° °

આજનું ઇ-પેપર
Monday, 29 November, 2021


દિવાળી સુધીમાં કામ પૂરું નહીં થાય તો તારી કિડની કાઢી લઈશ

25 October, 2021 09:54 AM IST | Mumbai | Gujarati Mid-day Correspondent

કલ્યાણમાં જિમના માલિકની આવી દાદાગીરી અને ધમકીથી કંટાળીને ફર્નિચરનું કામ કરી રહેલા કૉન્ટ્રૅક્ટરે જિમમાં જ કરી લીધી આત્મહત્યા

પ્રતીકાત્મક તસવીર

પ્રતીકાત્મક તસવીર

કલ્યાણમાં કોલસેવાડી વિસ્તારમાં આવેલા એક જિમના માલિકની દાદાગીરી અને ધમકીથી કંટાળી ફર્નિચરના એક કૉન્ટ્રૅક્ટરે જિમમાં જ આત્મહત્યા કરી લીધી હતી. આ ઘટના પછી કેટલાક સામાજિક નાગરિકોએ આત્મહત્યા માટે જવાબદાર જિમના માલિક પર કડક કાર્યવાહી કરવા માટેના પત્રો પોલીસને આપીને વિરોધ-પ્રદર્શન કર્યું હતું. પોલીસે આરોપીની ધરપકડ કરીને તપાસ શરૂ કરી છે.

કલ્યાણ-ઈસ્ટમાં તીસગાવ વિસ્તારમાં આરોપી વૈભવ પરબ ફિટનેસ એમ્પાયર નામનું જિમ ખોલવા માગતો હતો હતો. એમાં ફર્નિચરના કામ માટે કૉન્ટ્રૅક્ટર શોધી રહ્યો હતો. એ દરમ્યાન તેની મુલાકાત પૂનમરામ ચૌધરી સાથે થઈ હતી. પૂમનરાજે જિમનું કામ ત્રણ મજૂરો સાથે શરૂ કર્યું હતું. એક-બે દિવસ જતાં જિમના માલિક વૈભવે પૂનમરાજ પર દબાણ કરીને કામ જલદી પતાવવા કહ્યું હતું. બે દિવસ પહેલાં આરોપીએ જિમમાં રાતના સમયે ત્રણ મજૂરોને બંધ કરી તેમને ખાવા-પીવા નહોતું આપ્યું. એ જોઈને બીજા દિવસે ત્રણ મજૂરો ત્યાંથી નાસી ગયા હતા. ત્યારે આરોપીએ પૂનમરાજને ધમકી આપી હતી કે જો દિવાળી સુધીમાં કામ પૂરું નહીં થાય તો તારી કિડની કાઢી લઈશ અને મેં ઍડ્વાન્સ તરીકે આપેલા પૈસા વસૂલ કરીશ. એ વાતથી ગભરાઈને પૂનમરાજે શનિવાર રાતના જિમમાં જ આત્મહત્યા કરી હતી.

કોલસેવાડી પોલીસ સ્ટેશનના સિનિયર પોલીસ ઇન્સ્પેક્ટર બશીર શેખેએ ‘મિડ-ડે’ને કહ્યું હતું કે ‘આ ઘટના પછી અમે આરોપી જિમના માલિકની ધરપકડ કરી છે. તેના પર આત્મહત્યા માટે ઉશ્કેરવાનો આરોપ મૂકવામાં આવ્યો છે. વધુ તપાસ ચાલી રહી છે.’

25 October, 2021 09:54 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

દીકરીના લગ્નમાં સંજય રાઉતે સુપ્રિયા સુલે સાથે કર્યો ડાન્સ, વીડિયો થયો વાયરલ

સંજય રાઉતની પુત્રી પૂર્વાશી રાઉત સોમવારે લગ્નના બંધનમાં બંધાવા જય રહી છે. થાણે જિલ્લા કલેક્ટર રાજેશ નાર્વેકરના પુત્ર મલ્હાર સાથે લગ્ન કરી રહી છે.

28 November, 2021 08:50 IST | Mumbai | Gujarati Mid-day Online Correspondent
મુંબઈ સમાચાર

રાકેશ ટિકૈતે મુંબઈમાં સભા યોજી કેન્દ્રને આપી ચીમકી, MSP પર કાયદો ઘડો નહિતર...

મુંબઈમાં સંયુક્ત શેતકરી કામદાર મોરચા (SSKM) ના બેનર હેઠળ આઝાદ મેદાન ખાતે કિસાન-મઝદૂર મહાપંચાયતનું આયોજન કરવામાં આવ્યું હતું.

28 November, 2021 07:59 IST | Mumbai | Gujarati Mid-day Online Correspondent
મુંબઈ સમાચાર

હંસા હેરિટેજ સોસાયટીના હોદ્દેદારોએ પણ કરી આગોતરા જામીનની અરજી

કાંદિવલી પોલીસ સ્ટેશનના સિનિયર પોલીસ ઇન્સ્પેક્ટર બાબાસાહેબ સાળુંખેએ કહ્યું છે કે કોર્ટ હવે બિલ્ડર અને સોસાયટીના હોદ્દેદારોની આગોતરા જામીનની અરજી પર સોમવારે સુનાવણી કરવાની છે.

28 November, 2021 03:12 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK