° °

આજનું ઇ-પેપર
Wednesday, 12 May, 2021


પોલીસ સાથે ગેરવર્તન કરવાના અને અપશબ્દ બોલવાના આરોપસર મુલુંડના વેપારીની ધરપકડ

16 April, 2021 12:30 PM IST | Mumbai | Mehul Jethva

પોતાની ફરજ બજાવી રહેલા ટ્રાફિક પોલીસના અધિકારીઓ સાથે ગેરવર્તન કરવા બદલ મુલુંડ પોલીસે એક વેપારીની ધરપકડ કરી છે.

પોલીસ સાથે ગેરવર્તન કરવાના આરોપસર કસ્ટડીમાં જતીન સત્રા.

પોલીસ સાથે ગેરવર્તન કરવાના આરોપસર કસ્ટડીમાં જતીન સત્રા.

પોતાની ફરજ બજાવી રહેલા ટ્રાફિક પોલીસના અધિકારીઓ સાથે ગેરવર્તન કરવા બદલ મુલુંડ પોલીસે એક વેપારીની ધરપકડ કરી છે. ગઈ કાલે માર્કેટમાં ગેરકાયદે પાર્ક કરેલાં વાહનો પર કાર્યવાહી કરતા ટ્રાફિક અધિકારીઓને જોઈ વેપારીએ તેઓને ગાળો આપવાનું અને ગેરવર્તન કરવાનું શરૂ કરી દીધું હતું, જેનો વિડિયો અધિકારીઓએ ઉતારી લીધો હતો અને એ વિડિયો સિનિયર અધિકારીઓ સુધી ગયો હતો જેઓએ તરત જ વેપારીની સરકારી કામોમાં બાધા નાખવાના આરોપસર ધરપકડ કરવાનો આદેશ આપ્યો હતો.

પોલીસના જણાવ્યા અનુસાર ‘ગઈ કાલે મુલુંડ-વેસ્ટમાં આરઆરટી રોડ પર મોટા પ્રમાણમાં ટ્રાફિક જૅમ થતાં મુલુંડ ટ્રાફિક વિભાગના પોલીસ અધિકારી જ્ઞાનેશ્વર વાઘ ટ્રાફિકની સમસ્યાને હળવી કરવા ગયા હતા. એ દરમ્યાન હસ્તકલા દુકાનની બહાર ગેરકાયદે પાર્ક કરેલા વાહનને જોતાં એ વાહન પર કાર્યવાહી કરવા ફોટો પાડ્યો હતો. એ દરમ્યાન ત્યાં ઊભેલા વાહનમાલિક જતીન સત્રાએ કૉન્સ્ટેબલ સાથે કથિત રીતે ગેરવર્તન કરવાનું શરૂ કરી દીધું હતું. એ ઉપરાંત અપશબ્દ કહી તેઓનું અપમાન કર્યું હતું, જેનો વિડિયો જ્ઞાનેશ્વરે ઉતારીને સિનિયર અધિકારીઓને મોકલી આપ્યો હતો.’ 

આ સંબંધી મુલુંડ ટ્રાફિક વિભાગના પોલીસ ઇન્સ્પેક્ટર જ્ઞાનેશ્વર લાંડશેએ ‘મિડ-ડે’ને કહ્યું હતું કે ‘આરોપીએ અમારા અધિકારીને અપશબ્દ કહ્યા અને ગેરવર્તન કર્યું હતું. અમારાં કામોમાં અડચણ નિર્માણ કરી હતી, જેની ફરિયાદ અમે મુલુંડ પોલીસ સ્ટેશનમાં નોંધાવી છે.’

આ સંબંધી આરોપીના ભાઈ હિતેશ સત્રા સાથે ‘મિડ-ડે’એ વાત કરવાની કોશિશ કરતાં તેમણે કાલે ફોન કરવા કહ્યું હતું.

16 April, 2021 12:30 PM IST | Mumbai | Mehul Jethva

અન્ય લેખો

મુંબઈ સમાચાર

હાશ! પૅનિક ઘટશે

૧૮થી ૪૪ વયજૂથનાઓને વૅક્સિનેશન આપવાનું હાલ મોકૂફ રાખવાના મહારાષ્ટ્ર સરકારના નિર્ણયની આ છે પૉઝિટિવ સાઇડ ઇફેક્ટ

12 May, 2021 07:30 IST | Mumbai | Somita Pal
મુંબઈ સમાચાર

મહારાષ્ટ્રમાં લૉકડાઉન નક્કી, બુધવારે કેબિનેટ મીટિંગમાં લેવાશે અંતિમ નિર્ણય

જો લૉકડાઉન લંબાવવામાં આવ્યું તો મેના અંત સુધી આ લાગૂ રહી શકે છે

11 May, 2021 05:00 IST | Mumbai | Gujarati Mid-day Online Correspondent
મુંબઈ સમાચાર

Maharashtra: વેક્સિનની અછતને કારણે 18-44ની વયના લોકોનું રસીકરણ સ્થગિત-રાજેશ ટોપે

મહારાષ્ટ્રમાં વેક્સીનની અછતને જોતાં આગામી સમયમાં આ વાતની શક્યતા દર્શાવવામાં આવી છે કે 18થી 44 વર્ષના લોકો માટે વેક્સીનેશનની પ્રક્રિયાને અમુક સમય માટે અટકાવી દેવામાં આવે.

11 May, 2021 04:34 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK