° °

આજનું ઇ-પેપર
Monday, 26 September, 2022


હવે ચણાજોર ગરમ વેચતો ફેરિયો પણ બન્યો સાઇબર ફ્રૉડનો શિકાર

08 August, 2022 10:14 AM IST | Mumbai
Mehul Jethva | mehul.jethva@mid-day.com

સાઇબર ગઠિયાએ મલબાર હિલના આ ફેરિયાને ૨૦ કિલો ચણાનો ઑર્ડર આપ્યા પછી પેમેન્ટ માટે સ્કૅનિંગ કોડ મોકલ્યો જે સ્કૅન કરતાં તેના અકાઉન્ટમાંથી ૧૬,૨૦૦ રૂપિયા કપાઈ ગયા

પ્રતીકાત્મક તસવીર Cyber Crime

પ્રતીકાત્મક તસવીર

મલબાર હિલમાં રસ્તા પર ચણાજોર ગરમ વેચતા ફેરિયાને સાઇબર ગઠિયાએ ફોન કરીને ૨૦ કિલો ચણાનો ઑર્ડર આપ્યો હતો. એ પછી પેમેન્ટ માટે સ્કૅનિંગ કોડ મોકલ્યો હતો. એ સ્કૅન કરતાં ફેરિયાના અકાઉન્ટમાંથી ૧૬,૨૦૦ રૂપિયા કપાઈ ગયા હતા. એકાએક પૈસા કપાવાનો મેસેજ આવતાં તેણે તરત મલબાર હિલ પોલીસ સ્ટેશનમાં ફરિયાદ કરી હતી.

મલબાર હિલમાં રોડ પર ચણા વેચવાનો વ્યવસાય કરતા રવીન્દ્ર પાલને ગયા અઠવાડિયે રાહુલ નામના એક માણસનો ફોન આવ્યો હતો. તેણે પોતે ઇન્ડિયન આર્મીનો જવાન હોવાનું રવીન્દ્રને કહ્યું હતું. રાહુલે એકસાથે ૨૦ કિલો ચણાજોર ગરમ આર્મી અધિકારીઓ માટે જોઈતા હોવાનું રવીન્દ્રને કહ્યું હતું અને એ માલ કોલાબામાં આવેલી આર્મી ઑફિસમાં આપવા કહ્યું હતું. આટલો મોટો ઑર્ડર આવતાં ફરિયાદી ૩૧ જુલાઈએ કોલાબાની આર્મી ઑફિસ નજીક પહોંચ્યો હતો. એ દિવસે રવિવાર હોવાથી આર્મી ઑફિસ બંધ હતી એટલે તેણે તરત ઑર્ડર કરેલા નંબર પર ફોન કર્યો હતો. તેમણે રવીન્દ્રને કહ્યું હતું કે આજે ઑફિસ તો બંધ છે પણ અમારા મોટા અધિકારીનો નંબર આપું છું, તું તેમને ફોન કર, તેઓ તને પૈસા આપી દેશે. તેણે એમ કહેતાં ફરિયાદીએ બીજા નંબર પર ફોન કરતાં સામેવાળા માણસે સ્કૅનિંગ કોડ મોકલ્યો હતો. એ રવીન્દ્રએ સ્કૅન કરતાં થોડી વારમાં તેના અકાઉન્ટમાં રાખેલા ૧૬,૨૦૦ રૂપિયા કપાઈ ગયા હતા. મલબાર હિલ પોલીસ સ્ટેશનના તપાસ અધિકારીએ ‘મિડ-ડે’ને કહ્યું હતું કે ‘અમે ઘટનાની ફરિયાદ નોંધીને તપાસ હાથ ધરી છે. એ પૈસા કોના અકાઉન્ટમાં જમા થયા છે એની માહિતી અમે કાઢી રહ્યા છીએ.’

08 August, 2022 10:14 AM IST | Mumbai | Mehul Jethva

અન્ય લેખો

મુંબઈ સમાચાર

ભુલેશ્વરમાં ભરબપોરે થઈ આંગડિયાની ઑફિસમાંથી એક કરોડ રૂપિયાની ચોરી

બે આરોપીઓ બંધ ઑફિસનો દરવાજો તોડીને અંદર રાખેલી તિજોરીમાંથી કૅશ સાથે પલાયન થઈ ગયા : વી. પી. રોડ પોલીસે ફરિયાદ નોંધીને તપાસ હાથ ધરી

26 September, 2022 01:55 IST | Mumbai | Gujarati Mid-day Correspondent
મુંબઈ સમાચાર

મુંબઈના ત્રણને નોકરીની લાલચ આપીને મ્યાનમારમાં ગોંધી રખાયા

ત્રણ પૈકીના એકે મિત્રનો સંપર્ક કરતાં મિત્રએ પોલીસને ઘટનાની જાણ કરી હતી, જેને પગલે ક્રાઇમ બ્રાન્ચે અજાણી વ્યક્તિઓ વિરુદ્ધ એફઆઇઆર દાખલ કર્યો હતો

26 September, 2022 10:07 IST | Mumbai | Gujarati Mid-day Correspondent
મુંબઈ સમાચાર

પૌત્રી પાસે ભીખ મગાવવા બદલ ૮૨ વર્ષના વૃદ્ધ અને તેની પત્ની સામે ગુનો નોંધાયો

ડોમ્બિવલી રેલવે પોલીસના સિનિયર ઇન્સ્પેક્ટર મુકેશ ધાગેએ આપી માહિતી

26 September, 2022 10:02 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK