Mumbai Corona Update: શહેરમાં નોંધાયા 1,310 નવા દર્દીઓ, એક્ટિવ કેસ 14 હજારને પાર

શહેરમાં કુલ 9,949 પરીક્ષણો કરવામાં આવ્યા હતા

પ્રતીકાત્મક તસવીર

સોમવારે, મુંબઈ શહેરમાં 1,310 નવા કોવિડ-19 કેસ નોંધાયા છે, જે અગાઉના દિવસની તુલનામાં કેસોની સંખ્યામાં લગભગ 777 ઘટાડો થયો છે. BMCના ન્યૂઝ બુલેટિન મુજબ, 20 જૂને કોવિડ-19 સંબંધિત બે મૃત્યુ પણ નોંધાયા હતા.

BMC વિસ્તારમાં રિકવરી રેટ 97 ટકા છે. 13 અને 19 જૂન વચ્ચેના સમયગાળા માટે મુંબઈમાં કોવિડ-19 કોરોનાનો વૃદ્ધિ દર 0.181 ટકા છે અને કેસ બમણા થવાનો દર 374 દિવસ છે, એમ BMC બુલેટિનમાં જણાવાયું છે.

ADVERTISEMENT

શહેરમાં કુલ 9,949 પરીક્ષણો કરવામાં આવ્યા હતા, જેથી કુલ ટેસ્ટની સંખ્યા 173,97,766 થઈ ગઈ હતી.

1,310 નવા દર્દીઓમાંથી 1,213 એસિમ્પ્ટોમેટિક છે અને 97 દર્દીઓને હોસ્પિટલમાં દાખલ કરવામાં આવ્યા છે. બુલેટિનમાં જણાવાયું છે કે 97 દર્દીઓમાંથી 12 દર્દીઓ ઓક્સિજન સપોર્ટ પર છે.

મહારાષ્ટ્રમાં 2,345 નવા કોવિડ-19 કેસ, બે મૃત્યુ

મહારાષ્ટ્રમાં 20 જૂને 2,345 નવા કોરોનાવાયરસ કેસ નોંધાયા હતા, જેમાં મુંબઈમાં 1,310 અને બે મૃત્યુનો સમાવેશ થાય છે, જેથી કુલ દર્દીઓનો આંકડો 79,38,103 અને મૃત્યુઆંક 1,47,888 થઈ ગયો હતો, એમ આરોગ્ય વિભાગે જણાવ્યું હતું. એક દિવસ પહેલા મહારાષ્ટ્રમાં 4,004 કેસ નોંધાયા હતા અને એક મૃત્યુ થયું હતું.

મહારાષ્ટ્રનો મૃત્યુ દર હવે 1.86 ટકા છે અને રિકવરી રેટ 97.83 ટકા છે.

આરોગ્ય બુલેટિનમાં જણાવ્યું હતું કે રાજ્યમાં સક્રિય કેસોની કુલ સંખ્યા 24,613 પર પહોંચી છે, જેમાં મુંબઈમાં 14,089નો સમાવેશ થાય છે, ત્યારબાદ થાણેમાં 5,522, પુણેમાં 2,007 અને રાયગઢમાં 1,052 કેસનો સમાવેશ થાય છે.