° °

આજનું ઇ-પેપર
Tuesday, 09 August, 2022


હિંસા બૂમરૅન્ગ થશે

26 June, 2022 08:10 AM IST | Mumbai
Dharmendra Jore

શિવસૈનિકો રસ્તા પર ઊતરી આવવા માટે ઉતાવળા થયા છે, પણ મહાવિકાસ આઘાડીએ સમજી લેવું જોઈએ કે જો હિંસા બેલગામ થશે તો એ બૂમરૅન્ગ થશે અને રાજ્યપાલ રાષ્ટ્રપતિશાસન પણ લાદી શકે

દાદરના શિવાજી પાર્કમાં શિવસેના ભવનની બહાર ગઈ કાલે આક્રમક બનેલા શિવસૈનિકો. (તસવીર : આશિષ રાજે) Maharashtra Political Drama

દાદરના શિવાજી પાર્કમાં શિવસેના ભવનની બહાર ગઈ કાલે આક્રમક બનેલા શિવસૈનિકો. (તસવીર : આશિષ રાજે)

આ ઘાટ તો બીજેપી માટે ભાવતું`તું ને વૈદે કર્યું જેવો થઈ જશે અને આમાં સીધું નુકસાન શિવસેનાનું છે

શિવસેનાના કાર્યકરોના રોષનું લક્ષ્ય ગઈ કાલે બળવાખોર વિધાનસભ્યોના પરિવારના સભ્યોની ઑફિસો અને ઘરો બન્યાં અને શિવસેનાના બળવાખોર નેતા એકનાથ શિંદે અને તેમના જૂથે રાજ્યપાલ, મુખ્ય પ્રધાન, ગૃહપ્રધાન અને રાજ્યના પોલીસવડાને પત્ર લખીને આક્ષેપ કર્યો કે તેમને અપાયેલી સલામતી પાછી ખેંચી લેવાઈ છે ત્યારે ભલભલાની ખતરાની ઘંટીઓ વાગવા માંડી હતી.
ગૃહપ્રધાન દિલીપ વળસે-પાટીલે તરત જ આ આક્ષેપને નકારી કાઢ્યો હતો અને કહ્યું હતું કે આનાથી સાવ જ વિપરીત અમે તો સલામતીમાં વધારો કર્યો છે.

આ ઉપરાંત એકનાથ શિંદેના દીકરાની ઑફિસમાં તોડફોડ થઈ હતી અને આવા કેટલાક બનાવ અન્ય સ્થળોએથી પણ જાણવા મળ્યા. આવી પરિસ્થિતિમાં શક્યતા પૂરેપૂરી હોય કે રસ્તાઓ પર બંને જૂથ વચ્ચે તોફાનો ફાટી નીકળે અને શાંતિ જોખમાય એવી સીધી ચેતવણી અત્યારે આસામમાં ભરાઈ બેઠેલા બળવાખોર જૂથ તરફથી આવી.

આ જૂથના પ્રવક્તા દીપક કેસરકર જણાવ્યું હતું કે જો મુખ્ય પ્રધાન હિંસા પર લગામ ન તાણી શકે અને કેન્દ્ર સરકાર હસ્તક્ષેપ કરે તો અમને દોષ ન આપતા.

રાજકીય વર્તુળોના કહેવા પ્રમાણે કેસરકરનું વિધાન કાળના ગર્ભમાં શું છુપાયેલું છે એ દર્શાવે છે અને એ છે રાષ્ટ્રપતિશાસન લદાવાની શક્યતા.

એક વરિષ્ઠ રાજકીય નેતાએ જણાવ્યું હતું કે ‘જો સરકાર અસ્થિર રહે અને હિંસાચાર થતો રહે તો રાજ્યપાલ કેન્દ્રને હસ્તક્ષેપ કરવાનું કહી શકે અને એ રાષ્ટ્રપતિશાસનના સ્વરૂપમાં પણ હોઈ શકે. બીજેપીના નેતૃત્વ હેઠળની કેન્દ્ર સરકારને કોઈ જ તક તાસક પર ધરી ન દેવાનું મહાવિકાસ આઘાડી માટે અત્યંત મહત્ત્વનું છે.’ 

 

26 June, 2022 08:10 AM IST | Mumbai | Dharmendra Jore

અન્ય લેખો

મુંબઈ સમાચાર

આરેમાં મેટ્રો કારશેડના કામને રોકશો તો ખર્ચ-દેવું વધી જશે

મેટ્રો ૩ના કારશેડનું કામ આરે કૉલોનીમાં શરૂ કરવાને લીલી ઝંડી આપવા સાથે એકનાથ શિંદેએ ઉચ્ચારી ચેતવણી

22 July, 2022 03:28 IST | Mumbai | Dharmendra Jore
મુંબઈ સમાચાર

ઝોર કા ઝટકા...: આ મહિનેથી જ વીજળીનું બિલ વધી જવાનું

જે વીજકંપનીઓને અનામત ભંડોળ ઘટી જવાથી કે સંપૂર્ણ રીતે ખતમ થઈ જવાથી બાકી રકમની વસૂલાત કરવી આવશ્યક છે તેઓ આ મહિનાથી શરૂ થતા માસિક બિલમાં એફએસી ઉમેરશે

09 July, 2022 09:06 IST | Mumbai | Dharmendra Jore
મુંબઈ સમાચાર

ભાજપના ટોચના ત્રણ નેતાએ આદેશ આપ્યા બાદ અપસેટ ફડણવીસ તૈયાર થયા ડેપ્યુટી સીએમ બનવા

એકનાથ શિંદેને મુખ્ય પ્રધાનનું પદ આપવાની જાહેરાત ગઈ કાલે બપોરે દેવેન્દ્ર ફડણવીસે જ કરી હતી

01 July, 2022 08:46 IST | Mumbai | Dharmendra Jore

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK