° °

આજનું ઇ-પેપર
Thursday, 30 June, 2022


ઉદ્ધવ ઠાકરેએ બોલાવેલી શિવસેનાની બેઠકમાં હાજર રહ્યાં માત્ર ૧૪ વિધાનસભ્યો

24 June, 2022 11:13 AM IST | Mumbai
Gujarati Mid-day Correspondent | feedbackgmd@mid-day.com

બે દિવસ પહેલાં બળવાખોર વિધાનસભ્યોને મનાવવા ઉદ્ધવ ઠાકરેએ તેમના બે પ્રતિનિધિ મિલિંદ નાર્વેકર અને રવીન્દ્ર ફાટકને સુરત મોકલ્યા હતા

ઉદ્ધવ ઠાકરે Maharashtra Political Drama

ઉદ્ધવ ઠાકરે

એકનાથ શિંદેએ અલગ ગ્રુપ બનાવતાં વિધાનસભ્યોની જે હિજરત શરૂ થઈ હતી એ ગઈ કાલે પણ ચાલુ રહેતાં શિવસેનામાં સોપો પડી ગયો હતો. ગઈ કાલે બપોરે શિવસેના-પ્રમુખ ઉદ્ધવ ઠાકરેએ તેમના પક્ષના વિધાનસભ્યોની માતોશ્રી પર બેઠક બોલાવી હતી જેમાં ગણીને ૧૪ વિધાનસભ્યો હાજર રહ્યા હતા, જ્યારે આદિત્ય ઠાકરે (પંદરમા વિધાનસભ્ય)માતોશ્રી પર જ હાજર હતા.

બે દિવસ પહેલાં બળવાખોર વિધાનસભ્યોને મનાવવા ઉદ્ધવ ઠાકરેએ તેમના બે પ્રતિનિધિ મિલિંદ નાર્વેકર અને રવીન્દ્ર ફાટકને સુરત મોકલ્યા હતા. ગઈ કાલે સાંજે એવા અહેવાલ હતા કે એમાંના એક રવીન્દ્ર ફાટક પણ આખરે ​એકનાથ ​શિંદે ગ્રુપમાં જોડાઈ ગયા હતા. ગઈ કાલ બપોરની બેઠકમાં હાજર રહેલા વિધાનસભ્યોમાં અજય ચૌધરી, રવીન્દ્ર વાયકર, રાજન સાળવી, વૈભવ નાઈક, નીતિન દેશમુખ, ઉદય સામંત, સુનીલ રાઉત, સુનીલ પ્રભુ, દિલીપ લાંડે, રાહુલ પાટીલ, રમેશ કોરગાવકર, પ્રકાશ ફાતરપેકર, ઉદય​સિંહ રાજપૂત અને સંતોષ બાંગરનો સમાવેશ હતો.   
એ પછી સંજય રાઉતે કહ્યું હતું કે ‘જે વિધાનસભ્યોએ બળવો કર્યો છે તેમને હું બળવાખોર નહીં પણ બદમાશ કહીશ. જો ચૂંટણી થાય તો એમાંથી એક પણ ચૂંટાઈ નહીં આવે. ગઈ કાલે રાતે જે શિવસૈનિકો માતોશ્રી પર હાજર હતા તેઓ જ ખરા શિવસૈનિકો છે.’

માતોશ્રી સામે નવનીત રાણાના હનુમાન ચાલીસા પઠનને રોકવા રાતભર હજારો શિવસૈનિકો સાથે રસ્તા પર હાજર રહેલા શિવસેનાના સમર્થક અને શિવડીમાં રહેતાં અને પરેલમાં શાકભાજી વેચતાં ૮૦ વર્ષનાં ચંદ્રભાગા શિંદેએ પણ કહ્યું છે કે ​ઉદ્ધવ ઠાકરેની સાથે છે તેઓ જ ખરા શિવસૈનિકો છે, જેઓ છોડી ગયા છે એ લોકો કંઈ ખરા શિવસૈનિકો નથી. 

24 June, 2022 11:13 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

Breaking News: કૉર્ટના નિર્ણય બાદ ઉદ્ધવ ઠાકરેએ સીએમ પદ પરથી આપ્યું રાજીનામું

ઉદ્ધવ ઠાકરેએ બુધવાર, 29 જૂનના રોજ મહારાષ્ટ્રના મુખ્ય પ્રધાન તરીકે રાજીનામું આપ્યું. મહારાષ્ટ્ર વિધાનસભામાં ફ્લોર ટેસ્ટ પર સ્ટે મૂકવાની MVA સરકારની અરજીને સુપ્રીમ કોર્ટે ફગાવી દીધા પછી તરત જ ઉદ્ધવ ઠાકરેએ કરી જાહેરાત.

29 June, 2022 10:47 IST | Mumbai | Gujarati Mid-day Online Correspondent
મુંબઈ સમાચાર

Maharashtra Political Crisis: આવતી કાલે જ બહુમતી સાબિત કરો, રાજ્યપાલનો CMને પત્ર

વિધાનસભાનું વિશેષ અધિવેશન બોલાવવામાં આવ્યું

29 June, 2022 09:36 IST | Mumbai | Gujarati Mid-day Online Correspondent
મુંબઈ સમાચાર

તમારા સંપર્કમાં છે એ વિધાનસભ્યોનાં નામ જાહેર કરો

શિવસેનાના આદિત્ય ઠાકરે સહિતના નેતાઓ વારંવાર કહી રહ્યા છે કે ગુવાહાટીની હોટેલમાં પહોંચેલા ૨૦ વિધાનસભ્યો તેમના સંપર્કમાં છે એનો એકનાથ શિંદેએ જવાબ માગ્યો

29 June, 2022 08:00 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK