બીજેપીના ભૂતપૂર્વ સંસદસભ્ય કિરીટ સોમૈયાનાં પત્ની મેધા સોમૈયાએ સોમવારે શિવસેનાના નેતા અને સંસદસભ્ય સંજય રાઉત સામે ૧૦૦ કરોડ રૂપિયાનો દાવો માંડ્યો છે.
સંજય રાઉત
મુંબઈ : બીજેપીના ભૂતપૂર્વ સંસદસભ્ય કિરીટ સોમૈયાનાં પત્ની મેધા સોમૈયાએ સોમવારે શિવસેનાના નેતા અને સંસદસભ્ય સંજય રાઉત સામે ૧૦૦ કરોડ રૂપિયાનો દાવો માંડ્યો છે. સંજય રાઉતે એવું સ્ટેટમેન્ટ આપ્યું હતું કે કિરીટ સોમૈયા અને તેમનાં પત્ની મેધા સોમૈયાએ ગેરરીતિઓ આચરીને ટૉઇલેટ સ્કૅમ કર્યું છે. મેધા સોમૈયાએ કહ્યું છે કે કોર્ટ સંજય રાઉતને આદેશ આપે કે તે અમને ૧૦૦ કરોડ રૂપિયા આપે અથવા ચીફ મિનિસ્ટર રિલીફ ફન્ડમાં એ રકમ જમા કરાવે. મેધા સોમૈયાએ કહ્યું હતું કે સંજય રાઉત વારંવાર તેમની અને તેમના પતિ કિરીટ સોમૈયાની ૧૦૦ કરોડના ટૉઇલેટ સ્કૅમમાં સંડોવણી હોવાનું કહેતા હતા.
મેધા સોમૈયાએ વધુમાં કહ્યું હતું કે હાઈ કોર્ટે સંજય રાઉતને વચગાળાની રાહત ન આપવી જોઈએ અને તેમને દંપતી સામે કમેન્ટ કરવા પર રોક લગાવવી જોઈએ.