મુંબઈ ક્રાઈમ બ્રાન્ચના એન્ટી-એક્સ્ટોર્શન સેલે ખંડણીના કેસમાં ગેંગસ્ટર છોટા શકીલના ભાઈ અનવર અને અન્ય બે વિરુદ્ધ કેસ નોંધ્યો છે.
પ્રતીકાત્મક તસવીર
મુંબઈ ક્રાઈમ બ્રાન્ચના એન્ટી-એક્સ્ટોર્શન સેલે ખંડણીના કેસમાં ગેંગસ્ટર છોટા શકીલના ભાઈ અનવર અને અન્ય બે વિરુદ્ધ કેસ નોંધ્યો છે. અનવર, જે હાલમાં ભારતમાં નથી, તેણે કથિત રીતે ઓશિવારામાં એક બિલ્ડરને ફોન કર્યો હતો અને ધમકી આપી હતી.
આ કેસમાં અનવર ઉપરાંત અન્ય બે લોકોની પણ ક્રાઈમ બ્રાન્ચે ધરપકડ કરી છે. ધરપકડ કરાયેલા લોકોની ઓળખ અરબાઝ શેખ અને રાજુ ઉર્ફે કામરાન તરીકે થઈ છે. રવિવારે તેને 17 ઓગસ્ટ સુધી રિમાન્ડ પર મોકલવામાં આવ્યો છે. આ મામલે વધુ તપાસ હજુ ચાલુ છે.
ADVERTISEMENT
એક ખંડણી વિરોધી સેલના અધિકારીએ જણાવ્યું હતું કે, ઓશિવારાનો એક વિસ્તાર 2016 થી પુનર્વિકાસ હેઠળ છે. શેખનો દાવો છે કે આ વિસ્તારમાં તેમના અને તેમના સંબંધીઓના છ મકાનો છે. જો કે, ઉપલબ્ધ દસ્તાવેજો મુજબ, તેની પાસે માત્ર એક જ મકાન છે, જેના કારણે બિલ્ડર અને શેખ વચ્ચે વિવાદ થયો હતો.
નોંધપાત્ર બાબત એ છે કે પરમબીર સિંહ કેસની તપાસ કરતી એસઆઈટીને અંડરવર્લ્ડ ડોન દાઉદ ઈબ્રાહિમનો જમણો હાથ ગણાતો છોટા શકીલનો ઓડિયો મળ્યો છે, જેમાં તે એક બિલ્ડરને ધમકી આપી રહ્યો છે. મુંબઈ ક્રાઈમ બ્રાંચના જણાવ્યા અનુસાર, આ ઓડિયો સામે આવ્યા બાદ અનવર સામે કેસ નોંધવામાં આવ્યો છે.