° °

આજનું ઇ-પેપર
Tuesday, 15 June, 2021


ફર્સ્ટ ડે, હૉરર શો

10 June, 2021 07:30 AM IST | Mumbai | Gujarati Mid-day Correspondent

મુંબઈ પહેલા જ વરસાદમાં ડૂબી ગઈ એવો ઘાટ સર્જાયો હતો. લૉકડાઉનનો લાભ લઈને બીએમસીએ નાળાસફાઈ વધુ સારી રીતે કરી હશે એવી આશા પર પહેલા વરસાદે પાણી ફેરવી દીધું હતું.

મુંબઈમાં ગઈ કાલે પડેલા વરસાદમાં દાદર ટીટીમાં ઘૂંટણ સમાં પાણી ભરાયાં હતાં અને હજી તો અનલૉક થયું નથી ત્યાં ફરી ગઈ કાલે મોટા ભાગની દુકાનો વેપારીઓએ બંધ રાખવી પડી હતી. સુરેશ કરકેરા

મુંબઈમાં ગઈ કાલે પડેલા વરસાદમાં દાદર ટીટીમાં ઘૂંટણ સમાં પાણી ભરાયાં હતાં અને હજી તો અનલૉક થયું નથી ત્યાં ફરી ગઈ કાલે મોટા ભાગની દુકાનો વેપારીઓએ બંધ રાખવી પડી હતી. સુરેશ કરકેરા

યસ, મુંબઈ પહેલા જ વરસાદમાં ડૂબી ગઈ એવો ઘાટ સર્જાયો હતો. લૉકડાઉનનો લાભ લઈને બીએમસીએ નાળાસફાઈ વધુ સારી રીતે કરી હશે એવી આશા પર પહેલા વરસાદે પાણી ફેરવી દીધું હતું. આમાં સૌથી વધુ મરો થયો વેપારીઓનો. મુંબઈને અનલૉક થયાને માંડ બે દિવસ થયા છે ત્યાં તો વરસાદ વિલન બનીને આવ્યો. ગઈ કાલના વરસાદમાં થયેલા આર્થિક નુકસાનની આ વેપારીઓને ચિંતા સતાવી રહી છે. મુંબઈના વરસાદે લાંબા સમય બાદ કામ પર જતા નોકરિયાત વર્ગને પણ છોડ્યો નહોતો. ટ્રેન બંધ હોવાથી બસ અને કાર જેવા વિકલ્પનો ઉપયોગ કરીને નોકરીએ જનારા લોકો રસ્તાઓ પર પાણી ભરાતાં ટ્રાફિક જૅમમાં ફસાઈ ગયા હતા. 

 વેપારીઓ તો દોઢ વર્ષથી ફક્ત સુધરાઈના નિયમોનું પાલન કરવા સિવાય કંઈ કરી શક્યા નથી, પરંતુ આશા એવી હતી કે લોકોની અવરજવર ઓછી હોવાથી નાળાસફાઈ પર ભાર અપાશે અને વરસાદમાં પાણી ઓછા પ્રમાણમાં ભરાશે. જોકે પહેલા જ વરસાદમાં પાણી ભરાઈ ગયાં. સુધરાઈના દાવાઓ તો પોકળ જ સાબિત થયા.
મનીષભાઈ કોઠારી, સાયનમાં કપડાની દુકાન

૫૦ એમએમ કે ૩૦ એમએમ?
મુંબઈમાં  સ્ટૉર્મવૉટર ડ્રેઇન એક કલાકમાં ૫૦ એમએમ વરસાદના પાણીનો નિકાલ કરવામાં સક્ષમ હોવાનું અત્યાર સુધીના બીએમસીના કમિશનરો કહેતા આવ્યા છે અને આપણે પણ એ માનતા આવ્યા છીએ, પણ ગઈ કાલે ઇકબાલ સિંહ ચહલે એની કૅપેસિટી ઘટાડીને ૩૦ એમએમ કરી દેતાં ભારે આશ્ચર્ય ફેલાયું હતું અને બીએમસીની કાર્યક્ષમતા સામે મોટું પ્રશ્નાર્થચિહ્નઆ મુકાયું હતું. એ ઉપરાંત સવાલ એ થયો કે શું અગાઉના કમિશનરો ખોટું બોલતા હતા કે હવે ક્ષમતા ઓછી થઈ ગઈ છે?

220.6 એમએમ વરસાદ ગઈ કાલે સાંજ સુધીમાં સાંતાક્રુઝમાં નોંધાયો હતો.

297 એમએમ વરસાદ ચેમ્બુરમાં પડ્યો હતો, જે મુંબઈમાં સૌથી વધુ હતો

9 કેન્દ્રો દ્વારા સતત પાણી ઉલેચવાની કામગીરી કરાઈ હતી

13 જગ્યાએ મુખ્યત્વે પાણી ભરાયાં હતાં

14 જગ્યાએથી શૉર્ટ-સર્કિટના કૉલ મળ્યા હતા

45.6 એમએમ વરસાદ ગઈ કાલે સાંજ સુધીમાં કોલાબામાં નોંધાયો હતો

32 જગ્યાએથી ઝાડ અને ડાળીઓ તૂટી પડવાની ફરિયાદ બીએમીસીને મળી હતી

197 પમ્પની મદદથી મુંબઈમાં ભરાયેલું પાણી કાઢવામાં આવ્યું હતું

6 જગ્યાએ સ્લૅબ તથા ભીંત તૂટી પડવાની ઘટનાઓ નોંધાઈ હતી

4.16 મીટર ઊંચાં મોજાં ગઈ કાલે ભરતી વખતે ઊછળ્યાં હતાં

10 June, 2021 07:30 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

Mumbai: આંતરરાષ્ટ્રીય ફ્લાઇટથી મુંબઇ આવનારા પ્રવાસીઓને મળી ક્વૉરન્ટાઇનમાં છૂટ

ઍર ઇન્ડિયા એક્સપ્રેસના એક ટ્વીટના માધ્યમે આ માહિતી આપવામાં આવી છે. ટ્વીટ પ્રમાણે આ પ્રવાસીઓને પોતાનું વૅક્સિન સર્ટિફિકેટ અને એક સેલ્ફ ડિક્લેરેશન ફૉર્મ બન્ને સાથે રાખવાના રહેશે અને માગવા પર બતાવવાના રહેશે.

15 June, 2021 12:55 IST | Mumbai | Gujarati Mid-day Online Correspondent
મુંબઈ સમાચાર

રાષ્ટ્રીય નીતિમાં ડોર-ટુ-ડોર કોરોના રસીકરણ કાર્યક્રમ સમાવિષ્ટ નથી : કેન્દ્ર

કેન્દ્ર સરકારે સોમવારે બૉમ્બે હાઈ કોર્ટને જણાવ્યું હતું કે રાષ્ટ્રીય માર્ગદર્શિકા અનુસાર વર્તમાન સમયમાં કોરોના સામે લોકોને રસી મુકાવવાના ડોર-ટુ-ડોર કાર્યક્રમની પરવાનગી નથી.

15 June, 2021 09:46 IST | Mumbai | Gujarati Mid-day Correspondent
મુંબઈ સમાચાર

કોવિડ સેન્ટરને ઑક્સિજન પૂરો પાડતાં ટૅન્કરની બૅટરી ચોરાઈ ગઈ

પ્રમોદ મહાજન કોવિડ સેન્ટરની બહાર ઊભા રાખેલા ઑક્સિજન ટૅન્કરની બૅટરી પોલીસની સુરક્ષા હોવા છતાં ચોરાઈ ગઈ હોવાનો બનાવ બહાર આવ્યો છે.

15 June, 2021 09:44 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK