ્રદેશના કેટલાક સ્થાનિકોએ પણ ‘મિડ-ડે’ને જણાવ્યું હતું કે ‘૨૦૧૩માં કેટલાક ગ્રામજનોએ વન વિભાગને કાળો દીપડો જોયાની માહિતી આપી હતી, પરંતુ તેમના દાવાને ગંભીરતાથી લેવાયા ન હતા, કારણ કે તેમની પાસે કોઈ ફોટોગ્રાફિક પુરાવો ન હતો. આ વિસ્તારમાં છેલ્લે ડિસેમ્બર ૨૦૧૩માં કાળા દીપડાનો ફોટોગ્રાફિક પુરાવો મળ્યો હતો. એ સમયે રત્નાગિરિ જિલ્લાના રાજાપુર નજીકના ગામના રહેવાસીઓએ આ પ્રાણીને કૂવામાં ફસાઈ ગયેલું જોયું હતું અને અધિકારીઓએ એને બચાવી લીધું હતું.’

કાળો દીપડો કોને કહેવાય?

ઘેરા રંગના દીપડાને કાળો દીપડો (બ્લૅક પૅન્થર કે બ્લૅક લેપર્ડ) કહેવામાં આવે છે. આ દીપડા પશ્ચિમ ઘાટ અને ઉત્તર-પૂર્વ ભારતનાં જંગલોમાં જોવા મળે છે. તેમના શરીરમાં મેલૅનિનનું પ્રમાણ વધુ હોવાને કારણે તેમનો રંગ કાળો હોય છે. તેમની રૂંવાટીનો રંગ વાદળી, કાળો, રાખોડી અને જાંબુડિયા રંગનું મિશ્રણ હોય છે.

15 July, 2020 07:26 AM IST | Mumbai | Ranjeet Jadhav

અન્ય લેખો

મુંબઈ સમાચાર

મહારાષ્ટ્ર CM: 15 દિવસ માટે રાજ્યમાં 144ની કલમ લાગુ કરાઇ

બ્રેક ધ ચેઇન અભિયાનની શરૂઆત મહારાષ્ટ્રમાં આવતીકાલે રાતે આઠ વાગ્યાથી થશે. આવતી કાલથી એટલે કે બુધવારે રાત્રે, જરૂરી સેવાઓ સિવાય બધું બંધ રહેશે. રાજ્યમાં આગામી 15 દિવસ માટે કલમ 144 લાગુ કરવામાં આવી છે

13 April, 2021 09:53 IST | Mumbai | Gujarati Mid-day Online Correspondent
મુંબઈ સમાચાર

Chaitra Navratri 2021: આજે નવરાત્રિ અને ગુડી પાડવાના દિવસે કરો આ કામ

માતા શક્તિની ઉપાસનાનો તહેવાર મંગળવાર એટલેકે આજથી શરૂ થઈ રહ્યો છે. આ મહાપર્વને લઈને મંદિરોમાં ઉત્તેજનાનું વાતાવરણ સર્જાયું છે. ઘર-ઘરમાં ચૈત્ર નવરાત્રીના પહેલા દિવસે કળશ સ્થાપનાની તૈયારીઓ પણ ચાલી રહી છે.

13 April, 2021 01:40 IST | Mumbai | Gujarati Mid-day Online Correspondent
મુંબઈ સમાચાર

લૉકડાઉનના ભય વચ્ચે ખરીદી માટે થઈ પડાપડી

કરિયાણું, શાકભાજી અતિઆવશ્યક સેવામાં હોવા છતાં વીક-એન્ડ લૉકડાઉન સોમવારે પૂરું થતાં જ લોકો સંપૂર્ણ સેકન્ડ લૉકડાઉનના ડરે ઘરમાં જોઈતી વસ્તુઓનો સ્ટૉક કરવા નીકળી પડ્યા

13 April, 2021 02:04 IST | Mumbai | Priti Khuman Thakur

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK