° °

આજનું ઇ-પેપર
Sunday, 20 June, 2021


મોટાં જળાશયો હજી માત્ર ૨૫ ટકા જ ભરાયાં

17 July, 2020 11:40 AM IST | Mumbai Desk | Mumbai Correspondent

મોટાં જળાશયો હજી માત્ર ૨૫ ટકા જ ભરાયાં

મોટાં જળાશયો હજી માત્ર ૨૫ ટકા જ ભરાયાં

ગયા સપ્તાહે શહેરમાં ભારે વરસાદ આવ્યો હોવા છતાં તળાવોમાં પાણીના સંગ્રહનું પ્રમાણ આઠ ટકાથી વધીને માત્ર ૨૫.૮૦ ટકા જ થયું છે. આ માટે થાણે અને નાશિકમાં થયેલો છુટોછવાયો વરસાદ કારણભૂત છે, જ્યાં મોટા ભાગનાં તળાવો આવેલાં છે.
શહેરને પાણી પૂરું પાડતાં કુલ સાત તળાવોમાંથી ભાત્સા, તાનસા, અપર વૈતરણા, મિડલ વૈતરણા, મોદક સાગર થાણે-નાશિક બેલ્ટ પર આવેલાં છે, જ્યારે તુલસી અને વિહાર સંજય ગાંધી નૅશનલ પાર્ક (એસજીએનપી) ખાતે આવેલાં છે.
ગયા વર્ષે ૧૬ જુલાઈ સુધીમાં તળાવોમાં ૫૦ ટકા પાણીનો સંગ્રહ થયો હતો, જ્યારે ૨૦૧૮માં પાણીનો જથ્થો ૭૫ ટકા હતો. ગયા વર્ષે પણ ચોમાસું મોડું શરૂ થયું હતું તેમ છતાં, મોટા ભાગનાં તળાવોમાં આ વર્ષના અત્યાર સુધીના ગાળાની તુલનામાં બમણો વરસાદ નોંધાયો હતો.
શહેરનાં વિહાર અને તુલસી તળાવોમાં છેલ્લા ૨૪ કલાકમાં ગુરુવારે સવારે છ વાગ્યા સુધીમાં અનુક્રમે ૧૨૫ મિલીમીટર અને ૯૦ મિલીમીટર વરસાદ પડ્યો હતો, પરંતુ રોજિંદા પુરવઠામાં ૯૮ ટકાનો હિસ્સો ધરાવતાં અન્ય તળાવોમાં છેલ્લા ૨૪ કલાકમાં ૧૨ મિલીમીટર કરતાં વધુ વરસાદ નોંધાયો નથી, એમ બીએમસીના એક અધિકારીએ જણાવ્યું હતું.
ગયા વર્ષે તુલસી તળાવ ૧૨ જુલાઈના રોજ ઓવરફ્લો થયું હતું, ત્યાર બાદ ૨૫ જુલાઈએ તાનસા, ૨૬ જુલાઈએ મોદક સાગર, ૩૧ જુલાઈએ વિહાર, ૨૫ ઑગસ્ટે મિડલ વૈતરણા અને ૩૧ ઑગસ્ટે અપર વૈતરણા તળાવ ઓવરફ્લો થયાં હતાં. આજની તારીખે તુલસી તળાવ ૮૦ ટકા ભરાયું છે, જ્યારે વિહાર ૫૦ ટકા ભરાયું છે, પરંતુ તુલનાત્મક રીતે આ તળાવો અન્ય પાંચ તળાવોની સરખામણીમાં નાના કદના છે.

17 July, 2020 11:40 AM IST | Mumbai Desk | Mumbai Correspondent

અન્ય લેખો

મુંબઈ સમાચાર

થાણેની હૉસ્પિટલના સ્ટાફને નોકરીમાંથી કાઢ્યા પછી આંદોલન બાદ પાછો લેવામાં આવ્યો

કોરોનાના કેસ ઓછા થતાં અને તેમની જરૂર ન જણાતાં તેમને શુક્રવારે નોકરી પરથી કાઢી મૂકવામાં આવ્યાં હતાં. તેમણે ગઈ કાલે હૉસ્પિટલની બહાર વિરોધ-પ્રદર્શન કર્યું હતું.

20 June, 2021 03:55 IST | Mumbai | Gujarati Mid-day Correspondent
મુંબઈ સમાચાર

મધ્ય પ્રદેશથી ગન વેચવા આવેલ યુવાન ક્રાઇમ બ્રાન્ચના ઘાટકોપર યુનિટના હાથમાં ઝડપાયો

ક્રાઇમ બ્રાન્ચે આ સંદર્ભે મુલુંડના નવઘર પોલીસ સ્ટેશનમાં ફરિયાદ કરી હતી. આર્મ્સ ઍક્ટ હેઠળ ગુનો નોંધીને કેસની વધુ તપાસ કરવામાં આવી રહી છે. 

20 June, 2021 03:39 IST | Mumbai | Gujarati Mid-day Correspondent
મુંબઈ સમાચાર

શિવસેના-બીજેપીના કાર્યકરો ફરી બાખડ્યા

પેટ્રોલ-પમ્પ પર વૈભવ નાઈક લોકોને પેટ્રોલ ખરીદવા માટે રૂપિયા વહેંચી રહ્યા હતા ત્યારે બીજેપીના કાર્યકરો આવી પહોંચ્યા હતા. તેમણે વિરોધ કરતાં બન્ને પક્ષના કાર્યકરો સૂત્રોચ્ચાર કરીને એકબીજાની સામસામે આવી ગયા હતા.

20 June, 2021 02:16 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK