° °

આજનું ઇ-પેપર
Friday, 24 September, 2021


વરસાદમાં થાણેમાં બ્રિજ ધોવાઈ ગયો, મુમ્બ્રા બાયપાસ રોડને પણ નુકસાન

30 July, 2021 08:55 AM IST | Mumbai | Gujarati Mid-day Correspondent

થાણે અને એની નજીકના વિસ્તારોમાં ગયા સપ્તાહથી ભારે વરસાદ વરસી રહ્યો છે

મહારાષ્ટ્રમાં આવેલા પુર સમયે મહિલાને સલામત સ્થળે લઈ જતા એનડીઆરએફના જવાનોની ફાઈલ તસવીર (તસવીર સૌજન્યઃ એએફપી)

મહારાષ્ટ્રમાં આવેલા પુર સમયે મહિલાને સલામત સ્થળે લઈ જતા એનડીઆરએફના જવાનોની ફાઈલ તસવીર (તસવીર સૌજન્યઃ એએફપી)

મહારાષ્ટ્રના થાણે જિલ્લામાં વૈતરણા નદી પરનો બ્રિજ ભારે વરસાદને કારણે ધોવાઈ જતાં વાડા અને સહાપુર તાલુકાઓનો ટ્રાફિક ખોરવાઈ ગયો હોવાનું સરકારી અધિકારીઓએ ગુરુવારે જણાવ્યું હતું. બુધવારે સહાપુરના બેલવાડ ગામમાં બનેલી આ ઘટના બાદ થાણેના ગાર્ડિયન પ્રધાન એકનાથ શિંદે ઘટનાસ્થળે દોડી આવ્યા હતા અને અધિકારીઓને યુદ્ધના ધોરણે બ્રિજનું રિપેરિંગ હાથ ધરવાની સૂચના આપી હતી.

ભારે વરસાદને કારણે બુધવારે મધરાત બાદ જિલ્લાના મુમ્બ્રા બાયપાસ રોડને પણ ઘણું નુકસાન પહોંચ્યું હોવાનું થાણે મ્યુનિસિપલ કૉર્પોરેશનના રીજનલ ડિઝૅસ્ટર મૅનેજમેન્ટ સેલના વડા સંતોષ કદમે જણાવ્યું હતું. માર્ગ પર ચાર-પાંચ ફૂટ ઊંડો ખાડો પડી જતાં તકેદારીના ભાગરૂપે રોડને બંધ કરી દેવાયો હતો.

આ ઉપરાંત ખારડી-ટેમ્બા-વાડા રૂટ પરના દહીગાંવના માર્ગને પણ વિવિધ સ્થળોએ ભારે નુકસાન થતાં નાશિક જઈ રહેલી બસો અને મુસાફરોની અવરજવર પ્રભાવિત થઈ હોવાનું અન્ય અધિકારીએ જણાવ્યું હતું.

ઉલ્લેખનીય છે કે થાણે અને એની નજીકના વિસ્તારોમાં ગયા સપ્તાહથી ભારે વરસાદ વરસી રહ્યો છે.

30 July, 2021 08:55 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

Thane : હત્યાના ગુનામાં દોષી ઠર્યા બાદ ગુનેગારે કોર્ટમાં વકીલ પર કર્યો હુમલો

અધિકારીએ કહ્યું કે, “તેણે સરકારી વકીલ સાથે દુર્વ્યવહાર કરતા કહ્યું કે, આ માત્ર એક ટ્રેલર હતું, ચિત્ર હજુ પૂરું થયું નથી, હું તને સમાપ્ત કરીશ.”

23 September, 2021 08:08 IST | Mumbai | Gujarati Mid-day Online Correspondent
મુંબઈ સમાચાર

Mumbai : સલૂનના માલિકે માતા-પુત્રીને રૂમમાં બંધ કરી 1.5 લાખ રૂપિયાની માંગણી કરી

મલાડ પોલીસના જણાવ્યા મુજબ, પીડિતા સોનલ સોલંકી (38), તેની પુત્રી પ્રીતિ (18) અને ભત્રીજી હેમાને આરોપી સોનિયા શિવલિંગમે સલૂનના રૂમમાં બંધ કરી દીધા હતા.

23 September, 2021 07:12 IST | Mumbai | Gujarati Mid-day Online Correspondent
મુંબઈ સમાચાર

નવી મુંબઈમાં દેહ વ્યાપાર કરતા રેકેટનો પર્દાફાશ; ચાર મહિલાઓને ઉગારી લેવાઈ

બુધવારે નવી મુંબઈ પોલીસની ક્રાઈમ બ્રાન્ચના માનવ તસ્કરી વિરોધી સેલ દ્વારા વાશીમાં એક રેસ્ટોરન્ટમાં દરોડા પાડ્યા બાદ આ ધરપકડ કરવામાં આવી હતી.

23 September, 2021 06:26 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK