° °

આજનું ઇ-પેપર
Friday, 01 July, 2022


પવાર હજી પણ બની શકે છે કિંગમેકર

22 June, 2022 08:37 AM IST | Mumbai
Gujarati Mid-day Correspondent | feedbackgmd@mid-day.com

જો તેઓ બીજેપી સાથે મળીને સરકાર બનાવવાનું નક્કી કરે તો

શરદ પવાર

શરદ પવાર


શિવસેનાના નારાજ પ્રધાન એકનાથ શિંદેની આગેવાનીમાં વિધાનસભ્યો બીજેપીશાસિત ગુજરાતમાં જઈ પહોંચવા સાથે મહારાષ્ટ્રની ઉદ્ધવ ઠાકરે સરકાર મુસીબતમાં મુકાઈ ગઈ છે.
મહાવિકાસ આઘાડી (એમવીએ) અને બીજેપીએ લેજિસ્લેટિવ કાઉન્સિલની ચૂંટણીમાં પાંચ-પાંચ બેઠકો જીતી એના કલાકો બાદ આ ઘટનાક્રમ આકાર પામ્યો હતો.
મહારાષ્ટ્ર વિધાનસભાની કુલ ૨૮૮ બેઠકો છે. એક વિધાનસભ્યના અવસાન સાથે સંખ્યા ઘટીને ૨૮૭ થઈ છે. એનો અર્થ એ કે હવે વિશ્વાસના મતની સ્થિતિમાં વિધાનસભામાં બહુમતીનો આંક ૧૪૪નો છે. સેના, એનસીપી અને કૉન્ગ્રેસની એમવીએ સરકાર હાલમાં ૧૫૨ વિધાનસભ્યો ધરાવે છે. વિપક્ષ બીજેપીએ એની પાસે ૧૩૪ વિધાનસભ્યો હોવાનો દાવો કર્યો છે.
હવે જો એકનાથ શિંદેની આગેવાનીના સમર્થક વિધાનસભ્યો રાજીનામું આપી દે તો સેનાની સંખ્યા ઘટીને ૩૪ થઈ જાય. આમ થવાથી ગૃહમાં શાસક ગઠબંધનનું બળ ઘટીને ૧૩૦ થશે. ૨૨ વિધાનસભ્યોનાં રાજીનામાં સાથે ગૃહમાં બહુમતી માટેનો નવો આંક ૧૩૩ થશે. આ સ્થિતિમાં બે સંભવિત ચિત્ર ઊપસી શકે છે.
સેનાના વિધાનસભ્યો ઘટે તો સરકાર ઊથલી પડે, પણ એકેય પક્ષ સરકાર રચવા માટે પૂરતી બહુમતી ધરાવતો નથી. આ સ્થિતિમાં રાષ્ટ્રપતિશાસન લાગુ પડશે અથવા તો એમવીએ રચવામાં મહત્ત્વની ભૂમિકા ભજવનાર શરદ પવાર ફરી એક વખત કિંગમેકર બની શકે છે.
શરદ પવારના ૫૩ વિધાનસભ્યો પાસે ચાવી રહેલી છે. શું એનસીપી સુપ્રીમો દેવેન્દ્ર ફડણવીસ અને અજિત પવારની વહેલી સવારની શપથવિધિ ભૂલી જઈને બીજેપી સાથે હાથ મિલાવશે? આમ શરદ પવાર હાલ બીજેપીવિરોધી જોડાણમાં મહત્ત્વની વ્યક્તિ છે.

22 June, 2022 08:37 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

બીજા પાંચ દિવસ મેઘરાજા કરશે તોફાની બૅટિંગ

વરસાદથી વેસ્ટર્ન અને સેન્ટ્રલ રેલવેની સર્વિસ ખોરવાઈ

01 July, 2022 12:38 IST | Mumbai | Gujarati Mid-day Correspondent
મુંબઈ સમાચાર

કાલબાદેવીના કાપડબજારથી ધમધમતા વિસ્તારમાં મકાનનો ભાગ તૂટી પડ્યો

જોકે એ ખાલી કરાવાયું હોવાથી અને એનું સમારકામ ચાલતું હોવાથી કોઈ જાનહાનિ નહીં

01 July, 2022 12:34 IST | Mumbai | Gujarati Mid-day Correspondent
મુંબઈ સમાચાર

રાજ્યનો વિકાસ થાય અને બધાને ન્યાય મ‍ળે એવાં કામ કરીશું : એકનાથ શિંદે

બહુમત સિદ્ધ કરવા શનિવારે વિધાનસભાનું વિશેષ સત્ર

01 July, 2022 12:26 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK